മോഹൻലാൽ ചിത്രമായ ദൃശ്യം 2വിന്റെ ഷൂട്ടിങ് അവസാനിച്ചു. ലോക്ഡൗണിൽ 56 ദിവസത്തെ ഷെഡ്യൂളുമായി ആരംഭിച്ച ചിത്രം 46 ദിവസം കൊണ്ട് ചിത്രീകരണം പൂർത്തിയാക്കുക ആയിരുന്നു. സെപ്റ്റംബർ 21നാണ് ചിത്രീകരണം ആരംഭിച്ചത്. ലോക്ഡൗണിന് ശേഷം മോഹൻലാൽ ആദ്യം അഭിനയിക്കുന്ന സിനിമയാണ് ദൃശ്യം 2. ചെന്നൈയിൽ നിന്നും മീന ഉൾപ്പെടെയുള്ള താരങ്ങൾ നേരത്തെ തന്നെ ലൊക്കേഷനിൽ എത്തിയിരുന്നു.

കർശന നിയന്ത്രണത്തോടെയായിരുന്നു സിനിമയുടെ ചിത്രീകരണം നടന്നത്. ഷൂട്ടിങ് തീരുന്നത് വരെ മോഹൻലാൽ ഉൾപ്പടെയുള്ള അഭിനേതാക്കൾ താമസിക്കുന്ന ഹോട്ടലിൽ നിന്ന് ആരെയും പുറത്തേക്കോ അകത്തേയ്‌ക്കോ പോകാൻ അനവുദിച്ചിരുന്നില്ല. കോവിഡ് മാനദണ്ഡങ്ങൾ കൃത്യമായി പാലിച്ച്‌ ഷൂട്ട് ചെയ്ത ചിത്രത്തിന്റെ മുതൽ മുടക്ക് 10 കോടിയിൽ താഴെയാണെന്നാണ് അറിയുന്നത്. പ്രധാന താരങ്ങൾ ഉൾപ്പടെ എല്ലാ അണിയറപ്രവർത്തകരും പ്രതിഫലം കുറച്ചിരുന്നു.

സിദ്ദിഖ്, ആശാ ശരത്ത്, സായ്കുമാർ, മുരളി ഗോപി, ഗണേശ് കുമാർ, സുമേഷ്, ആദം അയൂബ്, അഞ്ജലി നായർ, അജിത് കൂത്താട്ടുകുളം എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങൾ. ആശിർവാദ് സിനിമാസിന്റെ ബാനറിൽ ആന്റണി പെരുമ്ബാവൂരാണ് ചിത്രം നിർമ്മിക്കുന്നത്.ചിത്രത്തിന്റെ ആദ്യ ഭാഗത്തിൽ ഉണ്ടായിരുന്ന തൊടുപുഴയിലെ അതേ വീട്ടിൽ തന്നെയാണ് രണ്ടാം ഭാഗവും ചിത്രീകരിച്ചിരിക്കുന്നത്.

ക്യൂട്ട് നടി നസ്രിയ നസീമിനെ മലയാളത്തിന്റെ പ്രിയ നടി കെട്ടിപ്പിടിച്ചിരിക്കുന്ന ചിത്രങ്ങള്‍ പുറത്തുവന്നത് ആരാധകരെ ആകെ കണ്‍ഫ്യൂഷനാക്കി. ഒറ്റനോട്ടത്തില്‍ മനസിലാക്കാന്‍ കഴിയാത്ത രീതിയിലാണ് മലയാളത്തിന്റെ പ്രിയ നടിയുടെ ലുക്ക്. നസ്രിയ സോഷ്യല്‍മീഡിയയില്‍ പങ്കുവെച്ച കണ്‍ഫ്യൂഷനടിപ്പിക്കുന്ന ചിത്രങ്ങള്‍ വൈറലായിക്കഴിഞ്ഞു.നടി ജ്യോതിര്‍മയിക്കൊപ്പമുള്ള സന്തോഷ നിമിഷങ്ങളാണ് നസ്രിയ പങ്കുവെച്ചത്. താരം ഷോര്‍ട്ട് ഹെയറില്‍ പ്രത്യക്ഷപ്പെട്ടതാണ് ആരാധകരെ കുഴക്കിയത്.

