ഇന്ത്യയിലെഗ്രാമങ്ങളിൽ കോവിഡ് വ്യാപനം രൂക്ഷമായി തുടരുന്ന സാഹചര്യത്തില്‍ കോവിഡ് മുക്തമായ ഒരു ഗ്രാമം കേരളത്തിലുണ്ട്. ഇടുക്കി ജില്ലയിലെ ഇടമലക്കുടി എന്ന ഗ്രാമം. സംസ്ഥാനത്തെ ഏക ഗോത്ര വര്‍ഗ പഞ്ചായത്ത് കൂടിയായ ഇടമലക്കുടിയില്‍ ഒന്നരവർഷത്തിന് ഇടയിൽ ഇതുവരെ ഒരാള്‍ക്ക് പോലും കോവിഡ് സ്ഥിരീകരിച്ചിട്ടില്ല.സംസ്ഥാനത്ത് കോവിഡ് സ്ഥിരീകരിച്ച നാള്‍ മുതല്‍ സ്വയം ഐസൊലേഷനില്‍ കഴിയുകയാണ് ഇടമലക്കുടിയിലെ ജനങ്ങള്‍.

അവശ്യ സാധനങ്ങള്‍ വാങ്ങാൻ മൂന്നാറിലേക്ക് പോകുന്നത് ഒന്നോ രണ്ടോ പേര്‍ മാത്രമാണ്. ഗ്രാമത്തിലെ എല്ലാവര്‍ക്കും വേണ്ട സാധനങ്ങള്‍ കൊണ്ടുവരികയും പുറത്ത് പോയി വന്നാൽ രണ്ടാഴ്ച സ്വയം നിരീക്ഷണത്തിൽ പോവുകയാണ് പതിവ്. 26 കുടികളിലായി 2250 പേരാണ് ഇവിടെയുള്ളത്. ആർക്കെങ്കികും ഇവിടേക്ക് വരണം എന്നുണ്ടെങ്കിൽ കൂടി നാൽപത്തിയെട്ട് മണിക്കൂറിനുള്ളിൽ RTPCR ടെസ്റ്റ് നെഗറ്റീവ് സർട്ടിഫിക്കറ്റ് ഉണ്ടെങ്കിൽ മാത്രമാണു ഇവിടേക്ക് പ്രവേശനം. സർക്കാർ ഉദ്യോഗസ്ഥർ ആണങ്കിലും അത് നിർബന്ധമാണ്. ഗ്രാമത്തിൽ മുദാവ ഗോത്രത്തിൽ പെട്ടവരാണ് കൂടുതലും.

അമ്പലപ്പുഴ പാൽപ്പായസം:- ചതുരംഗം കളിക്കുന്നതിൽ ഭ്രമമുണ്ടായിരുന്ന ചെമ്പകശ്ശേരി രാജാവ്, തന്നെ തോല്പിക്കുവാൻ, മറ്റു കളിക്കാരെ വെല്ലുവിളിച്ചു. ഒരു സാധു മനുഷ്യനാണ് ആ വെല്ലുവിളി സ്വീകരിച്ചത്. പന്തയം ഇപ്രകാരമായിരുന്നു: രാജാവു തോറ്റാൽ 64 കളങ്ങളുള്ള ചതുരംഗപ്പലകയിൽ ഒന്നാമത്തേതിൽ ഒരു നെന്മണി, രണ്ടാമത്തേതിൽ രണ്ട്, മൂന്നാമത്തേതിൽ നാല് ഇങ്ങനെ ഇരട്ടപ്പെരുക്കത്തിൽ 64 കളങ്ങളും പൂർത്തിയാക്കിക്കിട്ടുന്ന നെല്ല് എതിരാളിക്കു കൊടുക്കണം. രാജാവിന് ഇതു നിസ്സാരമായി തോന്നി. കളിയിൽ രാജാവു തോല്ക്കുകയും എതിരാളി പന്തയത്തുക കണക്കുതെറ്റാതെ നല്കണമെന്നു നിർബന്ധിക്കുകയും ചെയ്തു. കളങ്ങളിൽ പകുതി ആകുന്നതിനു മുൻപുതന്നെ അളവു മതിയാക്കേണ്ടിവന്നു. രാജ്യത്തുള്ള നെല്ലു മുഴുവൻ കടംവീട്ടാൻ നീക്കിവച്ചിട്ടും പന്തയനെല്ലു