കോവിഡ് പോസിറ്റീവായ ആരാധകന് സഹായവുമായി നടൻ പൃഥ്വിരാജ്. ഫാൻസ് അസോസിയേഷൻ പ്രവർത്തകനായ സൂരജിനാണ് കോവിഡ് പോസിറ്റീവായത്. സൂരജിനെ നേരിട്ട് ഫോൺ വിളിക്കുന്നതിന്റെയും വിശേഷങ്ങൾ തിരക്കുന്നതിന്റെയും ഓഡിയോ സന്ദേശം വൈറലായിട്ടുണ്ട്.
അസുഖത്തെക്കുറിച്ച്‌ തിരക്കിയ താരം സാമ്പത്തിക സഹായവും വാ​ഗ്ദാനം ചെയ്യുന്നുണ്ട്.

സൂരജ്, പൃഥ്വിരാജ് ആണ് എന്ന് പറഞ്ഞുകൊണ്ടാണ് കോള്‍ ആരംഭിക്കുന്നത്. ഇപ്പോള്‍ എങ്ങനെയുണ്ടെന്ന് ചോദിച്ചു. ഒരാഴ്ചയായി ലക്ഷണങ്ങള്‍ ഉണ്ടായിരുന്നുവെന്നും ഹോം ക്വാറന്‍റൈനില്‍ ആയിരുന്നെന്നും സൂരജ് മറുപടി നൽകി. കോവിഡ് പോസിറ്റീവായതിന് പേടിക്കേണ്ടതില്ലെന്ന് പൃഥിരാജ് പറഞ്ഞു. സാമ്പ ത്തികമായി സഹായം ആവശ്യമുണ്ടോ എന്നും താരം തിരക്കി. ഇപ്പോള്‍ ആവശ്യമില്ലെന്ന് പറഞ്ഞപ്പോള്‍ തന്നെയോ ഫാന്‍സ് അസോസിയേഷനിലെ മറ്റുള്ളവരെയോ വിളിക്കണമെന്ന് പറഞ്ഞാണ് പൃഥ്വി കോള്‍ അവസാനിപ്പിക്കുന്നത്. ന്നും താരം ആരാധകനോട് പറയുന്നുണ്ട്.

ഒക്ടോബര്‍ മാസത്തില്‍ പൃഥ്വിരാജും കൊവിഡ് പോസിറ്റീവ് ആയിരുന്നു. ‘ജന ഗണ മന’ എന്ന സിനിമയുടെ ചിത്രീകരണത്തിനിടെയാണ് താരം കോവിഡ് ബാധിതനായത്. ചിത്രത്തിന്റെ സംവിധായകന്‍ ഡിജോ ജോസ് ആന്‍റണിയും കൊവിഡ് പോസിറ്റീവായി. രോ​ഗമുക്തി നേടിയതിന് ശേഷം വീണ്ടും ഷൂട്ടിങ് തിരക്കിലേക്ക് കടന്നിരിക്കുകയാണ് താരം. ‘കോള്‍ഡ് കേസ്’ എന്ന ഇന്‍വെസ്റ്റി​ഗേറ്റീവ് ത്രില്ലറിലാണ് താരം ഇപ്പോള്‍ അഭിനയിക്കുന്നത്.

കൊറോണയെ പൊരുതി തോല്‍പ്പിച്ചതിനുശേഷം ഇനി തമന്നയ്ക്ക് തിരിച്ചുവരവിന്റെ കാലം കൂടിയാണ്. ഡോക്ടര്‍മാരുടെ നിര്‍ദ്ദേശത്തിന് ശേഷമാണ് സിനിമ തിരക്കുകളിലേക്ക് നടി തിരിച്ചെത്തുന്നത്. ഹൈദരാബാദ് വിമാനത്താവളത്തില്‍നിന്നും താരം പുറത്തേക്ക് വരുന്ന ചിത്രങ്ങള്‍ ഇതിനകം വൈറലാണ്. സീട്ടിമാര്‍ എന്ന തെലുങ്ക് ചിത്രത്തില്‍ അഭിനയിക്കാനായി ആണ് തമന്ന എത്തിയത്. വിദേശത്ത് ആകും സിനിമയുടെ ചിത്രീകരണം. തമന്നയുടെ മൂന്നോളം തെലുങ്ക് ചിത്രങ്ങള്‍ നിര്‍മ്മാണത്തിന്റെ വിവിധ ഘട്ടങ്ങളിലാണ്.

