ഹോളിവുഡ് സംവിധായകൻ ക്രിസ്റ്റഫർ നോളന്റെ പുതിയ ചിത്രം ‘‌ടെനറ്റ്’ റിലീസിനൊരുങ്ങുന്നു. ഡിസംബർ നാലിനാണ് ചിത്രം ഇന്ത്യയിൽ റിലീസ് ചെയ്യുന്നത്. വാർണർ ബ്രോസ് ഇന്ത്യയുടെ ഔദ്യോഗിക ട്വിറ്റർ പേജിലൂടെ നടി ഡിംപിൾ കപാഡിയയാണ് ഈ വിവരം പുറത്തുവിട്ടത്. ഡിംബിൾ കബാഡിയയും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്.
ഇംഗ്ലീഷ്, ഹിന്ദി, തമിഴ്, തെലുങ്ക് എന്നീ ഭാഷകളിലായാണ് ചിത്രം എത്തുന്നത്.

ആക്ഷൻ സീക്വൻസുകളും ട്വിസ്റ്റുകളും നിറഞ്ഞതാണ് ചിത്രത്തിന്റെ റിലീസിംഗ്ഡേറ്റ് അറിയിച്ചുകൊണ്ട് ഡിപിംൾ കപാഡിയ പറഞ്ഞത്.അതേസമയം, കൊവിഡിനെ തുടർന്ന് തിയറ്റർ അടഞ്ഞു കിടക്കുന്ന സാഹചര്യത്തിൽ ചിത്രം വിജയകരമായിരിക്കിലെലന്നാണ് തിയേറ്റർ ഉടമകൾ വ്യക്തമാക്കുന്നത്.

നെറ്റ്ഫ്ളിക്സ്സിലെ ഉദ്യോഗസ്ഥര്‍ക്കെതിരെ കേസുകൊടുത്ത് ഭാരതീയ ജനത യുവ മോര്‍ച്ച. അമ്പലത്തിനുള്ളില്‍ വെച്ചുള്ള ചുംബന രംഗങ്ങള്‍ അടങ്ങിയ വെബ് സിരീസ് പ്രദര്‍ശിപ്പിച്ചതിനെതിരെയാണ് കേസ് കൊടുത്തത്. ഭാരതീയ ജനത യുവമോര്‍ച്ച ദേശിയ സെക്രട്ടറി ഗൗരവ് തിവാരിയാണ് പരാതി നല്‍കിയത്. സ്യൂട്ടബിള്‍ ബോയ് എന്ന വെബ് സിരീസിലാണ് ചുംബന രംഗങ്ങള്‍ ഉള്ളത്. ഇത് നെറ്റ്ഫ്ളിക്സ് വഴിയാണ് റിലീസ് ചെയ്തത്. പരാതിയില്‍ ഇത് ലൗ ജിഹാദിനെ പ്രോത്സാഹിപ്പിക്കുകയും രംഗങ്ങള്‍ മാറ്റണമെന്നും നെറ്റ്ഫ്ളിക്സ് മാപ്പു പറയണമെന്നുമാണ് ഗൗരവ് തിവാരി ആവശ്യപ്പെട്ടത്. ഹിന്ദുവിനെ അവഹേളിക്കുന്നതിനു തുല്യമാണെന്നും തിവാരി പറയുന്നു.

റവ പോലീസ് എഫ് ഐ ആര്‍ രജിസ്റ്റര്‍ ചെയ്തു. മോണിക്ക ഷേര്‍ഗില്‍, അംബിക ഖുറാനെ എന്നിവര്‍ക്കെതിരെയാണ് കേസ് രജിസ്റ്റര്‍ ചെയ്തിരിക്കുന്നത് എന്ന് മധ്യപ്രദേശ് ആഭ്യന്തര മന്ത്രി നറോട്ടം മിശ്ര പറഞ്ഞു. പരാതിയുടെ അടിസ്ഥാനത്തില്‍ മത വികാരം വൃണപ്പെടുത്തി എന്ന 295 എ നിയമപ്രകാരം ആണ് മോണിക്ക ഷേര്‍ഗില്ലിനെതിരെയും അംബിക ഖുറാനക്കുമെതിരെ കേസ് രജിസ്റ്റര്‍ ചെയ്തിരിക്കുന്നത്. അന്വേഷണം നടന്നുകൊണ്ടിരിക്കുകയാണെന്ന് റവ പോലീസ് സൂപ്രണ്ടന്റ് രാകേഷ് കുമാര്‍ അറിയിച്ചു.

ശനിയാഴ്ച്ചയാണ് ഗൗരവ് തിവാരി പരാതി നല്‍കിയത്. പ്രശസ്ത സംവിധായിക മീര നായര്‍ ആണ് സ്യൂട്ടബിള്‍ ബോയിയുടെ സംവിധായിക. സലാം ബോംബെ, മണ്‍സൂണ്‍ വെഡ്ഡിങ്ങ്. ദി നെയിം സീക്ക് എന്നിവയാണ് മീരയുടെ നിരൂപണത്തിനു വിധേയമായ മറ്റു ചിത്രങ്ങള്‍.