കൊടുത്തു തീർക്കുവാൻ കഴിവില്ലെന്നു മനസ്സിലാക്കിയ രാജാവിന്റെ അഹങ്കാരം അസ്തമിച്ചു. എതിരാളിയുടെ മുഖത്തു നോക്കിയപ്പോൾ പുഞ്ചിരിച്ചുകൊണ്ടു നില്ക്കുന്ന ശ്രീകൃഷ്ണനെയാണു രാജാവിനു കാണുവാൻ കഴിഞ്ഞത്. രാജാവ് ക്ഷമായാചനം ചെയ്തു. ‘പന്തയം തീർന്നു; ദിവസം തോറും എനിക്കു പാൽപ്പായസം നിവേദിച്ചു കടം വീട്ടുക’ എന്നു ഭഗവാൻ അരുൾ ചെയ്തുവത്രെ. മറ്റൊരു ഐതിഹ്യം ഇപ്രകാരമാണ്ചെമ്പകശ്ശേരി രാജാവ് ഒരിക്കൽ സൈനികച്ചെലവിലേക്കും മറ്റുമായി ആനപ്രാമ്പൽ സ്വദേശിയായ ഒരു തമിഴ് ബ്രാഹ്മണനോടു കുറെ നെല്ല് വായ്പ വാങ്ങി. മുതലും കൂട്ടുപലിശയും ചേർന്ന് അതു മുപ്പത്തിയാറായിരം പറയായി വർധിച്ചു. രാജാവിനോട് ഋണബാധ്യത തീർക്കാൻ പലപ്രാവശ്യം ബ്രാഹ്മണൻ അപേക്ഷിച്ചിട്ടും ഫലമുണ്ടായില്ല. ഒരു ദിവസം രാജാവു ക്ഷേത്രദർശനത്തിനു വന്നപ്പോൾ ‘എന്റെ കടം തീർക്കാതെ തേവരാണെ അകത്തു കടക്കരുത്’ എന്നു ബ്രാഹ്മണൻ വിളിച്ചുപറഞ്ഞു. സത്യസന്ധനായ രാജാവു വിഷമിച്ചു. ബുദ്ധിമാനായ മന്ത്രി വിവരമറിഞ്ഞ് അവശ്യംവേണ്ട നെല്ല് നാട്ടുകാരിൽനിന്നു കടംവാങ്ങി കിഴക്കേനടയിലുള്ള ആനക്കൊട്ടിലിൽ അളന്നുകൂട്ടിച്ചു. ഉച്ചശീവേലിക്കു മുൻപ് നെല്ലു സ്ഥലത്തുനിന്നും മാറ്റുന്നതിനു ബ്രാഹ്മണനെ മന്ത്രി നിർബന്ധിച്ചു. മന്ത്രിയുടെ രഹസ്യമായ ആജ്ഞ ഉണ്ടായിരുന്നതിനാൽ ബ്രാഹ്മണനു ചുമട്ടുകാരെയോ വള്ളക്കാരെയോ ലഭിച്ചില്ല. ഉച്ചശീവേലിക്കു സമയമടുത്തിട്ടും നെല്ലു മാറ്റാൻ നിവൃത്തിയില്ലാതെവന്നപ്പോൾ ആ ബ്രാഹ്മണൻ പശ്ചാത്താപവിവശനായി. ആ നെല്ലു മുഴുവൻ അതിന്റെ പലിശകൊണ്ടു നിത്യേന ശ്രീകൃഷ്ണസ്വാമിക്കു പാൽപ്പായസ നിവേദ്യം നടത്തുന്നതിനു വഴിപാടായി അർപ്പിച്ചു. വെള്ളവും പാലും അരിയുംപഞ്ചസാരയും മാത്രമാണ് ഇതിന്റെ ചേരുവകൾ‍..’.രാവിലെ കൃത്യം 6 മണിക്ക് ഒരു വലിയ വാർപ്പിൽ വെള്ളം ഒഴിച്ചു തിളപ്പിക്കുന്നു. മണി കിണറിലെ വെള്ളമാണ് ഉപയോഗിക്കുന്നത്. ഒരു മണിക്കൂർ കഴിഞ്ഞ്, തിളച്ചുകൊണ്ടിരിക്കുന്ന വെള്ളത്തിൽ പാലു ചേർത്തു സാവധാനത്തിൽ വറ്റിക്കുന്നു. 