വര്‍ഷങ്ങളായി മലയാളികളുടെ വീട്ടിലൊരു നിത്യ സന്ദര്‍ശകനാണ് ജിഷിന്‍ മോഹന്‍. വില്ലനായും നായകനായുമെല്ലാം ജിഷിന്‍ നിരവധി തവണ പ്രേക്ഷകരുടെ കെെയ്യടി നേടിയിട്ടുണ്ട്. ഏഷ്യാനെറ്റിലെ ഓട്ടോഗ്രാഫായിരുന്നു ആദ്യ പരമ്പര. 2009 ല്‍ തുടങ്ങിയ സീരിയല്‍ അഭിനയം 2020 ല്‍ എത്തി നില്‍ക്കുന്നു. റിയാലിറ്റി ഷോകളിലും സെലിബ്രിറ്റി ഷോകളിലുമെല്ലാം ജിഷിന്‍ പങ്കെടുത്തിട്ടുണ്ട്.

ഇപ്പോഴിതാ പുതിയ സീരിയലിന്റെ ചിത്രീകരണം ആരംഭിച്ച വിവരം പങ്കുവെക്കുകയാണ് ജിഷിന്‍. എന്നാല്‍ ചെറിയൊരു ട്വിസ്റ്റുണ്ട്. സീരിയല്‍ എതാണെന്ന് പറയാന്‍ ജിഷിന്‍ തയ്യാറായിട്ടില്ല. അതിന് ജിഷിന്‍ തന്നെ കാരണവും പറയുന്നുണ്ട്. പാരകൾ ഏതു വഴിക്ക് വരും എന്ന് പറയാൻ പറ്റില്ലെന്നാണ് ജിഷിന്‍ പറയുന്നത്.

പോസ്റ്റിന്റെ പൂര്‍ണരൂപം പുതിയ സീരിയൽ. ഷൂട്ടിംഗ് പുരോഗമിക്കുന്നു. ഏതാണ് എന്നിപ്പോൾ പറയാൻ നിർവ്വാഹമില്ല കേട്ടോ.. കാരണം പാരകൾ ഏതു വഴിക്ക് വരും എന്ന് പറയാൻ പറ്റില്ല. പണ്ട് ഇതുപോലെ എന്റെ പൊട്ടവായ്ക്ക് ഞാൻ ഒരു സുഹൃത്തിനോട് ജോയിൻ ചെയ്യാൻ പോകുന്ന പുതിയ വർക്കിന്റെ സന്തോഷം പങ്കുവച്ചു. പിന്നീട് ആ ക്യാരക്ടർ ചെയ്തത് ആ പരനാറി ആയിരുന്നു. അതിൽപ്പിന്നെ ഒരു വർക്കിന്‌ ജോയിൻ ചെയ്തു ടെലികാസ്റ്റ് ആകുന്നത് വരെ ഞാൻ പെറ്റമ്മയോട് പോലും വർക്കിന്‌ ജോയിൻ ചെയ്ത കാര്യം പറയാറില്ല . ഇതാണ് മക്കളേ ഇൻഡസ്ട്രി. നോക്കീം കണ്ടും നിന്നില്ലെങ്കിൽ കൂടെ നിൽക്കുന്നവൻ തന്നെ കോ.. അല്ലെങ്കിൽ വേണ്ട. ആ വാക്ക് നിങ്ങള് ഊഹിച്ചോസീരിയൽ ടെലികാസ്റ്റ് ആകുന്നത് വരെ പെറ്റമ്മയോട് പോലും പറയാറില്ല; കാരണം വ്യക്തമാക്കി ജിഷിൻ