നടിയ്ക്ക് കോവിഡ് ബാധിച്ചതിനാല്‍ ഷെഡ്യൂളുകളില്‍ ചില മാറ്റങ്ങള്‍ വന്നിട്ടുണ്ട്. മാത്രമല്ല നടി പ്രതിഫലം കുറച്ചു എന്നും റിപ്പോര്‍ട്ടുകളുണ്ട്.

ഇന്‍സ്റ്റ​ഗ്രാം ഫീഡില്‍ ഈ ചിത്രം കണ്ടാല്‍ നിങ്ങള്‍ ആദ്യം ചിന്തിക്കുക പ്രാര്‍ത്ഥന ഇന്ദ്രജിത്താണെന്നാവും. എന്നാല്‍ ചിത്രത്തിലെ ആളെ തിരിച്ചറിഞ്ഞാല്‍ നിങ്ങളൊന്ന് അമ്ബരക്കും. ഈ പ്രായത്തിലും ഇത്ര സൗന്ദര്യമോ!. ട്രെന്റി ലുക്കില്‍ എത്തി സോഷ്യല്‍ മീഡിയയെ ഞെട്ടിച്ചിരിക്കുകയാണ് പൂര്‍ണിമ ഇന്ദ്രജിത്ത്. താരം പങ്കുവെച്ച പുതിയ ചിത്രമാണ് വൈറലാവുന്നത്.

വെള്ള സ്ലീവ്ലസ് ക്രോഷെ സ്കിന്‍സ്യൂട്ടും ബോയ്ഫ്രണ്ട് ജീന്‍സും ധരിച്ച്‌ ​ഗ്ലാമറസ് ലുക്കിലാണ് താരം. വീക്കെന്‍ഡ് സെല്‍ഫി എന്ന അടിക്കുറിപ്പില്‍ ലിഫ്റ്റില്‍ നിന്നുള്ള മിറര്‍ സെല്‍ഫിയാണ് പങ്കുവെച്ചിരിക്കുന്നത്. എന്തായാലും ആരാധകരുടെ മനം കവരുകയാണ് ചിത്രം.

മകള്‍ പ്രാര്‍ത്ഥനയെപ്പോലെയുണ്ടെന്നായിരുന്നു ഭൂരിഭാ​ഗം പേരുടേയും കമന്റ്. പൂര്‍ണിമയുടെ സൗന്ദര്യത്തെ പുകഴ്ത്തിക്കൊണ്ടും നിരവധി കമന്റുകളും വരുന്നുണ്ട്. അതിനിടെ രസകരമായ കമന്റുമായി മകള്‍ പ്രാര്‍ത്ഥനയും എത്തി. എനിക്ക് ഹോട്ട് മമ്മയുണ്ടെന്നാണ് പ്രാര്‍ത്ഥന കുറിച്ചത്. അമ്മ ധരിച്ചിരിക്കുന്നത് തന്റെ ജീന്‍സാണെന്നും താരപുത്രി കമന്റ് ചെയ്തു. ജീന്‍സ് ഇപ്പോള്‍ എന്റേതാണ് എന്നായിരുന്നു പൂര്‍ണിമയുടെ മറുപടി.

