ലഹരി വ്യാപനത്തിനെതിരെ സിനിമാ സെറ്റുകളിൽ ജാഗ്രതാ സമിതി രൂപീകരിക്കുമെന്ന് ഫെഫ്ക. സിനിമാ മേഖലയിലെ സ്വയം ശുദ്ധീകരണമാണ് കൂട്ടായ തീരുമാനമാനത്തിലൂടെ സംഘടന ലക്ഷ്യമിടുന്നതെന്ന് ഫെഫ്ക ജനറൽ സെകട്ടറി ബി ഉണ്ണികൃഷ്ണൻ. സംഘടനയുടെ തീരുമാനത്തെ സംസ്ഥാന എക്സൈസ് കമ്മീഷണറും സ്വാഗതം ചെയ്തു. ഏഴ് അംഗങ്ങൾ വീതംഓരോ സെറ്റിലെയും ജാഗ്രതാ സമിതിയിൽ ഉണ്ടാകുമെന്നും സംവിധായനും പ്രൊഡക്ഷൻ കൺട്രോളറും ഉൾപ്പെടുന്നതാകും സമിതിയെന്നും ബി ഉണ്ണികൃഷ്ണൻ പറഞ്ഞു.

കൊച്ചിയിൽ നടന്ന ഫെഫ്കയുടെ ആരോഗ്യ സുരക്ഷ പദ്ധതി വാർഷിക ചടങ്ങിൽ വെച്ചാണ് ജാഗ്രതാ സമിതിയുടെ പ്രഖ്യാപനം നടന്നത്. സസ്ഥാന എക്സൈസ് കമ്മീഷണർ മഹിപാൽ യാദവ് ചടങ്ങിൽ മുഖ്യാതിഥി ആയിരുന്നു. ലഹരിക്കെതിരെ പോലീസും എക്സൈസും തീവ്ര പോരാട്ടം നടത്തുന്ന ഘട്ടത്തിൽ ഇത്തരമൊരു തീരുമാനമെടുത്ത ഫെഫ്ക ഭാരവാഹികളെ അഭിനന്ദിക്കുന്നതായി എക്സൈസ് കമ്മീഷണർ പറഞ്ഞു.കഴിഞ്ഞ ദിവസം ചേർന്ന ഫെഫ്ക സ്റ്റിയറിങ് കമ്മറ്റി യോഗമാണ് ഈ നിർണായക തീരുമാനം എടുത്തത്. ലൊക്കേഷനിലെ പരിശോധനകൾ തീരുമാനിക്കേണ്ടത് എക്സൈസും പോലീസും ആണെന്നും പരിശോധനകളോട് പൂർണമായി സഹകരിക്കുമെന്നും ഫെഫ്ക ഭാരവാഹികൾ വ്യക്തമാക്കി.

മലയാള സിനിമയിലെ താരങ്ങള്‍ തമ്മില്‍ പരസ്പരം മത്സരമുണ്ടോ എന്ന ചോദ്യത്തിന് മറുപടി പറയുകയാണ് നടന്‍ മോഹന്‍ലാല്‍. ഒപ്പം നടന്‍ മമ്മൂട്ടിയുമായി ബന്ധപ്പെട്ട ചില ചോദ്യങ്ങള്‍ക്കും മോഹന്‍ലാല്‍ മറുപടി പറയുന്നുണ്ട്.മമ്മൂട്ടിയുമായുള്ള താരതമ്യപ്പെടുത്തലുകളെ കുറിച്ചും ആരാണ് മികച്ചതെന്ന ചോദ്യത്തെ കുറിച്ചുമൊക്കെ അഭിമുഖത്തില്‍ മോഹന്‍ലാല്‍ സംസാരിക്കുന്നുണ്ട്.മമ്മൂട്ടിയാണോ മോഹന്‍ലാലാണോ ബെറ്റര്‍ എന്ന് താങ്കളോട് ഒരാള്‍ ചോദിച്ചാല്‍ എന്തായിരിക്കും പറയുകയെന്ന ചോദ്യത്തിനും മോഹന്‍ലാല്‍ മറുപടി നല്‍കുന്നുണ്ട്.

‘ ആരുമായും ഒരു മത്സരവുമില്ല. അതെല്ലാം ക്രിയേറ്റ് ചെയ്യപ്പെടുന്നതാണ്. ഇതൊരു ഗെയിമോ സ്‌പോര്‍ട്‌സോ അല്ല. വ്യത്യസ്തമായ ഒരു പ്രൊഫഷനാണ്.ഞങ്ങള്‍ക്ക് ചെയ്യാന്‍ ധാരാളം സിനിമകള്‍ ഉള്ളപ്പോള്‍ എന്തിനാണ് പിന്നെ ശത്രുത. എല്ലാവര്‍ക്കും സിനിമയുണ്ട്. എല്ലാവരും വളരെ നന്നായി അത് ചെയ്യുന്നു. അതില്‍ എല്ലാവരും സന്തോഷവാന്മാരാണ്.മോഹന്‍ലാലാണോ മമ്മൂട്ടിയാണോ ബെറ്റര്‍ ആക്ടര്‍ എന്ന് ചോദിച്ചാല്‍ അതെല്ലാം ഓരോ സിനിമയേയും അടിസ്ഥാനപ്പെടുത്തിയിരിക്കും. അതുമാത്രമല്ല ഇച്ചാക്ക ഒരു ഗ്രേറ്റ് ആക്ടറാണെന്ന് ഞാന്‍ തന്നെ പറഞ്ഞിട്ടുണ്ട്

നിങ്ങള്‍ ഈ ചോദ്യം അദ്ദേഹത്തോട് ചോദിച്ചാല്‍ തീര്‍ച്ചയായും അദ്ദേഹം എന്റെ പേര് പറയും. അതൊരു സീരിയസ് അഫെയര്‍ ആണ്. ആര് ബെറ്റര്‍ ആക്ടര്‍ എന്നതൊക്കെ ഒരു ഡിബേറ്റാണ്.ഒരു സിനിമ കിട്ടിയാല്‍ എങ്ങനെ അത് അവര്‍ ഷോള്‍ഡര്‍ ചെയ്യുന്നു എന്നതാണ്. അതില്‍ സക്‌സസ്ഫുള്‍ ആയാല്‍ എല്ലാവരും ബെറ്റര്‍ ആക്ടര്‍ ആകും,’ മോഹന്‍ലാല്‍ പറഞ്ഞു.