11 മണിയോടുകൂടി വെള്ളം ഏതാണ്ടു മുഴുവനും വറ്റിക്കഴിയുമ്പോൾ അരി ചേർക്കുന്നു. ഒരു മണിക്കൂർ കൂടി കഴിയുമ്പോഴേക്കും പാലിന്റെ പതിനൊന്നിലൊരു ഭാഗം കൂടി വറ്റിക്കഴിയും. അപ്പോൾ പഞ്ചസാര ചേർത്തിളക്കി പകർന്നെടുത്തു നിവേദിക്കുന്നു. കഷായത്തിലെന്നപോലെ ധാരാളം വെള്ളത്തിൽ പാല് വേവിച്ചെടുക്കുന്നതുകൊണ്ടായിരിക്കണം ഇതിനെ ‘ഗോപാല കഷായം’ എന്നു വിളിക്കുന്നത്. ഇതിനു തങ്കനിറവും പ്രത്യേകമായ സുഗന്ധവും സ്വാദും ഉണ്ട്. കേരളത്തിൽ തന്നെ തിരുവനന്തപുരം പദ്മനാഭസ്വാമി ക്ഷേത്രത്തിലും ഗുരുവായൂർ ശ്രീകൃഷ്ണ ക്ഷേത്രത്തിലും പ്രശസ്തമായ പാൽപ്പായസനിവേദ്യങ്ങൽ ഉണ്ടെങ്കിലും അമ്പലപ്പുഴ പാൽപ്പായസത്തിന്റെയത്ര പ്രശസ്തി അവയ്ക്കില്ല.

അടച്ചുപൂട്ടിയ പ്ലാച്ചിമട കൊക്കകോള ഫാക്ടറി കോവിഡ്സെൻറർ ആക്കും .പതിനേഴു വർഷങ്ങൾക്ക് മുൻപ് ജന ചൂഷണത്തിൻ്റെ പേരിൽ അടച്ചുപൂട്ടിയ പ്ലാച്ചിമടയിലെ കൊക്കകോള ഫാക്ടറി കോവിഡ് കെയർ സെൻ്റർ ആകാൻ ജില്ലാ ഭരണകൂടത്തിൻ്റെ തീരുമാനം. നൂറ്റി അൻപത് ഓക്സിജൻ കിടക്ക ഉൾപെടെ അറന്നൂറ് കിടക്കകളും ഇതിൽ ഉൾപ്പെടുത്തും. പെരുമാട്ടി പഞ്ചായത്തിലെ സന്നദ്ധസേന വളണ്ടിയമാർ വൃത്തിയാക്കലുകളും മറ്റും തുടങ്ങി.അടുത്ത ആഴ്ചയോടെ പ്രവർത്തനം തുടങ്ങും. ഇതിന് ചിലവാകുന്നതിൻ്റെ പകുതി കൊക്കകോള കമ്പനിയുടെ സി എസ് ആർ ഫണ്ടിൽ നിന്നും ലഭിക്കുമെന്നും ബാക്കിയുള്ളവ സ്പോൺസർമാരാണ് ഏറ്റെടുത്തിരിക്കുന്നത് മന്ത്രി പറഞ്ഞു.

ബിഗ് ബോസ്സിൽ തിരിച്ചെത്തി ഡിംപൽ ഭാൽ…ബിഗ് ബോസ്സ് സീസൺ 3 ലെ ഏറ്റവും മികച്ച മത്സരാർത്ഥികൾ ഒരാളായിരുന്നു ഡിംപൽ. എന്നാല് കഴിഞ്ഞമാസം ഇരുപത്തിയേഴാം തിയതി ഡിംപലിൻ്റെ അച്ഛൻ മരിക്കുകയും ഡിംപൽ ഷോയിൽ നിന്നും അപ്രധീക്ഷിതമായി പോകേണ്ടി വന്നിരുന്നു. ഇത് പ്രേക്ഷകർക്കിടയിൽ വലിയ ചർച്ചകൾക്ക് ഇട വന്നിരുന്നു. എന്നാല് ഇപ്പൊൾ ഡിംപൽ തിരിച്ച് വരുന്നു എന്ന വാർത്തയാണ് വന്നിരിക്കുന്നത്. ഡിംപലിൻ്റെ ചേച്ചി തിങ്കൾ ആ വാർത്ത സ്ഥിരീകരിക്കുകയും ചെയ്തിട്ടുണ്ട്.