നിറഞ്ഞ ചിരിയോടെ ജ്യോതിര്‍മയി നസ്രിയയെ കെട്ടിപ്പിടിച്ചിരിക്കുന്ന ചിത്രങ്ങളാണ് താരം പങ്കുവെച്ചത്. ജ്യോതിര്‍മയിയുടെ ലുക്കിനെ പ്രശംസിച്ച് നടി റിമ കല്ലിങ്കലും രംഗത്തെത്തി. മലയാളത്തിനു പുറമെ തമിഴ്, തെലുങ്ക് സിനിമകളിലും നിറഞ്ഞു നിന്നിരുന്നനടിയാണ് ജ്യോതിര്‍മയി. 2015 ല്‍ സംവിധായകന്‍ അമല്‍ നീരദുമായുള്ള വിവാഹ ശേഷം താരം സിനിമയില്‍ സജീവമല്ല. കുറച്ചു നാളുകള്‍ക്കു മുമ്പ് ജ്യോതിര്‍മയിയുടെ തല മൊട്ടയടിച്ച ചിത്രങ്ങളും വൈറലായിരുന്നു

പ്രേമത്തിലൂടെ അരങ്ങേറിയ മഡോണ സെബാസ്റ്റ്യന്റെ വിവാഹ വേഷത്തിലുള്ള ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. മലയാളത്തിന് പുറമെ തമിഴിലും സാന്നിധ്യം അറിയിച്ച താരം സോഷ്യല്‍ മീഡിയയില്‍ വളരെ സജീവമാണ്. ബ്രൈഡല്‍ ലുക്കില്‍ അതിസുന്ദരിയായാണ് മഡോണ ഇപ്പോള്‍ പങ്കുവെച്ചിരിക്കുന്ന പുതിയ ചിത്രങ്ങളില്‍ പ്രത്യക്ഷപ്പെട്ടിരിക്കുന്നത്. ഇതോടെ താരത്തിന്റെ കല്യാണം കഴിഞ്ഞോ എന്നാണ് ആരാധകര്‍ ഒന്നടങ്കം ഉന്നയിക്കുന്ന സംശയം. പക്ഷേ സത്യമെന്തെന്നാല്‍ ഒരു ഫോട്ടോഷൂട്ടില്‍ പകര്‍ത്തിയ ചിത്രങ്ങളാണ് ഇതെന്നതാണ്.

ചിത്രങ്ങള്‍ വൈറലായി മാറിയതോടെ നിരവധി ആരാധകരും താരത്തിന് ആശംസകള്‍ നേര്‍ന്നു കൊണ്ട് രംഗത്തെത്തുന്നുണ്ട്. എന്നാല്‍ ഇവരോടൊക്കെ മഡോണ ഈ വിഷയത്തിലെ സത്യാവസ്ഥ വെളിപ്പെടുത്തുന്നുമുണ്ട്.

ചിത്രങ്ങള്‍ തന്റെ വിവാഹത്തിന്റേതല്ലെന്നും പുതിയ വെഡ്ഡിങ് സീരിസ് ഫോട്ടോഷൂട്ട് മാത്രമാണ് ഇവയെന്നും മഡോണ തന്നെ കമന്റ് റിപ്ലേയിലൂടെ വ്യക്തമാക്കിയിട്ടുണ്ട്. മാജിക് മോഷന്‍ മീഡിയയാണ് മഡോണയുടെ വിവാഹ വേഷത്തിലുള്ള ചിത്രങ്ങള്‍ പകര്‍ത്തിയിരിക്കുന്നത്. മഡോണ പങ്കുവെച്ച ചിത്രത്തിനൊപ്പമുള്ള കുറിപ്പ് മുഴുവന്‍ വായിക്കാതെ പല ആരാധകരും താരത്തിന് ആശംസ നേരുന്നത് കണ്ട് മറ്റുള്ളവരും ഇത് ശരിയാണെന്ന് കരുതിയിരിക്കുകയാണ്.