ഐശ്വര്യ ലക്ഷ്‌മിയെ നായികയാക്കി സുപ്രിയ മേനോൻ ഒരുക്കുന്ന ഏറ്റവും പുതിയ ചിത്രം ‘കുമാരി’യുടെ മോഷൻ പോസ്‌റ്റർ പുറത്തിറങ്ങി. പൃഥ്വിരാജ് പ്രൊഡക്ഷൻസിന്റെ ബാനറിൽ തയാറാകുന്ന ചിത്രത്തിന്റെ കഥ, തിരക്കഥ, സംവിധാനം നിർവഹിക്കുന്നത് നിർമൽ സഹദേവ് ആണ്. നാടോടികഥകളുടെയും കെട്ടുകഥകളുടെയും അകമ്പടിയോടെ എത്തുന്ന ഹൊറർ ത്രില്ലറാകും ‘കുമാരി’ എന്നാണ് അണിയറ വർത്തമാനം.

‘രണം’ എന്ന പൃഥ്വിരാജ് ‌സിനിമക്ക് ശേഷം നിർമൽ സഹദേവ് സംവിധാനം ചെയ്യുന്ന രണ്ടാമത്തെ ചിത്രമാണ് കുമാരി. ‘ഡ്രൈവിംഗ് ലൈസൻസ്’ എന്ന ചിത്രത്തിന് ശേഷം പൃഥ്വിരാജ് പ്രൊഡക്ഷൻസ് നിർമിക്കുന്ന ചിത്രം കൂടിയാകും ‘കുമാരി ജേക്ക്‌സ് ബിജോയ് ആണ് ചിത്രത്തിന്റെ സംഗീതം ഒരുക്കുന്നത്.

നാദിർഷയുടെ മകളുടെ വിവാഹനിശ്ചയത്തിൽ തിളങ്ങി ദിലീപും കാവ്യയും മീനാക്ഷിയും

നാദിർഷയുടെ മകളുടെ വിവാഹ നിശ്ചയത്തിന് താരങ്ങളായി ദിലീപും കാവ്യയും. നവംബർ 25ന് ആയിരുന്നു ആഇഷയുടെ വിവാഹ നിശ്ചയം. കാസർകോട്ടെ പ്രമുഖ വ്യവസായി ലത്തീഫ് ഉപ്പള ഗേറ്റിന്റെ മകൻ ബിലാൽ ആണ് വരൻ. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ലളിതമായ ചടങ്ങായിരുന്നു.

ദിലീപിന്റെയും മഞ്ജുവാര്യരുടേയും മകൾ മീനാക്ഷിയും നടി നമിത പ്രമോദും ചടങ്ങിൽ പങ്കെടുത്തിരുന്നു. ഇരുവരും ആഇഷയുടെ അടുത്ത സുഹൃത്തുക്കളാണ്. പലപ്പോഴും മീനാക്ഷിയും നമിതയും ആഇഷയുമൊന്നിച്ചുള്ള ചിത്രങ്ങൾ സോഷ്യൽ മീഡിയയിൽ വൈറലായിട്ടുണ്ട്. അടുത്തിടെ മണവാട്ടിയെ പോലെ അണിഞ്ഞൊരുങ്ങി നമിത ചില ചിത്രങ്ങൾ സോഷ്യൽ മീഡിയയിൽ പങ്കുവച്ചിരുന്നു. ഇതിനായി നമിതയെ അണിയിച്ചൊരുക്കിയത് ആഇഷയായിരുന്നു.

നാദിർഷയും ദിലീപും കാവ്യയയും വർഷങ്ങളായി വളരെ അടുത്ത സുഹൃത്തുക്കളാണ്. ദിലീപും നാദിർഷയും സിനിമയിലെത്തുന്നതിന് മുമ്പ് തന്നെ അടുത്ത സുഹൃത്തുക്കളായിരുന്നു.

മികച്ച സംഗീത സംവിധായകരില്‍ ഒരാളാണ് ഗോപി സുന്ദര്‍. സംഗീത മേഖലയില്‍ തന്റേതായ വ്യക്തിമുദ്ര പതിപ്പിക്കാന്‍ അദ്ദേഹത്തിന് കഴിഞ്ഞിട്ടുണ്ട്. നിരവധി ഹിറ്റ് ചിത്രങ്ങള്‍ക്ക് ഇതിനോടകം സംഗീതം നിര്‍വഹിച്ചിട്ടുണ്ട് ഗോപി സുന്ദര്‍.