എമ്പുരാനിലെ വില്ലനെ കുറിച്ചുള്ള ചോദ്യത്തിനും അഭിമുഖത്തില്‍ മോഹന്‍ലാല്‍ മറുപടി നല്‍കുന്നുണ്ട്.എമ്പുരാനില്‍ മുഖം കാണിക്കാത്ത ആ വില്ലന്‍ ഫഹദോ മമ്മൂട്ടിയോ അല്ല. അവര്‍ ആണെങ്കില്‍ തീര്‍ച്ചയായും അവരുടെ മുഖം കാണിക്കില്ലേ. എന്തിനാണ് അത് കാണിക്കാതിരിക്കുന്നത്.അത് അവരൊന്നും അല്ല. അത് വേറൊരു ആക്ടര്‍ ആണ്,’ മോഹന്‍ലാല്‍ പറഞ്ഞു.

സംസ്ഥാനത്ത് കനത്ത ചൂടാണ് അനുഭവപ്പെടുന്നത്. ചൂട് മൂലം നിരവധി പ്രശ്നങ്ങളും അലട്ടുന്നുണ്ട്. കുടയ്‌ക്കും സൺസ്‌ക്രീനിനും പോലും സൺടാനിനെ പ്രതിരോധിക്കാനാവുന്നില്ല. എന്നാൽ ഭക്ഷണത്തിൽ ഉൾപ്പെടുത്തുന്ന ചില കാര്യങ്ങളിലൂടെ നമുക്ക് കരുവാളിപ്പിനെ പ്രതിരോധിക്കാൻ സാധിക്കും. മത്തങ്ങ എരിശ്ശേരിയും പായസവും കൂട്ടുകറിയുമെല്ലാം മലയാളികളുടെ തീൻമേശയിലെ പ്രധാനപ്പെട്ട വിഭവമാണ്. എന്നാൽ മത്തൻ സൗന്ദര്യ സങ്കൽപ്പത്തിന് ഗുണകരമാകുന്നത് എങ്ങനെയെന്ന് ഇന്നേ വരെ നാം ചിന്തിച്ചിട്ടില്ല.

വിറ്റമിൻ A, B1, B6,c എന്നിവയാണ് മത്തങ്ങയിൽ അടങ്ങിയിരിക്കുന്നത്. പൊട്ടാസ്യം, കാത്സ്യം, മഗ്നീഷ്യം തുടങ്ങിയവും മത്തങ്ങയിൽ അടങ്ങിയിട്ടുണ്ട്. ആരോഗ്യത്തിന് ഗുണകരമാകുന്ന ഇവ സൗന്ദര്യത്തെയും സഹായിക്കുന്നു. അതുകൊണ്ട് മത്തൻ വിഭവങ്ങൾ ഭക്ഷണത്തിൽ ഉൾപ്പെടുത്തുന്നത് നല്ലതാണ്.ചർമത്തിലെ ചുളിവുകൾ മാറ്റാനും തിളക്കം നൽകാനും മികച്ചതാണ് മത്തൻ. ഇതിലെ വിറ്റാമിനുകൾ, സാലിസിലിക് ആസിഡ്, ആൽഫ ഹൈഡ്രോക്സി ആസിഡ് എന്നിവയാണ് തിളക്കം നൽകാൻ സഹായിക്കുന്നത്.കൊളാജൻ ഉത്പാദനത്തിനും അൾട്രാവയലറ്റ് രശ്മികൾ മൂലമുള്ള കരുവാളിപ്പ് മാറ്റാനും മത്തങ്ങ സഹായിക്കുന്നു. പ്രായമാകുമ്പോൾ ചർമത്തിലുണ്ടാകുന്ന ചുളിവുകൾ, വലിച്ചിലുകൾ പരിഹരിക്കാനും ഇവയ്‌ക്ക് കഴിവുണ്ട്.മത്തന്റെ വിത്തും മുഖ സൗന്ദര്യത്തിന് സഹായിക്കുന്നു. ഇതിൽ അടങ്ങിയിരിക്കുന്ന സിങ്ക് ആരോഗ്യമുള്ള മുഖസൗന്ദര്യം ഉറപ്പ് വരുത്തുന്നു. മുഖക്കുരുവിൽ നിന്നും പ്രായമാകുമ്പോൾ ശരീരത്തിലുണ്ടാകുന്ന ചുളിവുകളിൽ നിന്നുമെല്ലാം ഇത് നമുക്ക് സംരക്ഷണം നൽകുന്നു

ബോയിങ് ബോയിങ്ങില്‍ യന്ത്രമനുഷ്യനേപ്പോലെ ജോലി ചെയ്യുന്ന, മദ്യപിച്ച് നൃത്തം വയ്ക്കുന്ന ഡിക്കമ്മായി. പൂച്ചക്കൊരു മൂക്കുത്തിയിലെ ശങ്കരമംഗലത്തിലെ വെസ്റ്റേണ്‍ പാട്ടുകളുടെ ആരാധികയായ, എല്ലായ്‌പ്പോഴും വൃത്തിയായി ഒരുങ്ങി നടക്കുന്ന രേവതിയമ്മ. വന്ദനത്തിലെ കാര്‍ക്കശ്യക്കാരിയായ മാഗിയാന്റി, അക്കരെ അക്കരെയിലെ വാടകക്കാരായ യുവാക്കളുടെ മുട്ട മോഷണം കയ്യോടെ പിടികൂടി അവരെ മുള്‍മുനയില്‍ നിര്‍ത്തുന്ന ഹൗസ് ഓണര്‍, തലയണമന്ത്രത്തിലെ മുക്കുകണ്ണാടി വച്ച്, പരിഷ്‌കാരത്തോടൊപ്പം പരദൂഷണവും അലങ്കാരമാക്കി നടക്കുന്ന നടക്കുന്ന സുലോചന തങ്കപ്പന്‍. സുകുമാരി അനശ്വരമാക്കിയ എത്രയെത്ര വേഷങ്ങള്‍…