സായ് കുമാറിന്റെ മകൾ വൈഷ്ണവി അടുത്തിടെയാണ് അഭിനയ രംഗത്ത് ചുവട് വയ്ക്കുന്നത്. വൈഷ്ണവിയുടെ അമ്മയും അഭിനേത്രിയും ഗായികയുമായ പ്രസന്ന കുമാരിയുടെ പിറന്നാൾ ആയിരുന്നു കഴിഞ്ഞ ദിവസം. പിറന്നാൾ ദിനം വൈഷ്ണവി പങ്കിട്ട ഒരു വീഡിയോ സോഷ്യൽ മീഡിയകളിൽ വൈറലായി. ഒപ്പം വൈഷ്ണവിയെ ടാഗ് ചെയ്ത ഒരു കുറിപ്പ് ഇപ്പോൾ ഏറെ ശ്രദ്ധേയമാവുകയാണ്. പ്രസന്നകുമാരിയുടെ ഉറ്റ സുഹൃത്തായ സീമ സജി പങ്കിട്ട കുറിപ്പാണ് ഏറെ വൈറൽ ആയി മാറിയത്.

പതിനേഴു വർഷങ്ങൾക്കു മുൻപ് സായികുമാർ എന്ന നടന്റെ കൊല്ലത്തെ വൈഷ്ണവം എന്ന വീട്ടിലെ ലാൻഡ് ഫോണിലേക്കു എങ്ങനെയോ പോയ വിളിയിൽ തുടങ്ങിയ ബന്ധം ആണ്. വർഷങ്ങൾ ക്കിപ്പുറം പ്രസന്ന എന്നത് എന്റെ ജീവിതത്തിന്റെ തന്നെ ഒരു ഭാഗം ആണ്. ഏത് സന്തോഷത്തിലും സങ്കടത്തിലും ചേച്ചി എനിക്കൊപ്പം ഉണ്ട്. ഞാൻ ചേച്ചിക്കൊപ്പവും. ചേച്ചി ഇല്ലാത്ത നിമിഷം ചിന്തിക്ക വയ്യ! എന്റെ വാശിയും ദേഷ്യവും ഒക്കെ മറ്റൊരാളെക്കാളും കൂടുതൽ അറിയുക. ചേച്ചിക്കാവും.കൂടെപിറക്കാതെ കൂടപ്പിറയൊരാൾ.. എപ്പോഴും ഞാൻ ചേച്ചിയോട് പറയും പോലെ. ഞാൻ മരിച്ചിട്ടേ ചേച്ചി മരിക്കാവൂ. എന്റെ സന്തോഷത്തിന്റെയും സങ്കടത്തിന്റെയും കേഴ്വിക്കാരിയായി. അങ്ങേ തലക്കൽ ചേച്ചി ഇല്ലാത്ത ഒരു നിമിഷം. എനിക്ക് ആലോചിക്കുക പോലും വയ്യാ..

ഈ പിറന്നാൾ മറ്റൊരു തരത്തിലും സന്തോഷത്തിന്റെ ദിനങ്ങളിലാണ്. വച്ചുമ്മ അവളുടെ അച്ഛന്റെയും അപ്പൂപ്പന്റെയും ഒക്കെ പാത പിന്തുടർന്ന് അഭിനയ രംഗത്തേക്ക് എത്തി. എന്നുള്ളത്. അവളെ താഴ്ത്തിയവരുടെ മുൻപിൽ നമ്മുടെ വച്ചുമ്മ തലയുയർത്തി നിൽക്കുന്ന ദിവസങ്ങൾ. തകർത്തിട്ടും, തളരാതെ, കരയാതെ, ആരെയും ദ്രോഹിക്കാതെ.. പറഞ്ഞതിനെയും, വേദനിപ്പിച്ചതിനെയുമൊക്കെ. ഒരു പുഞ്ചിരി കൊണ്ടു നേരിട്ടത് പോലെ ഇനിയുമുള്ള കാലങ്ങളും ആ മുഖത്തെ സന്തോഷവും..ചിരിയും. മായാതെ ഇരിക്കട്ടെ..പിറന്നാൾ ഉമ്മകൾ എന്റെ ചേച്ചിക്ക് എന്നുമായിരുന്നു കുറിപ്പ്.

കൊല്‍ക്കത്ത: പ്രമുഖ ബംഗാളി നടന്‍ മനു മുഖര്‍ജി അന്തരിച്ചു. ഹൃദയാഘാതത്തെ തുടര്‍ന്നായിരുന്നു അന്ത്യം. 90 വയസ്സായിരുന്നു.