ഇപ്പോള്‍ ഗോപി സുന്ദറിനൊപ്പം അഭയ ഹിരണ്‍മയി പങ്കുവെച്ച ചിത്രം സോഷ്യല്‍ മീഡിയകളില്‍ വൈറലാകുകയാണ്. ഗോപിയുടെ പ്രണയിനിയും ഗായികയുമാണ് അഭയ ഹിരണ്‍മയി. രണ്ടുപേര്‍ക്കും നിരവധി ആരാധകരാണ് ഉള്ളത്. ഗോപി സുന്ദറുമായുള്ള തന്റെ അടുപ്പത്തെക്കുറിച്ചുള്ള അഭയയുടെ വെളിപ്പെടുത്തല്‍ നിരവധി വിവാദങ്ങള്‍ക്ക് വഴിയൊരുക്കിയെങ്കിലും ഇതൊന്നും ശ്രദ്ധിക്കാതെ ഇരുവരും ജീവിതം ആഘോഷിക്കുകയാണ്

ഗോപിയുടെ നിരവധി സംഗീത സംവിധാനത്തില്‍ അഭയ പാടിയിട്ടുണ്ട്. ‘unconditional love’ എന്ന ക്യാപ്ഷനോടെ അഭയ പങ്കുവെച്ച ചിത്രങ്ങള്‍ ഇപ്പോള്‍ വൈറലാകുകയാണ്.

ബാഹുബലി എന്ന സൂപ്പർ ചിത്രത്തിലൂടെ പ്രേക്ഷക ഹൃദയങ്ങളിൽ സ്ഥാനം നേടിയ റാണ ദഗുബാട്ടിക്ക് ആരോഗ്യപ്രശ്നങ്ങളുണ്ടോ എന്നുള്ളത് ആരാധകരുടെ ഇടയിൽ ചർച്ചയായ വിഷയമായിരുന്നു. ബല്ലാലദേവയുടെ ഉരുക്കൻ ശരീരത്തിൽ നിന്നും മെലിഞ്ഞ് ശോഷിച്ച രൂപത്തിലേക്കുള്ള നടന്റെ മാറ്റം കണ്ടാണ് ഈ സംശയം ആരാധകർ ഉന്നയിച്ചത്. വൃക്ക സംബന്ധമായ അസുഖത്തെ തുടർന്ന് അമേരിക്കയിൽ ചികിത്സയിലാണെന്നും അഭ്യൂഹങ്ങളുണ്ടായിരുന്നു. ഇപ്പോളിതാ ഇതിന് മറുപടിയുമായെത്തിയിരിക്കുകയാണ് താരം

സാമന്ത അക്കിനേനി അവതരാകയാകുന്ന സാം ജാമിലാണ് റാണ തന്റെ ആരോഗ്യ പ്രശ്നങ്ങളെ കുറിച്ച് തുറന്നു സംസാരിച്ചത്.നംവിധായകൻ നാ​ഗ അശ്വിനൊപ്പമാണ് റാണ പരിപാടിയിൽ പങ്കെടുത്തത്. കഴിഞ്ഞ ദിവസം പുറത്ത് വിട്ട അഭിമുഖത്തിന്റെ പ്രമോ ഇപ്പോൾ സമൂഹ മാധ്യമങ്ങളിൽ വെെറലാണ്.

ജീവിതം അതിവേഗതയിൽ ഓടിക്കൊണ്ടിരിക്കുന്നതിനിടയിൽ പെടന്ന് പോസ് ബട്ടൺ അമർത്തിയതു പോലെയായി. തകരാറിലായ കിഡ്നികളും ഹൃദയത്തിനും പ്രശ്നങ്ങൾ, ബിപി സ്ട്രോക്ക് വരാൻ 70 ശതമാനം സാധ്യത, 30 ശതമാനം മരണ സാധ്യതവരെയുണ്ടായിരുന്നുവെന്നാണ് റാണ തുറന്നു പറഞ്ഞത്.”ചുറ്റുമുള്ള ആളുകൾ തകർന്നു കൊണ്ടിരിക്കുന്ന സമയത്ത് റാണ ഒരു പാറ പോലെ ഉറച്ചു നിന്നു. ഇത് ഞാൻ എന്റെ കൺമുന്നിൽ കണ്ടതാണ്. അതുകൊണ്ടാണ് എനിക്ക് നിങ്ങൾ സൂപ്പർ ഹിറോ ആകുന്നത് റാണയെ കുറിച്ച് സാമന്ത പറഞ്ഞു. അസുഖത്തെ കുറിച്ചുള്ള റാണയുടെ വെളിപ്പെടുത്തൽ കണ്ണീരോടെയാണ് ആരാധകരും സാമന്തയും കേട്ടിരുന്നത്.

ബാഹുബലിക്ക് ശേഷം ഒട്ടേറ ചിത്രങ്ങളിൽ നായകനായും സഹനടനായും റാണ വേഷമി‌ട്ടു. ഇതിനിടെ സിനിമയിൽനിന്ന് റാണ ഇടവേളയെടുത്തു.ഈ വർഷമാണ് റാണയും മിഹീഖ ബജാജും തമ്മിലുള്ള വിവാഹം നടന്നത്. ലോക്ക്ഡൗൺ കാലത്ത് നടന്ന വിവാഹത്തിൽ സാമന്തയും നാഗ ചൈതന്യയും അടക്കം അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.