മലയാള സിനിമയില്‍ 60 വര്‍ഷം പൂര്‍ത്തിയാക്കിയ നടി. എണ്ണമറ്റ കഥാപാത്രങ്ങള്‍, ആറു പതിറ്റാണ്ടില്‍ ആറു ഭാഷകളിലൂടെ നീണ്ട അഭിനയസപര്യ. അതില്‍ വൈവിധ്യമാര്‍ന്ന വേഷങ്ങള്‍ ചെയ്ത കലാകാരി. സുകുമാരിയെ ഓര്‍ക്കുമ്പോള്‍ പാവപ്പെട്ട അമ്മ-സഹോദരി വേഷങ്ങളല്ല പ്രേക്ഷകരുടെ മനസ്സില്‍ തെളിയുന്നത്. പകരം, നല്ല തന്റേടവും മിടുക്കുമുള്ള ഉറച്ച ശബ്ദമുള്ള കലഹിക്കുന്ന കഥാപാത്രങ്ങളെയാണ് ഓര്‍മവരുന്നത്. നാടന്‍ വേഷങ്ങളും മോഡേണ്‍ വേഷങ്ങളും ഒരുപോലെ വഴങ്ങുന്ന അഭിനേത്രി, ഒരു നര്‍ത്തകി കൂടിയായതുകൊണ്ടായിരിക്കണം, കണ്ണുകള്‍കൊണ്ട് വിവിധ ഭാവങ്ങള്‍ സൃഷ്ടിക്കാന്‍ കെല്‍പ്പുള്ള നടിയായിരുന്നു സുകുമാരി.

മലയാളം, തമിഴ്, തെലുങ്ക്, ഹിന്ദി, ഒറിയ, ബംഗാളി ഭാഷകളിലായി 2500-ഓളം സിനിമകളില്‍ അഭിനയിച്ച പ്രതിഭ വിടവാങ്ങിയിട്ട് ഇന്നേക്ക് 12 വര്‍ഷം. നായികയും ഉപനായികയും ചേച്ചിയും അമ്മയും മുത്തശ്ശിയുമൊക്കെയായും അവര്‍ തിരശ്ശീലയിലും പ്രേക്ഷകരുടെ മനസ്സിലും ഒരുപോലെ നിറഞ്ഞുനിന്നു. സിനിമയെ ജീവവായുപോലെ ആത്മാവിലാവാഹിച്ച അപൂര്‍വം അഭിനേതാക്കളില്‍ ഒരാളാണവര്‍. വിവിധ അഭിനയസംസ്‌കാരങ്ങളിലും തലമുറകളിലും നിറഞ്ഞു നിന്ന യാത്രയായിരുന്നു അവരുടേത്.

ഹൃദയാഘാതത്തെത്തുടര്‍ന്ന് ചെന്നൈയിലെ സ്വകാര്യ ആസ്പത്രിയിരിക്കെ 2013-ലാണ് സുകുമാരി വിടവാങ്ങിയത്.1940 ഒക്ടോബര്‍ ആറിന് തിരുവനന്തപുരം പൂജപ്പുരയിലെ മാധവന്‍നായരുടെയും സത്യഭാമ അമ്മയുടെയും മകളായിട്ടാണ് സുകുമാരിയുടെ ജനനം. നാല് സഹോദരിമാരും ഒരു സഹോദരനുമടങ്ങിയ കുടുംബം. തിരുവിതാംകൂര്‍ സഹോദരിമാര്‍ എന്നറിയപ്പെട്ടിരുന്ന ലളിത- പദ്മിനി- രാഗിണിമാരുടെ കുടുംബത്തില്‍പ്പിറന്ന സുകുമാരിക്ക് അഭിനയം വരസിദ്ധിപോലെയായിരുന്നു. പൂജപ്പുരയിലെ എലിമെന്ററി സ്‌കൂളില്‍ പഠിക്കുകയായിരുന്ന സുകുമാരിയെ ഏഴാംവയസ്സിലാണ് മദ്രാസിലേക്ക് കൊണ്ടുവരുന്നത്. ഇവിടെവെച്ച് അവര്‍ കഥകളി, ഭരതനാട്യം തുടങ്ങിയ നൃത്തകലകള്‍ വശമാക്കി.

സുകുമാരിയുടെ നൃത്തം കണ്ട് 1951-ല്‍ നീലകണ്ഠന്‍ സംവിധാനം ചെയ്ത ‘ഒരു ഇരവ്’ എന്ന തമിഴ് ചിത്രത്തിലൂടെ പത്താംവയസ്സിലാണ് സിനിമയിലേക്ക് ചേക്കേറിയത്. ലളിത, പദ്മിനി, രാഗിണിമാര്‍ക്കൊപ്പം ഒട്ടേറെ തമിഴ്നാടകങ്ങളിലും അവര്‍ അഭിനയിച്ചു.എം.ജി.ആര്‍, ശിവാജി ഗണേശന്‍, ജെമിനി ഗണേശന്‍, സത്യന്‍, പ്രേംനസീര്‍, മോഹന്‍ലാല്‍, മമ്മൂട്ടി, കുഞ്ചാക്കോ ബോബന്‍ തുടങ്ങി മലയാളത്തിലെ പഴയ-പുതുതലമുറകള്‍ക്കൊപ്പവും സുകുമാരി അഭിനയിച്ചിട്ടുണ്ട്.

ഒട്ടേറെ പുരസ്‌കാരങ്ങളും സുകുമാരിയെ തേടിയെത്തി. 2003-ല്‍ രാജ്യം അവരെ പദ്മശ്രീ നല്‍കി ആദരിച്ചു. 1991-ല്‍ തമിഴ്നാട് സര്‍ക്കാറിന്റെ കലൈമാമണി പുരസ്‌കാരം ലഭിച്ചു. മികച്ച നടിക്കുള്ള കേരള സംസ്ഥാന ചലച്ചിത്രപുരസ്‌കാരത്തിന് നാലു തവണ അര്‍ഹയായി. 2011-ല്‍ ദേശീയപുരസ്‌കാരത്തിന്റെ നെറുകയിലുമെത്തി.മനസ്സിലെന്നുമോര്‍ക്കാന്‍ പല കഥാപാത്രങ്ങളായി അവര്‍ പ്രേക്ഷകര്‍ക്കുള്ളില്‍ ജീവിക്കുന്നു. സുകുമാരിയില്ലാത്ത 12 വര്‍ഷങ്ങള്‍… ഇനിയും കാലമുരുളുമ്പോള്‍ ആ കലാകാരിയുടെ തേജസ്സ് മലയാള സിനിമാചരിത്രത്തില്‍ തിളങ്ങിക്കൊണ്ടേയിരിക്കുമെന്ന് ഉറപ്പാണ്..

നടന്‍ ഇന്നസെന്റിന്റെ രണ്ടാം ചരമവാര്‍ഷികദിനത്തില്‍ കുറിപ്പ് പങ്കുവെച്ച് സംവിധായകൻ സത്യന്‍ അന്തിക്കാട്. സിനിമയുടെ എഴുത്തിനിടയില്‍ വഴിമുട്ടിനിന്നാല്‍ നടന്‍ ശ്രീനിവാസനും താനും ഇന്നസെന്റിന്റെ വീട്ടിലേക്കാണ് പോവാറുണ്ടായിരുന്നതെന്നും ഏതു പ്രതിസന്ധികളും തരണംചെയ്യാനുള്ള മരുന്ന് ഇന്നസെന്റിന്റെ കൈയിലുണ്ടാകുമെന്നും സംവിധായകന്‍ ഫേസ്ബുക്കില്‍ പങ്കിട്ട കുറിപ്പില്‍ പറയുന്നു. ഇന്നസെന്റുമൊത്തുള്ള ചിത്രത്തോടൊപ്പമാണ് കുറിപ്പ് പോസ്റ്റ് ചെയ്തിരിക്കുന്നത്.

ഇന്നസെന്റിന്റെ ഓര്‍മദിനമായ ബുധനാഴ്ച ശ്രീനിവാസനുമായി സംസാരിച്ചെന്നും തങ്ങള്‍ക്കിപ്പോഴും ഇന്നസെന്റ് വിട്ടുപോയെന്ന് വിശ്വസിക്കാനാകുന്നില്ലെന്നും സത്യന്‍ അന്തിക്കാട് കുറിച്ചു. ഇപ്പോഴും അതിരാവിലെ ഫോണ്‍ റിങ്ങ് ചെയ്യുമ്പോള്‍ ഇന്നസെന്റ് ആകുമോ എന്ന് തോന്നിപ്പോകുമെന്നും അദ്ദേഹം പറയുന്നു.

സത്യന്‍ അന്തിക്കാടിന്റെ ഫേസ്ബുക്ക് കുറിപ്പ്;

ഇന്നസെന്റ് വിട പറഞ്ഞിട്ട് ഇന്ന് രണ്ട് വര്‍ഷം തികയുന്നു. ഇന്നലെ രാത്രി ശ്രീനിവാസനുമായി കുറേ നേരം സംസാരിച്ചിരുന്നു. കൂടുതലും ഇന്നസെന്റിനെപ്പറ്റി തന്നെ. പറഞ്ഞ് പറഞ്ഞ് ശ്രീനിയുടെ ശബ്ദം ഇടറിത്തുടങ്ങിയപ്പോള്‍ ഞാന്‍ വിഷയം മാറ്റി. ഇപ്പോഴും വിശ്വസിക്കാനാവുന്നില്ല ഞങ്ങള്‍ക്കിടയില്‍ നിന്ന് ഇന്നസെന്റ് വിട്ടുപോയി എന്ന്.സിനിമയുടെ എഴുത്തിനിടയില്‍ തിരക്കഥ വഴി മുട്ടി നിന്നാല്‍ ഞാനും ശ്രീനിയും ഇരിങ്ങാലക്കുടയിലേക്ക് കാറുമെടുത്ത് പോകും. ഏതു പ്രതിസന്ധികളും തരണം ചെയ്യാനുള്ള മരുന്ന് ഇന്നസെന്റിന്റെ കയ്യിലുണ്ടാകും. അനുഭവങ്ങളുടെ കലവറയാണ് ആ മനുഷ്യന്‍. സ്വന്തം ജീവിതമാണ് ഇന്നസെന്റിന്റെ പാഠപുസ്തകം. അതില്‍ നിന്നൊരു പേജ് മതി കഥാപ്രതിസന്ധികള്‍ തരണം ചെയ്യാന്‍.

പുതിയ സിനിമയുടെ ഷൂട്ടിങ്ങിനിടയില്‍ മോഹന്‍ലാല്‍ ചോദിച്ചു -‘ഇന്നസെന്റും ഒടുവിലും മാമുക്കോയയും ലളിതച്ചേച്ചിയും നെടുമുടിയുമൊന്നുമില്ലാതെ സത്യേട്ടന്റെ സെറ്റ് എങ്ങനെ പൂര്‍ണ്ണമാകും?”അവരുടെ ആത്മാവും അനുഗ്രഹവും നമ്മളോടൊപ്പമുണ്ടല്ലോ. അതു മതി.’എന്ന് ഞാന്‍ മറുപടി പറഞ്ഞു. അങ്ങനെ ആശ്വസിക്കാനേ ഇനി പറ്റൂ.ഇപ്പോഴും അതിരാവിലെ ഫോണ്‍ റിങ് ചെയ്യുമ്പോള്‍ ഇന്നസെന്റ് ആകുമോ എന്ന് തോന്നിപ്പോകും. ആ തോന്നലുകള്‍ക്കും ഇന്ന് രണ്ട് വയസ്സ്.

സംഗീത സംവിധായകൻ ഷാൻ റഹ്മാനെതിരെ കേസ്. കൊച്ചിയിൽ സംഗീതനിശ സംഘടിപ്പിച്ചതു വഴി ഷാൻ റഹ്മാൻ 38 ലക്ഷം രൂപ വഞ്ചിച്ചെന്നാണു പരാതി. ഇവന്റ് മാനേജ്മെന്റ് സ്ഥാപനം നടത്തുന്ന സംഗീത പരിപാടിയുടെ ഷോ ഡയറക്ടർ നിജു രാജാണ് എറണാകുളം സൗത്ത് പൊലീസ് സ്റ്റേഷനിൽ പരാതി നൽകിയത്. 2 ആഴ്ച മുൻപാണ് കേസെടുത്തിരിക്കുന്നത്.

കൊച്ചിയിൽ ജനുവരി 25-ന് നടന്ന സംഗീതനിശയുടെ സംഘാടനവുമായി ബന്ധപ്പെട്ട് ഷാൻ റഹ്മാൻ കരാർപ്രകാരമുള്ള 38 ലക്ഷം രൂപ നൽകാതെ വഞ്ചിച്ചെന്നാണ് പരാതി. സംഗീതനിശയ്ക്ക് ശേഷം ഓൺലൈൻ ടിക്കറ്റ് ബുക്കിങ് വെബ്സൈറ്റിൽനിന്ന് ലഭിക്കുന്ന തുക നൽകാമെന്നാണ് ഷാൻ റഹ്മാൻ ആദ്യം പറഞ്ഞതെന്നാണ് പരാതിക്കാരന്റെ ആരോപണം. എന്നാൽ, ബുക്കിങ് വെബ്സൈറ്റിൽനിന്ന് 38 ലക്ഷത്തിലധികം രൂപ ലഭിച്ചിട്ടും തനിക്ക് നൽകാനുള്ള പണം നൽകിയില്ലെന്നും പരാതിക്കാരൻ ആരോപിച്ചിരുന്നു.

