സോഷ്യല്‍ മീഡിയയിലൂടെ അശ്ലീലം പറഞ്ഞയാള്‍ക്ക് മറുപടിയുമായി നടി നീലിമ റാണി. ഇന്‍സ്റ്റ​ഗ്രാമിലൂടെ ആരാധകരുടെ ചോദ്യത്തിന് മറുപടി പറയുന്നതിനിടെയാണ് മോശം സന്ദേശം എത്തിയത്. എന്നാല്‍ ഇത് അവ​ഗണിക്കുകയോ അയാളെ ബ്ലോക്ക് ചെയ്യുന്നതിനും പകരമായി മികച്ച മറുപടിയാണ് താരം നല്‍കിയത്. ഇന്‍സ്റ്റ​ഗ്രാം സ്റ്റോറിയിലൂടെയായിരുന്നു പ്രതികരണം.

‘ഒരു രാത്രിയ്ക്ക് എത്ര വേണം’ എന്നായിരുന്നു ചോദ്യം. ഇതിന് നീലിമ നല്‍കിയ മറുപടി ഇങ്ങനെ; അല്‍പ്പം മാന്യത ഞാന്‍ പ്രതീക്ഷിക്കുന്നു സഹോദരാ. ദൈവം നിങ്ങളെ അനുഗ്രഹിക്കട്ടെ. അക്രമികള്‍ക്കാണ് അശ്ലീലമായ മനസുണ്ടാകുക. ദയവ് ചെയ്ത് നിങ്ങള്‍ ഒരു മനശാസ്ത്ര വിദഗ്ധനെ കാണണം. നിങ്ങള്‍ക്ക് വിദഗ്ധരുടെ സഹായം ആവശ്യമാണ്.’

എന്തായാലും ആരാധകര്‍ക്കിടയില്‍ വൈറലാവുകയാണ് നിലിമയുടെ മറുപടി. ഇത്തരത്തിലുള്ളവരോട് നിശബ്ദത പാലിക്കരുതെന്നും തുറന്നു കാട്ടണമെന്നും ആരാധകര്‍ പറയുന്നു. മാത്രമല്ല കുറച്ചു കൂടി രൂക്ഷമായ മറുപടി നല്‍കാമെന്ന് പറയുന്നവരും നിരവധിയാണ്.

സിനിമ സീരിയല്‍് രം​ഗത്ത് സജീവ സാന്നിധ്യമാണ് നീലിമ റാണി. മൊഴി, നാന്‍ മഹാന്‍ അല്ലെ, സന്തോഷ് സുബ്രഹ്മണ്യം തുടങ്ങിയ നിരവധി ചിത്രങ്ങളില്‍ അഭിനയിച്ചിട്ടുണ്ട്. വിശാല്‍ നായകനായ ചക്രയാണ് റിലീസിനൊരുങ്ങുന്ന നീലിമയുടെ പുതിയ ചിത്രം. സോഷ്യല്‍ മീഡിയയിലും ആക്റ്റീവാണ് താരം.

വീട്ടില്‍ അതിക്രമിച്ച്‌ കയറാന്‍ ശ്രമിച്ച യുവാവിനെ അറസ്റ്റ് ചെയ്ത സംഭവത്തില്‍ പൊലീസിന് നന്ദി അറിയിച്ച്‌ നടന്‍ കൃഷ്ണകുമാര്‍. മലപ്പുറം സ്വദേശി ഫസില്‍ ഉള്‍ അക്ബറിനെയാണ് കൃഷ്ണകുമാറിന്റെ വീട്ടില്‍ നിന്നും പൊലീസ് പിടികൂടിയത്. കേരള പോലീസിനും, ആഭ്യന്തര വകുപ്പിനും അഭിനന്ദനങ്ങള്‍ എന്നാണ് കൃഷ്‍ണകുമാര്‍ പറയുന്നത്. കേരള പൊലീസിന്റെ ഫോട്ടോയും താരം പങ്കുവെച്ചിട്ടുണ്ട്.

ഇക്കഴിഞ്ഞ 3 ആം തിയതി എന്റെ വീട്ടിലോട്ടു ഒരാള്‍ അതിക്രമിച്ചു കയറിയ സംഭവുമായി ബന്ധപ്പെട്ടു ഞങ്ങള്‍ക്കുണ്ടായ ബുദ്ധിമുട്ടിലും പ്രയാസത്തിലും വളരെ അധികം വ്യക്തികള്‍ സഹായത്തിനെത്തി. ആദ്യം തന്നെ നന്ദി പറയേണ്ടത് കേരള പൊലീസിനാണ്. രാത്രി സമയത്തു ഒരുപാടു ജോലിതിരക്കിനിടയിലും 10 മിനിട്ടിനകത്തു പൊലീസ് എത്തി ആക്രമിയെ കീഴ്പ്പെടുത്തി ഞങ്ങളെ സുരക്ഷിതരാക്കിയ പ്രവര്‍ത്തിയെ പ്രകീര്‍ത്തിക്കുന്നു. വട്ടിയൂര്‍കാവ് സ്റ്റേഷനിലെ പോലീസ് ഉദ്യോഗസ്ഥരോട് എന്റെയും കുടുംബത്തിന്റെയും നന്ദി രേഖപ്പെടുത്തുന്നു. നിങ്ങള്‍ക്കും നിങ്ങളുടെ കുടുംബങ്ങള്‍ക്കും നന്മകള്‍ നേരുന്നു.

അയല്‍വാസിയും അസിസ്റ്റന്റ് കമ്മിഷനെറുമായ ശ്രി സുനീഷ് ബാബുവിന് പ്രത്യേക നന്ദി. കേരള പോലീസിനും, ആഭ്യന്തര വകുപ്പിനും അഭിന്ദനങ്ങള്‍ എന്നും കൃഷ്‍ണകുമാര്‍ പറയുന്നു. ഞായറാഴ്‍ച രാത്രി 9.30ഓടെയായിരുന്നു യുവാവ് കൃഷ്‍ണകുമാറിന്റെ വീട്ടില്‍ അതിക്രമിച്ച്‌ കടക്കാന്‍ ശ്രമിച്ചത്. കൃഷ്ണകുമാറിന്റെ മകളും നടിയുമായ അഹാനയെ കാണണമെന്ന് പറഞ്ഞുകൊണ്ടേയിരുന്നു യുവാവ് വീടിന്റെ മതില്‍ ചാടിക്കടന്ന് എത്തിയത്.