ഷാജി അസീസ് സംവിധാനം ചെയ്യുന്ന ‘വുൾഫ്’ ടൈറ്റിൽ പോസ്റ്റർ പുറത്തിറങ്ങി. ഫഹദ് ഫാസിലിന്റെ ഫേസ്ബുക് പേജിലൂടെയാണ് ടൈറ്റിൽ പ്രഖ്യാപിച്ചത്. അര്‍ജ്ജുന്‍ അശോകന്‍ നായകനായെത്തുന്ന ചിത്രം ദാമര്‍ സിനിമയുടെ ബാനറില്‍ സന്തോഷ് ദാമോദരനാണ് നിര്‍മ്മിക്കുന്നത്. സംയുക്ത മേനോന്‍, ഷൈന്‍ ടോം ചാക്കോ, ഇര്‍ഷാദ്, ജാഫര്‍ ഇടുക്കി എന്നിവരും ചിത്രത്തില്‍ പ്രധാന വേഷങ്ങളിലെത്തുന്നു. ജി.ആര്‍. ഇന്ദുഗോപനാണ് രചന നിര്‍വഹിച്ചിരിക്കുന്നത്.

കഴിഞ്ഞ ഒക്ടോബർ 19നായിരുന്നു ‘വൂള്‍ഫ്’ ചിത്രീകരണത്തിലേയ്ക്ക് കടന്നത്. കര്‍ശനമായ കൊവിഡ് പ്രോട്ടോക്കോള്‍ പാലിച്ചുകൊണ്ടായിരുന്നു ഷൂട്ടിം​ഗ്. ഷാജി അസീസിന്റെ മൂന്നാമത്തെ ചിത്രമാണ് വൂള്‍ഫ്. തൃശൂര്‍ മലയാള പഠന ഗവേഷണ കേന്ദ്രത്തില്‍ നിന്നും മലയാളത്തില്‍ ബിരുദാനന്തര ബിരുദം നേടിയ ഷാജി അസീസ് സംവിധായകരായ ടി. കെ. രാജീവ് കുമാര്‍, അനില്‍. സി മേനോന്‍, പ്രിയനന്ദനന്‍, കെ. കെ. രാജീവ് തുടങ്ങി പതിനഞ്ചോളം സംവിധായകരുടെ കൂടെ സഹസംവിധായകനായി വര്‍ക്ക് ചെയ്ത ശേഷമാണ് നാടകം കഥാപശ്ചാത്തലമായി വരുന്ന ‘ഷേക്സ്പിയര്‍ എം. എ. മലയാളം ‘ എന്ന സിനിമയുടെ തിരക്കഥ-സംവിധാന പങ്കാളിയായി സ്വാതന്ത്രനാകുന്നത്.

നടനും തിരക്കഥാകൃത്തും സംവിധായകനുമായ സോഹൻ സീനുലാൽ തിരക്കഥയെഴുതി സംവിധാനം ചെയ്യുന്ന ചിത്രം ‘അൺലോക്ക്’ന്റെ ഫസ്റ്റ്ലുക് പോസ്റ്റർ പുറത്തിറങ്ങി. മമ്മൂട്ടിയുടെ ഫേസ്ബുക് പേജിലൂടെയാണ് പോസ്റ്റർ പുറത്തുവിട്ടത്.

ചെമ്പൻ വിനോദും ശ്രീനാഥ് ഭാസിയും മംമ്ത മോഹൻദാസും പ്രധാനകഥാപാത്രങ്ങളാകുന്ന ചിത്രത്തിൽ ഇന്ദ്രൻസ്, ഷാജി നവോദയ തുടങ്ങിയവരാണ് മറ്റ് താരങ്ങൾ. എറണാകുളം പ്രധാന ലൊക്കേഷൻ ആകുന്ന ചിത്രത്തിന്റെ ഷൂട്ടിങ് ഒക്ടോബർ 15നായിരുന്നു ആരംഭിച്ചത്.

അഭിലാഷ് ശങ്കർ ഛായാ​ഗ്രഹണവും സാജൻ വി എഡിറ്റിം​ഗും നിർവ്വഹിക്കുന്ന ചിത്രത്തിൽ സാബു വിത്രയാണ് കലാ സംവിധാനം. റോണക്സ് സേവിയർ മേക്കപും രമ്യ സുരേഷ് കോസ്റ്റ്യൂമും. ഡേവിസൺ സി ജെ പ്രൊഡക്ഷൻ കൺട്രോളർ, വാർത്ത പ്രചരണം എ എസ് ദിനേശ്. മോഷൻ പ്രൈം മൂവീസിന്റെ ബാനറിൽ സജീഷ് മഞ്ചേരിയാണ് നിർമ്മാണം.