ചിരിയിലൂടെ ചിന്തകള്‍ പകര്‍ന്ന നടന്‍ ഇന്നസെന്റിന്റെ ഓര്‍മകള്‍ക്ക് രണ്ടുവര്‍ഷം. ജീവിതത്തിലെയും അഭിനയത്തിലെയും ഉയർച്ച താഴ്ച മുതൽ തന്നെ കാര്‍ന്ന് തിന്ന കാന്‍സറിനോട് വരെ കൂളായി ഇടപെട്ട അതുല്യ വ്യക്തിത്വമാണ് ഇന്നച്ചൻ. 2023 മാര്‍ച്ച് 26-നാണ് ഇന്നസെന്റ് അന്തരിച്ചത്. രണ്ടല്ല 200 വർഷമെടുത്താലും ഇന്നച്ചൻ ചെയ്തു വച്ചു പോയ ചിരി മേളങ്ങൾ മാത്രം മതി മലയാളികൾക്ക് അദ്ദേഹത്തെ മറക്കാതിരിക്കാണെന്ന് വ്യക്തം.

ഇന്നസെന്റ് എന്ന പേര് കേട്ടാൽ മലയാളികളുടെ മനസ്സിലേക്ക് ഓടിവരുന്നത് ഒട്ടേറെ തമാശകളും ഭാവങ്ങളും സംഭാഷണങ്ങളുമാണ്. ഇന്നസെന്റിന്റ നോട്ടവും ഭാവവും സംഭാഷണ രീതിയുമെല്ലാം മലയാളികള്‍ക്ക് മന:പാഠമായിരുന്നു. പേരിലുള്ള നിഷ്‍കളങ്കത സിനിമയ്‍ക്ക് പുറത്തെ തന്റെ സംഭാഷണങ്ങളിലും ഫലിപ്പിക്കാൻ ഇന്നസെന്റ് ശ്രമിക്കാറുണ്ടായിരുന്നു. ആ അദ്ദേഹത്തോടൊപ്പം മലയാളികൾ ചിരിച്ചത് 50 വർഷങ്ങളാണ്. മാന്നാർ മത്തായിയും കിട്ടുണ്ണിയും കെ കെ ജോസഫും ഡോ. പശുപതിയും സ്വാമി നാഥനും തുടങ്ങി അദ്ദേഹം സ്ക്രീനിൽ മനോഹരമാക്കിയ ഓരോ കഥാപാത്രവും ഇന്നസെന്റ് എന്ന് കേൾക്കുമ്പോൾ തന്നെ നമുടെ മനസ്സിൽ ഒരു റീലായി കടന്ന് പോകും.

ഇരിങ്ങാലക്കുടക്കാരൻ തെക്കേത്തല വറീതിന്റെ എട്ടാം ക്ലാസുകാരനായ മകൻ, നർമ്മത്തിൽ ഫുൾ എ പ്ലസുകാരനായ കഥ സിനിമയെ പോലും വെല്ലുന്നതായിരുന്നു. കോടമ്പാക്കത്തെ കണ്ണീരും കയ്പും നിറഞ്ഞ കാലം താണ്ടിയാണ് ഇന്നസെന്റ് എന്ന വ്യക്തി സിനിമയുടെ വെള്ളിവെളിച്ചത്തിലെത്തുന്നത്. 1972ൽ നൃത്തശാല എന്ന ചിത്രത്തിൽ പത്രക്കാരന്റെ വേഷം ചെയ്തായിരുന്നു തുടക്കം.

സിനിമയിൽ പിന്നീട് അവസരങ്ങളൊന്നും കിട്ടാതായപ്പോൾ തീപ്പെട്ടി കമ്പനിയും ലെതർ ബാഗ് കച്ചവടവും ഒക്കെ അദ്ദേഹം പരീക്ഷിച്ചു. പക്ഷേ അവയൊന്നും മെച്ചപ്പെട്ടില്ല. ഒടുവിൽ ഒരു നിർമാണ കമ്പനി തുടങ്ങി. സ്വന്തമായി നിർമ്മിച്ച ഇളക്കങ്ങളിലെ കറവക്കാരന്റെ വേഷം വഴിത്തിരിവായി. ഒടുവിൽ 1989ൽ റാം ജിറാവു സ്പീക്കിംഗ് ഇറങ്ങിയതോടെ മലയാളിക്ക് ചിരിയുടെ മറുപേരായി ഇന്നസെന്റ് മാറുക ആയിരുന്നു. സവിശേഷമായ ശരീരഭാഷയും തൃശൂർ ശൈലിയിലുള്ള സംഭാഷണവും ഇന്നസെന്റിന്റെ സവിശേഷതകളായിരുന്നു.

അഭിനയജീവിതം ആരംഭിക്കുമ്പോൾ വർഷം മൂന്ന് സിനിമകൾ മാത്രം ആയിരുന്നു ഇന്നസെന്റ് ചെയ്തത്. എന്നാൽ 90കളായപ്പോഴേക്കും കഥ മാറി. വർഷം 40 ചിത്രങ്ങളിൽ വരെ ഇന്നച്ചൻ അഭിനയിച്ചു. ജീവിതത്തിൽ കണ്ടുമുട്ടിയ മുഖങ്ങളെല്ലാം ഇന്നസെന്റ് കഥാപാത്രങ്ങളിലേക്ക് പക‍ർത്തി. മമ്മൂട്ടി, മോഹൻലാൽ, ദിലീപ്, ജയറാം, സുരേഷ് ​ഗോപി തുടങ്ങി മുൻനിര താരങ്ങൾക്കൊപ്പം സുഹൃത്തായും സഹോദരനായും അച്ഛനായും എല്ലാം ഇന്നസെന്റ് തിളങ്ങി. അവതരിപ്പിച്ച കഥാപാത്രങ്ങളെപ്പോലെ ജീവിതത്തിലും നര്‍മ്മം കൊണ്ടുനടന്ന ആളാണ് ഇന്നസെന്റ്. അതുകൊണ്ട് തന്നെയാണ് ഏവരും പതറിപ്പോകുന്ന ഒരുരോ​ഗത്തെ മുഖാമുഖം കണ്ട് തിരിച്ചുവന്ന ഇന്നസെന്റ് ‘ക്യാൻസർ വാർ​ഡിലെ ചിരി’ എന്ന പേരിൽ ഒരു പുസ്തകം എഴുതിയതും.