ഓസ്കര്‍ നാമനിര്‍ദേശത്തില്‍ അഭിമാനനേട്ടവുമായി മലയാളം. ലിജോ ജോസ് പെല്ലിശേരിയുടെ ജെല്ലിക്കെട്ട് ഇന്ത്യയില്‍ നിന്നുള്ള ഓസ്കര്‍ എന്‍ട്രിയായി തിരഞ്ഞെടുക്കപ്പെട്ടു. വിദേശചിത്ര വിഭാഗത്തിലാണ് സിനിമ മല്‍സരിക്കുക. ഒരു പോത്തിന് പിന്നാലെ പായേണ്ടിവരുന്ന ഒരു ജനതയുടെ ജീവിതമാണ് ലിജോയുടെ സിനിമ പറയുന്നത്.

ഏറെ നിരൂപക പ്രശംസ നേടിയ സിനിമ ധാരാളം പുരസ്കാരങ്ങള്‍ സ്വന്തമാക്കിയാണ് പുതിയ നേട്ടത്തിലേക്ക് എത്തുന്നത്. 93–ാമത് ഓസ്കര്‍ പുരസ്കാരം ഏപ്രില്‍ 25നാണ് പ്രഖ്യാപിക്കുക.

ലോക്ക്ഡൗണ്‍ പ്രഖ്യാപിച്ചതോടെ സിനിമരം​ഗം ഒന്നടങ്കം പ്രതിസന്ധിയിലാണ്. എന്നാല്‍ ഓണ്‍ലൈന്‍ പ്ലാറ്റ്ഫോമുകളെ ഉപയോ​ഗപ്പെടുത്തിയ ചില സിനിമകള്‍ മികച്ച വിജയം നേടാന്‍ സാധിച്ചു. ഒമര്‍ ലുലു സംവിധാനം ചെയ്ത ഒരു അഡാറ് ലവിന്റെ തെലുങ്ക് പതിപ്പിനും പറയാനുള്ളതും ഇതുപോലെയൊരു വിജയകഥയാണ്. ലോക്ക്ഡൗണിന് ഇടയില്‍ യൂട്യൂബില്‍ റിലീസ് ചെയ്ത ചിത്രം സൂപ്പര്‍ഹിറ്റാവുകയാണ്.

‘ലവേഴ്സ് ഡേ’ എന്ന പേരിലാണ് ചിത്രം തെലുങ്കിലേക്ക് മൊഴിമാറ്റിയത്. ജൂണ്‍ 12നാണ് തെലുഗു ഫിലിംനഗര്‍ എന്ന യുട്യൂബ് ചാനലിലൂടെയായിരുന്നു റിലീസ്. ഞെട്ടിക്കുന്ന വ്യൂവര്‍ഷിപ്പോടെ മുന്നേറിക്കൊണ്ടിരിക്കുകയാണ് ചിത്രം. അഞ്ച് കോടിയിലേറെ കാഴ്ചകളാണ് ഇതിനകം ചിത്രത്തിനു ലഭിച്ചിരിക്കുന്നത്. ചിത്രത്തെ പ്രശംസിച്ചുകൊണ്ട് പതിനായിരക്കണക്കിന് കമന്റുകളാണ് ലിങ്കിന് താഴെ വന്നിരിക്കുന്നത്. 4.3 ലക്ഷത്തിലേറെ ലൈക്കുകള്‍ നേടി.

ഒരുകൂട്ടം പുതുമുഖങ്ങളെ അണിനിരത്തിക്കൊണ്ട് ഒമര്‍ ലുലു സംവിധാനം ചെയ്ത ചിത്രമാണ് ഒരു അഡാറ് ലവ്. മലയാളത്തില്‍ മാത്രമായാണ് ചിത്രം ആദ്യം ഒരുക്കിയത്. മാണിക്യമലരായ പൂവെ എന്ന ​ഗാനത്തിലൂടെ പ്രിയ വാര്യര്‍ അന്താരാഷ്ട്ര തലത്തില്‍ ശ്രദ്ധിക്കപ്പെട്ടടതോടെയാണ് ചിത്രം വിവിധ ഭാഷകളിലേക്ക് മൊഴിമാറ്റി പുറത്തിറക്കിയത്. മലയാളത്തില്‍ കാര്യമായ വിജയം നേടാന്‍ ചിത്രത്തിനായില്ല. റോഷന്‍ അബ്ദുള്‍ റഹൂഫ്, നൂറിന്‍ ഷെറീഫ്, സിയാദ് ഷാജഹാന്‍, മാത്യു ജോസഫ്, അരുണ്‍ എ കുമാര്‍ തുടങ്ങിയവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്. കഴിഞ്ഞ വര്‍ഷത്തെ വാലന്‍റൈന്‍സ് ഡേയ്ക്കായിരുന്നു ചിത്രം തീയേറ്ററുകളിലെത്തിയത്.