വിഖ്യാത സംവിധായകന്‍ മൃണാളന്‍ സെന്നിന്റെ നില്‍ അകാഷര്‍ നിച് എന്ന സിനിമയിലൂടെയാണ് മനു മുഖര്‍ജി സിനിമാ ജീവിതത്തിന് തുടക്കമിട്ടത്. സത്യജിത് റേയുടെ ജോയ് ബാബാ ഫെലുനാഥ്, ഗണശത്രു എന്നി സിനിമകളില്‍ ശ്രദ്ധേയമായ വേഷമാണ് ഇദ്ദേഹം കൈകാര്യം ചെയ്തത്.

കുട്ടികളുടെ ചിത്രമായ പട്ടാല്‍ഘറിലെ അഭിനയത്തിനും ഇദ്ദേഹത്തിന് നിരൂപണ പ്രശംസ ലഭിച്ചിരുന്നു. മനു മുഖര്‍ജിയുടെ മരണത്തില്‍ പശ്ചിമ ബംഗാള്‍ മുഖ്യമന്ത്രി മമത ബാനര്‍ജി അനുശോചനം രേഖപ്പെടുത്തി.

തമിഴ്നാട്ടില്‍ ഖുശ്ബു ചെയ്തത് തെലങ്കാനയില്‍ ആവര്‍ത്തിച്ച്‌ നടി വിജയശാന്തി. വിജയശാന്തി കോണ്‍ഗ്രസിന്റെ പ്രാഥമിക അംഗത്വത്തില്‍ നിന്ന് രാജിവച്ചു. നാളെ വിജയശാന്തി ബിജെപിയില്‍ ചേരുമെന്നാണ് വിവരം. 2014ലാണ് വിജയശാന്തി കോണ്‍ഗ്രസില്‍ ചേര്‍ന്നത്. കഴിഞ്ഞ തെരഞ്ഞെടുപ്പില്‍ കോണ്‍ഗ്രസിന്റെ താര പ്രചാരകയായിരുന്നു വിജയശാന്തി.

ഡല്‍ഹിയില്‍ പ്രത്യേക ചടങ്ങില്‍ ആയിരിക്കും വിജയശാന്തി ബിജെപി അംഗത്വം സ്വീകരിക്കുക. ആഭ്യന്തരമന്ത്രി അമിത്ഷാ യുമായി വിജയശാന്തി കൂടിക്കാഴ്ച നടത്തും. തെലങ്കാന ബിജെപി അധ്യക്ഷന്‍ സഞ്ജയ് കുമാര്‍ ഡല്‍ഹിയിലേക്ക് തിരിച്ചു.

തെന്നിന്ത്യന്‍ ചിത്രങ്ങളിലൂടെ എത്തിയ വിജയശാന്തി 1997ല്‍ ബിജെപിയിലൂടെയാണ് രാഷ്ട്രീയരംഗത്തേക്കെത്തുന്നത്. തെലങ്കാന സംസ്ഥാന വിഭജനത്തെച്ചൊല്ലിയുള്ള ഭിന്നതകളെ തുടര്‍ന്ന് 2005ലാണ് ഇവര്‍ ബിജെപി വിട്ടത്.

തുടര്‍ന്ന് സ്വന്തം പാര്‍ട്ടി രൂപീകരിച്ച വിജയശാന്തി ഈ പാര്‍ട്ടിയെ ടിആര്‍എസുമായി ലയിപ്പിച്ചു. 2009 ലെ തെരഞ്ഞെടുപ്പില്‍ മേദക് മണ്ഡലത്തില്‍ ടിആര്‍എസ് സ്ഥാനാര്‍ഥിയായി മത്സരിച്ച ഇവര്‍ ലോക്സഭയിലേക്കെത്തുകയും ചെയ്തു. പിന്നീടാണ് വിജയശാന്തി ടിആര്‍എസ് ബന്ധം ഉപേക്ഷിച്ച്‌ കോണ്‍ഗ്രസില്‍ എത്തിയത്.