ബാല അമൃത വിഷയം വിശദീകരണവുമായി യൂട്യൂബ് ചാനൽ..
ബാല അമൃത വിഷയത്തിൽ വിശദീകരണവുമായി എത്തിയിരിക്കുകയാണ് വാർത്ത കൊടുത്ത യൂട്യൂബ് ചാനൽ . ബാലക്ക് മകളെ കാണിച്ച് വീഡിയോ കോളിൽ കാണിച്ച് കൊടുത്തില്ല എന്നും കുഞ്ഞിന് കോവിഡ് സ്ഥിരീകരിച്ചു എന്നുമാണ് യൂട്യൂബ് ചാനലിൽ നൽകിയിരുന്ന വാർത്ത. ബാലയും അമൃതയും സംസാരിക്കുന്ന കോൾ റെക്കോർഡിംഗ് സഹിതം ആണ് അവർ വാർത്ത നൽകിയിരുന്നത്. എന്നാല് ഇതിനെതിരെ അമൃത രംഗത്തെത്തിയിരുന്നു. താനും ബാലയും സംസാരിച്ച ചില ഭാഗങ്ങൾ മാത്രം ആണ് വീഡിയോയിൽ ഉള്ളത് എന്നും അമൃത പറഞ്ഞിരുന്നു . കൂടാതെ അവർ സംസാരിച്ചതിൻ്റെ എല്ലാ ഭാഗങ്ങളും കുഞ്ഞിന് കോവിഡ് ഇല്ലെന്നും അമൃത തൻ്റെ ഇൻസ്റ്റാഗ്രാം പ്രൊഫൈലിൽ കൂടി തെളിവുകളോടെ വ്യക്തമാക്കിയിരുന്നു. ഇപ്പൊൾ ആ വാർത്ത കൊടുത്ത യുട്യൂബ് ചാനൽ അമൃതയുടെ വീഡിയോക്കുള്ള വിശദീകരണം നൽകുകയാണ്. തങ്ങൾക്ക് ആ കോൾ റെക്കോർഡിംഗ് ലഭിച്ചത് ബാലയിൽ നിന്നും ആണെന്നും. മകൾക്ക് കോവിഡ് സ്ഥിരീകരിച്ചു എന്ന് കരഞ്ഞുകൊണ്ട് ബാലയാണ് പറഞ്ഞത് എന്നും അവർ പറയുന്നു. അമൃതക്കും കുഞ്ഞിനും ഉണ്ടായ വിഷമത്തിൽ അവർ മാപ്പുചോദികുകയും ചെയ്യുന്നുണ്ട്. ഈ വീഡിയോയും അമൃത ഇൻസ്റ്റാഗ്രാമിൽ പോസ്റ്റ് ചെയ്തിട്ടുണ്ട്.

കുട്ടികളിൽ കോവിഡ് വന്നാൽ എന്തൊക്കെ മരുന്നാണ് നൽകേണ്ടത് ഇത് ഇങ്ങനെയൊക്കെ ശ്രദ്ധിക്കണം എന്നൊക്കെ പറയുകയാണ് ആണ് ഡോക്ടർ ദിനിഷ് സലിം. കുട്ടികളിൽ കോവിഡ് വന്നാൽ കടുത്ത ന്യുമോണിയയോ മരണമോ ഉണ്ടാകില്ല. ചില കുട്ടികളിൽ മാത്രമാണ് ന്യൂമോണിയ കണ്ടുവരാറുണ്ട് .സാധാരണ ലക്ഷണങ്ങളായ പനി വരണ്ട ചുമ വയറിളക്കം സ്വാത് കിട്ടാതിരിക്കുക മണംകിട്ടാതിരിക്കുക ശ്വാസംമുട്ട് ക്ഷീണം തലവേദന എന്നീ ലക്ഷണങ്ങൾ തന്നെയാണ് കുട്ടികളും കണ്ടുവരുന്നത് എന്നാൽ ചില കുട്ടികളിൽ ചെങ്കണ്ണ് ശരീരത്തിൽ തടിച്ചുപൊന്തുക എന്നിവ കണ്ടുവരാറുണ്ട്. ലക്ഷണങ്ങൾ കണ്ടുതുടങ്ങി 14 ദിവസമാണ് കുട്ടികളെ ശ്രദ്ധിക്കേണ്ടത്. കൊച്ചു കുട്ടികൾ ആണെങ്കിൽ 10 മുതൽ 12 മണിക്കൂർ വരെയും മുതിർന്ന കുട്ടികൾക്ക് മുതൽ 9 മണിക്കൂർ വരെ ഉറക്കം അത്യാവശ്യമാണ്. കുട്ടികൾക്ക് ധാരാളം വെള്ളം കുടിക്കാൻ കൊടുക്കുക. കുട്ടികളുടെ പനിയും ഓക്സിജൻ അളവും ഹൃദയമിടിപ്പും ദിവസവും നോക്കുക . ഓക്സിജൻ അളവ് നോക്കുമ്പോൾ 94% കുറവാണെങ്കിൽ തീർച്ചയായും കുട്ടികളെ ആശുപത്രിയിൽ കൊണ്ടു പോകണം. വിരലിൽ ഞെക്കിയതിനുശേഷം കൈ വിടുക എത്രവേഗമാണ് ആ ചുവപ്പുനിറം തിരിച്ചുവരുന്നത് നോക്കുക രണ്ട് സെക്കൻഡിൽ കൂടുകയാണെങ്കിൽ കുട്ടിയിൽ വെള്ളം കുറവാണെന്നും ആ സമയം ബിപി കുറയുകയും ചെയ്യും കുട്ടിയെ ഉടൻ തന്നെ ആശുപത്രിയിൽ എത്തിക്കണം പ്രത്യേകിച്ച് ഛർദി വയറിളക്കം ഉള്ള കുട്ടികളെ. കൈകാലുകളിൽ നീലക്കളർ വരികയാണെങ്കിലും കുട്ടികളെ ആശുപത്രിയിൽ എത്തിക്കണം. ശ്വാസംമുട്ട് വയറിളക്കം അമിതമായ ക്ഷീണം ഹൃദയമിടിപ്പ് കൂടുക എന്നിവയുള്ള കുട്ടികളെ ഉടൻ തന്നെ ആശുപത്രിയിൽ എത്തിക്കണം. ഈ സമയങ്ങളിൽ കുട്ടിക്ക് പാരസെറ്റമോൾ മാത്രമാണ് നൽകേണ്ടതുള്ളൂ ആവശ്യമെങ്കിൽ മാത്രം ആൻറിബയോട്ടിക് നൽകുക. വിറ്റമിൻസ് കിട്ടാനായി പഴങ്ങളും പച്ചക്കറികളും നൽകുക. പനി കൂടുതലായുള്ള കുട്ടികളുടെ ശരീരത്തിൽ വെള്ളം തൊട്ട് തുടയ്ക്കുകയും ചെയ്യുക. ഒരു മുട്ട വീതവും കുട്ടികൾക്കു നൽകുക. മൈദ മധുരപാനീയങ്ങൾ കേക്ക് എന്നിവ കുട്ടികൾക്ക് ഒരു കാരണവശാലും നൽകാൻ പാടില്ല. വയറിളക്കം ക്ഷീണം എന്നിവ ഉള്ള കുട്ടികൾക്ക് തീർച്ചയായും ORS ലായിനി കലക്കി കൊടുക്കണം. ഈ സമയങ്ങളിൽ വെയിൽ കൊള്ളാൻ സാധിക്കാത്തതിനാൽ കുട്ടികൾക്ക് വിറ്റാമിൻ ഡി കൊടുക്കണം. കോവിഡ് ഭേദമായാലും അടുത്ത ആറ് ആഴ്ച കുട്ടികളെ നല്ലതുപോലെ ശ്രദ്ധിക്കണം. ശ്വാസംമുട്ട് ദേഹം മുഴുവൻ തടിച്ചു പൊന്തുക നാവിലെ തൊലി പോകുക എന്നിവയെല്ലാം ശ്രദ്ധിക്കേണ്ടതുണ്ട്. ഇത്രയും കാര്യങ്ങൾ ശ്രദ്ധിച്ചാൽ തന്നെ കുട്ടികളല്ലേ നമുക്ക് ഒരു വിധത്തിൽ കണ്ട്രോൾ ചെയ്യാൻ സാധിക്കും.