സിനിമയ്ക്ക് പുറത്ത് അദ്ദേഹം പറഞ്ഞതൊന്നും വെറും നര്‍മ്മമായിരുന്നില്ല. ജീവിതത്തെക്കുറിച്ചുള്ള വലിയ ദര്‍ശനങ്ങളൊക്കെ നര്‍മ്മത്തിന്‍റെ ചെറിയ ചിമിഴുകളില്‍ ഒളിപ്പിച്ച് അദ്ദേഹം അവതരിപ്പിക്കുക ആയിരുന്നു. നടൻ എന്ന നിലയിൽ മാത്രമല്ല, മികച്ച രാഷ്ട്രീയക്കാരനും കൂടിയാണ് താനെന്ന് ഈ കാലത്തിനിടയ്ക്ക് ഇന്നസെന്റ് തെളിയിച്ചു. കമ്യൂണിസ്റ്റ് പാർട്ടിയുടെ കീഴിൽ സിനിമാ നടനെന്ന ലേബലിൽ മാത്രം നടന്നു കയറിയ വ്യക്തിത്വം ആയിരുന്നില്ല ഇന്നസെന്‍റിന്‍റേത്. പലതവണ രാഷ്ട്രീയത്തിൽ അവസരം വന്നെങ്കിലും സിനിമാ തിരക്ക് കാരണം ഒഴിഞ്ഞുമാറിയ ഇന്നസെന്‍റ് ഒടുവിൽ 2014ൽ സ്ഥാനാർഥിയാകാമെന്ന് സമ്മതിക്കുകയായിരുന്നു.

യു ഡി എഫിന് മുൻതൂക്കമുണ്ടായിരുന്ന ചാലക്കുടിയിലെ ഇന്നസെന്റ് വിജയ കിരീടം ചൂടി. 2019ൽ ബെന്നി ബഹ്നാന് മുന്നിൽ പരാജയപ്പെട്ടു. എങ്കിലും ചാലക്കുടിക്കാർക്കും ഇരിങ്ങാലക്കുടക്കാർക്കും ഇന്നസെന്‍റ് എന്നും പ്രിയപ്പെട്ടവൻ തന്നെയാണ്. രാഷ്ട്രീയ ജീവിതവും അഞ്ച് പതിറ്റാണ്ടിന്റെ ചലച്ചിത്ര യാത്രയും അവസാനിപ്പിച്ച് ഇന്നസെന്റ് എന്ന അതുല്യ പ്രതിഭ കടന്നുപോയപ്പോൾ ബാക്കിയാക്കിയത് ഒരു വലിയ ചിരി ആയിരുന്നു. താമാശകൾ പറഞ്ഞു കൊണ്ട് ഇന്നസെന്റ് ചിരിക്കുമായിരുന്ന അതേ ചിരി

സംസ്ഥാനത്ത് അഞ്ച് ദിവസങ്ങൾക്ക് ശേഷം ഇന്ന് സ്വർണവില ഉയർന്നു. പവന് 80 രൂപയാണ് ഉയർന്നത്. ഇന്ന് വിപണിയിൽ ഒരു പവൻ സ്വർണത്തിന്റെ വില 65560 രൂപയാണ്. ഏറ്റവും കുറഞ്ഞ പണിക്കൂലിയിൽ സ്വർണം വാങ്ങണമെങ്കിൽ 71000 രൂപയോളമാകും.

കഴിഞ്ഞ വ്യാഴാഴ്ച സർവ്വകാല റെക്കോർഡിലായിരുന്നു സ്വർണവില, എന്നാൽ അതിനുശേഷമുള്ള അഞ്ച് ദിവസങ്ങളിൾ വില കുത്തനെ കുറഞ്ഞു. പവന്1000 രൂപയോളമാണ് ഇടിവ് ഉണ്ടായത്.

ഒരു ഗ്രാം 22 കാരറ്റ് സ്വർണത്തിന്റെ വിപണി വില 8195 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 6725 രൂപയാണ്. അതേസമയം വെള്ളിയുടെ വില ഉയർന്നിട്ടുണ്ട്. ഒരു ഗ്രാം സാധാരണ വെള്ളിയുടെ വില 109 രൂപയാണ്.

സൂപ്പര്‍സ്റ്റാര്‍ രജനികാന്ത്, അമിതാഭ് ബച്ചന്‍ തുടങ്ങിയവരില്‍നിന്ന് ‘എമ്പുരാന്‍’ ട്രെയിലറിന് ലഭിച്ച പ്രശംസയും പിന്തുണയും തങ്ങള്‍ക്കിടയിലെ സാഹോദര്യത്തിന്റെ തെളിവാണെന്ന് മോഹന്‍ലാല്‍. മമ്മൂട്ടിയെ സഹോദരനായും കുടുംബാംഗമായുമാണ് ‘ഇത് മത്സരമല്ല, അഭിനന്ദനമാണ്. അമിതാഭ് ബച്ചന്‍ സാബിന് ഞാന്‍ ട്രെയിലര്‍ അയച്ചുനല്‍കി. ട്രെയിലര്‍ കണ്ട് രജനി സാര്‍ എന്നെ വിളിച്ചു. അദ്ദേഹവുമായി ഞാന്‍ സംസാരിച്ചു. ‘എന്റെ ദൈവമേ, എന്താണ് നിങ്ങള്‍ ചെയ്തിരിക്കുന്നത്’ എന്നാണ് അദ്ദേഹം പറഞ്ഞത്.