സുപരിചിതമായ ഗേ ദമ്പതികള്‍ നിവേദും റഹീമും വേര്‍പിരിഞ്ഞു. ഒരു കാലത്ത് സോഷ്യല്‍മീഡിയയിലടക്കം വലിയ ശ്രദ്ധ പിടിച്ച്‌ പറ്റിയ കപ്പിളായിരുന്നു നിവേദും റഹീും.അതേസമയം ജീവിതത്തില്‍ സംഭവിച്ചത് തുറന്ന് പറഞ്ഞിരിക്കുകയാണ് നിവേദ്. റഹീമിനെ നഷ്ട്ടപ്പെട്ട മരണത്തിന് തുല്യമായിരുന്നുവെന്നും വിഷാദത്തിന് അടിമപ്പെട്ട് പോയിരുന്നുവെന്നും നിവേദ് പറയുന്നു.

എന്റെ പേരില്‍ നിന്നും ജീവിതത്തില്‍ നിന്നും റഹീം ഉണ്ടാകില്ല എന്നത് എനിക്കേറെ വിഷമം തന്നുവെന്നും നിവേദ്.ഉള്ളില്‍ വീര്‍പ്പുമുട്ടിയിരുന്ന സത്വത്തെ തിരിച്ചറിഞ്ഞ് ഇരുവരും ഒന്നിച്ചപ്പോള്‍ ആ പാത പിന്തുടരാന്‍ ധൈര്യം കിട്ടിയതും ഏറെ പേര്‍ക്കായിരുന്നു.നീണ്ട 6 വര്‍ഷത്തോളം പ്രണയിച്ചു, ഒന്നായി ജീവിച്ചു. അന്നൊക്കെ എന്റെ സ്വപ്നങ്ങള്‍ക്ക് കൂട്ടായിരുന്ന റഹീം വിവാഹശേഷം എന്റെ സ്വപ്നങ്ങളെ തകര്‍ത്തുവെന്നും നിവേദ് .

ആ തകര്‍ച്ചയെ തുടര്‍ന്ന് ലൈംഗിക ജീവിതവും , കുടുംബ ജീവിതവും തകര്‍ന്നു, എന്നാല്‍ തങ്ങളെ കണ്ട് ഒരുമിച്ചവര്‍ക്ക് ഇതൊന്നും ഒരു പ്രശ്‌നമാകരുതെന്നും നിവേദ്.ഒരു കുഞ്ഞ് വേണമെന്നും അഡോപ്റ്റ് ചെയ്യാമെന്നുമുള്ള എന്റെ ആഗ്രഹത്തെ റഹീം അതിശക്തിയായി എതിര്‍ത്തു , എന്റെ സ്വപ്നങ്ങളെ തകര്‍ത്തെന്നും നിവേദ് വേദനയോടെ പറയുന്നു.

സൗബിന്‍ ഷാഹിറും സുരാജ് വെഞ്ഞാറമൂടും പ്രധാന കഥാപാത്രങ്ങളായി എത്തിയ വികൃതി എന്ന സിനിമയില്‍ സൗബിന്‍ ഷാഹിറിന്റെ അമ്മ വേഷത്തില്‍ എത്തിയ നടി ഗ്രേസി അന്തരിച്ചു. കൊച്ചിയുടെ കടലോര മേഖലയായ ‘സൗദി’ എന്ന പ്രദേശത്ത് ജനിച്ച ഗ്രേസി സൗദി ഗ്രേസി എന്നാണു അറിയപ്പെട്ടിരുന്നത്. ഇവര്‍ക്ക് 65 വയസ് ആയിരുന്നു.

ഇന്ന് ഉച്ചയ്ക്ക് ഒന്നരയോടെ ആയിരുന്നു അന്ത്യം. കോവിഡ് ബാധിച്ച്‌ കളമശ്ശേരി മെഡിക്കല്‍ കോളേജില്‍ ചികിത്സയില്‍ ആയിരുന്നു. കോവിഡ് നെഗറ്റീവ് ആയിരുന്നെങ്കിലും കോവിഡിന്റെ തുടര്‍ച്ചയായി ന്യൂമോണിയ എത്തിയത് ആരോഗ്യം മോശമാക്കുകയായിരുന്നു.

സുരാജ് വെഞ്ഞാറമൂട് പ്രധാന കഥാപാത്രമായി എത്തുന്ന ‘റോയ്’ എന്ന സിനിമയിലും ഒരു കഥാപാത്രത്തെ ഗ്രേസി അവതരിപ്പിച്ചിരുന്നു. എന്നാല്‍, ഈ ചിത്രം ഇതുവരെ റിലീസ് ആയിട്ടില്ല.