അവര്‍ ആത്മാര്‍ഥമായി ഞങ്ങളുടെ ട്രെയിലറിനെ അഭിനന്ദിച്ചു. അത് ഞങ്ങളെ സിനിമയെക്കാള്‍ മികച്ച മറ്റൊരു സിനിമ നിര്‍മിക്കാനുള്ള ആഗ്രഹത്തില്‍നിന്ന് വന്നതല്ല. ഞങ്ങള്‍ സിനിമയ്ക്ക് വേണ്ടി എന്തെല്ലാം ചെലവഴിച്ചു എന്നത് പ്രദര്‍ശിപ്പിക്കുന്നത് പ്രധാനപ്പെട്ട കാര്യമാണ്. ഒരു നിര്‍മാതാവ് എന്ന നിലയില്‍ രജനി സാറിന് അത് എളുപ്പത്തില്‍ മനസിലാകും. നിങ്ങളെല്ലാം സിനിമയ്ക്ക് വേണ്ടി ഒരുപാട് ചെലവഴിച്ചെന്നും അത് തനിക്ക് കാണാനാകുമെന്നും അദ്ദേഹം എന്നോട് പറഞ്ഞു. ട്രെയിലര്‍ കാണുക മാത്രമല്ല, അദ്ദേഹം അത് ട്വീറ്റ് ചെയ്യുകയുംചെയ്തു. ട്രെയിലര്‍ കണ്ടതിന് ശേഷമുള്ള അദ്ദേഹത്തിന്റെ അഭിനന്ദനം അദ്ദേഹത്തിന്റെ ഹൃദയത്തില്‍നിന്നുള്ളതായിരുന്നു’, മോഹന്‍ലാല്‍ പറഞ്ഞു.

പൃഥ്വിരാജിന്റെ സംവിധാനത്തില്‍ അഭിനയിച്ചതിന്റെ അനുഭവങ്ങളും അദ്ദേഹം അഭിമുഖത്തില്‍ പങ്കുവെച്ചു. ”അറിഞ്ഞോ അറിയാതെയോ നടനും സംവിധായകനും ഇടയില്‍ ഒരു കെമിസ്ട്രി രൂപപ്പെടുന്നുണ്ട്. തനിക്ക് എന്താണ് വേണ്ടതെന്നുള്ളതില്‍ പൃഥ്വിക്ക് കൃത്യമായ ധാരണയുണ്ട്. ഒരുഷോട്ട് കൂടി എടുക്കണമെന്ന് പൃഥ്വിരാജ് പറയുമ്പോള്‍ അത് എനിക്കും ആവേശം പകരുന്നു. അതിനുകാരണം, ഞാന്‍ അദ്ദേഹം വിചാരിച്ചതുപോലെ ചെയ്തില്ലെന്നും എനിക്ക് കൂടുതല്‍ നന്നായി ചെയ്യാന്‍ കഴിയും എന്നതുമാണ്. അദ്ദേഹത്തില്‍നിന്നോ, മറ്റേത് സംവിധായകരില്‍നിന്നോ ഇങ്ങനെ കേള്‍ക്കുന്നത് മനോഹരമായ കാര്യമാണ്. സെറ്റില്‍ മറ്റുള്ളവര്‍ക്ക് വേണ്ടിയുള്ള നിര്‍ദേശങ്ങള്‍ അദ്ദേഹം മൈക്കിലൂടെയാണ് പറയാറുള്ളത്. എന്നാല്‍, അദ്ദേഹത്തിന് എന്താണ് വേണ്ടതെന്നുള്ളത് എന്നോട് നേരിട്ടെത്തി പറയും. അതിനാല്‍ പൃഥ്വിരാജ് എനിക്ക് നല്‍കുന്ന ഇന്‍പുട്ടുകള്‍ സെറ്റിലെ മറ്റുള്ളവര്‍ക്ക് കേള്‍ക്കാനാകില്ല. നോ നോ ചേട്ടാ, ചേട്ടന്‍ ചെയ്തു, പക്ഷേ, എനിക്ക് മറ്റെന്തെങ്കിലും വേണം എന്നാണ് പറയാറുള്ളത്. ഞങ്ങള്‍ക്കിടയില്‍ മനോഹരമായ ഒരു ധാരണയുണ്ട്. പൃഥ്വിരാജിന് എന്നോട് എന്തും പറയാനുള്ള സ്വാതന്ത്ര്യമുണ്ട്. അദ്ദേഹം ഒരു കുസൃതിക്കാരനാണ്. പക്ഷേ, അദ്ദേഹത്തിന്റെ കുസൃതിത്തരങ്ങള്‍ എനിക്ക് പറയാനാകില്ല’, മോഹന്‍ലാല്‍ പറഞ്ഞു.

ഖാലിദ് റഹ്‌മാന്‍ സംവിധാനം ചെയ്യുന്ന പുതിയ ചിത്രം ആലപ്പുഴ ജിംഖാനയുടെ ട്രെയ്‍ലര്‍ പുറത്തെത്തി. വിഷു റിലീസ് ആയി ഏപ്രിലില്‍ തിയറ്ററുകളിലെത്തുന്ന ചിത്രമാണിത്. കോമഡിയും ആക്ഷനും ഇമോഷനുമെല്ലാം കലർന്ന ട്രെയ്‌ലർ സൂചിപ്പിക്കുന്നത് ആലപ്പുഴ ജിംഖാന ഒരു കംപ്ലീറ്റ് എന്റെർറ്റൈനെർ തന്നെയാകുമെന്നാണ്. ചിത്രത്തിൽ വ്യത്യസ്ത ഗെറ്റപ്പിലാണ് നസ്‌ലെൻ എത്തുന്നത്. ബോക്സിംഗ് പശ്ചാത്തലമാക്കി ഒരുങ്ങുന്ന കോമഡി എന്റർടെയ്നർ വിഭാഗത്തിൽ പെടുന്ന ചിത്രത്തെ ഏറെ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്. ബ്ലോക്ക് ബസ്റ്റർ ചിത്രം ‘തല്ലുമാല’യ്ക്ക് ശേഷം ഖാലിദ് റഹ്‌മാന്‍ സംവിധാനം ചെയ്യുന്ന ചിത്രം കൂടിയാണിത്.

മുൻപും സ്പോർട്സ് പ്രമേയമാക്കി നിരവധി സിനിമകള്‍ മലയാളത്തില്‍ പുറത്തിറങ്ങിയിട്ടുണ്ട്. അവയില്‍ മിക്കതും തിയേറ്ററുകളില്‍ നിന്നും മികച്ച വിജയം നേടിയിട്ടുമുണ്ട്. സ്പോർട്സ് സിനിമകള്‍ സാധാരണയായി താരങ്ങളേയൊ ടീമുകളെയോ ചുറ്റിപ്പറ്റിയാണ് ചിത്രീകരിക്കാറുള്ളത്. വെല്ലുവിളികളും പ്രതിബന്ധങ്ങളും നേരിട്ട് അവര്‍ ലക്ഷ്യം നേടിയെടുക്കുന്ന കഥയാണ് മിക്ക സ്പോർസ് സിനിമകളിലും പറയാറുള്ളത്.

https://youtu.be/lh1VIp-43aQ?si=06dfGLEf9qI1hHe1

ഒരു പഞ്ചാബി പെൺകുട്ടിയുടെ ഗുസ്‌തി ചാമ്പ്യനാകാനുള്ള സ്വപ്നത്തിന്‍റെ കഥ പറയുന്ന 2017ൽ ബേസിൽ ജോസഫ് സംവിധാനം ചെയ്‌ത ഗോദ, ഫുട്ബോൾ ടീമില്‍ ഒരുമിച്ച് കളിക്കുന്ന ഏഴ് യുവാക്കളുടെ കഥ പറയുന്ന 2011ൽ പുറത്തിറങ്ങിയ ജോഷി ചിത്രം സെവൻസ്, സ്പോർട്സ് കോളേജിന്റെ പശ്ചാത്തലത്തിൽ കഥ പറഞ്ഞ ദിലീപ് ചിത്രം സ്പീഡ് ട്രാക്ക്, 83ലെ ക്രിക്കറ്റ് ലോകകപ്പിലെ ഒരു ക്രിക്കറ്റ് ആരാധകന്‍റെ അനുഭവങ്ങളിലൂടെ കഥ പറയുന്ന നിവിൻ പോളി നായകനായ 1983, മഞ്ജു വാര്യർ ചിത്രം കരിങ്കുന്നം സിക്സസ് തുടങ്ങിയ ചിത്രങ്ങളൊക്കെ മുൻകാലങ്ങളിൽ സ്പോർട്സ് ഴൊണറിൽ പെട്ടവയായി പുറത്തിറങ്ങിയിരുന്നെങ്കിലും ഇപ്പോഴിതാ ഏറെ കാലത്തിനു ശേഷമാണ് മലയാളത്തിൽ ഇത്തരമൊരു ഴോണർ സിനിമ വീണ്ടും വരുന്നത്.

സ്പോർട്സ് കോമഡി ഴൊണർ ചിത്രത്തിന് വേണ്ടി നായകന്മാരായ നസ്‍ലെന്‍, ഗണപതി, ലുക്ക്മാൻ, സന്ദീപ് പ്രദീപ തുടങ്ങിയവർ നടത്തിയ മേക്കോവർ സോഷ്യൽ മീഡിയയിൽ മുൻപേ തന്നെ ശ്രദ്ധേയമായിരുന്നു. അത്തരത്തിലുള്ള സ്പോർട്സ് ഗെറ്റപ്പിലൂടെ എത്തിയ താരങ്ങളുടെ ഫസ്റ്റ് പോസ്റ്ററും ക്യാരക്ടർ പോസ്റ്ററുകളും സോഷ്യൽ മീഡിയയിൽ ട്രെൻഡായിരുന്നു. ചിത്രത്തിലെ ആദ്യ ഗാനവും യൂട്യൂബ് ട്രെൻഡിങ്ങിൽ ഇടം നേടിയിരുന്നു. ആലപ്പുഴ ജിംഖാന നിർമ്മിക്കുന്നത് പ്ലാൻ ബി മോഷൻ പിക്ചേർസിന്റെ ബാനറിലും റീലിസ്‌റ്റിക്‌ സ്റ്റുഡിയോയുടെ ബാനറിലും ഖാലിദ് റഹ്മാൻ, ജോബിൻ ജോർജ്, സമീർ കാരാട്ട്, സുബീഷ് കണ്ണഞ്ചേരി എന്നിവർ ചേർന്നാണ്.

പ്ലാൻ ബി മോഷൻ പിക്ചർസിന്റെ ആദ്യ നിർമ്മാണ സംരംഭമാണിത്. ഖാലിദ് റഹ്മാനും ശ്രീനി ശശീന്ദ്രനും ചേർന്ന് തിരക്കഥ രചിച്ച ചിത്രത്തിനായി സംഭാഷണങ്ങൾ തയ്യാറാക്കിയിരിക്കുന്നത് രതീഷ് രവിയാണ്. നസ്‍ലെന്‍, ഗണപതി, ലുക്ക്മാൻ, സന്ദീപ് പ്രദീപ്, അനഘ രവി എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിലെ മറ്റ് സുപ്രധാന വേഷങ്ങൾ ഫ്രാങ്കോ ഫ്രാൻസിസ്, ബേബി ജീൻ, ശിവ ഹരിഹരൻ, ഷോൺ ജോയ്, കാർത്തിക്, നന്ദ നിഷാന്ത്, നോയില ഫ്രാൻസി തുടങ്ങിയവരാണ് കൈകാര്യം ചെയ്യുന്നത്.

ഛായാഗ്രഹണം: ജിംഷി ഖാലിദ്, ചിത്രസംയോജനം: നിഷാദ് യൂസഫ്, സംഗീതം: വിഷ്ണു വിജയ്, ഓഡിയോഗ്രാഫി: വിഷ്ണു ഗോവിന്ദ്, ലിറിക്‌സ്: മുഹ്സിൻ പരാരി, വസ്ത്രാലങ്കാരം: മാഷർ ഹംസ, വി എഫ് എക്സ്: ഡിജി ബ്രിക്സ്, മേക്കപ്പ്: റോണക്സ് സേവിയർ, ആക്ഷൻ കോറിയോഗ്രാഫി: ജോഫിൽ ലാൽ, കലൈ കിംഗ്സൺ, ആർട്ട് ഡയറക്ടർ: ആഷിക് എസ്, അസോസിയേറ്റ് ഡയറക്ടർ: ലിതിൻ കെ ടി, ലൈൻ പ്രൊഡ്യൂസർ: വിഷാദ് കെ എൽ‍, പ്രൊഡക്ഷൻ കൺട്രോളർ: പ്രശാന്ത് നാരായണൻ, സ്റ്റിൽ ഫോട്ടോഗ്രഫി: രാജേഷ് നടരാജൻ, അർജുൻ കല്ലിങ്കൽ, പ്രൊമോഷണൽ ഡിസൈൻസ്: ചാർളി & ദ ബോയ്സ്, പിആർഒ & മാർക്കറ്റിംഗ് : വൈശാഖ് സി വടക്കേവീട് & ജിനു അനിൽകുമാർ, ഡിസ്ട്രിബൂഷൻ: സെൻട്രൽ പിക്ചർസ്, ട്രൂത്ത് ഗ്ലോബൽ ഫിലിംസ്.