സൂപ്പര്‍സ്റ്റാര്‍ രജനികാന്ത്, അമിതാഭ് ബച്ചന്‍ തുടങ്ങിയവരില്‍നിന്ന് ‘എമ്പുരാന്‍’ ട്രെയിലറിന് ലഭിച്ച പ്രശംസയും പിന്തുണയും തങ്ങള്‍ക്കിടയിലെ സാഹോദര്യത്തിന്റെ തെളിവാണെന്ന് മോഹന്‍ലാല്‍. മമ്മൂട്ടിയെ സഹോദരനായും കുടുംബാംഗമായുമാണ് ‘ഇത് മത്സരമല്ല, അഭിനന്ദനമാണ്. അമിതാഭ് ബച്ചന്‍ സാബിന് ഞാന്‍ ട്രെയിലര്‍ അയച്ചുനല്‍കി. ട്രെയിലര്‍ കണ്ട് രജനി സാര്‍ എന്നെ വിളിച്ചു. അദ്ദേഹവുമായി ഞാന്‍ സംസാരിച്ചു. ‘എന്റെ ദൈവമേ, എന്താണ് നിങ്ങള്‍ ചെയ്തിരിക്കുന്നത്’ എന്നാണ് അദ്ദേഹം പറഞ്ഞത്.

അവര്‍ ആത്മാര്‍ഥമായി ഞങ്ങളുടെ ട്രെയിലറിനെ അഭിനന്ദിച്ചു. അത് ഞങ്ങളെ സിനിമയെക്കാള്‍ മികച്ച മറ്റൊരു സിനിമ നിര്‍മിക്കാനുള്ള ആഗ്രഹത്തില്‍നിന്ന് വന്നതല്ല. ഞങ്ങള്‍ സിനിമയ്ക്ക് വേണ്ടി എന്തെല്ലാം ചെലവഴിച്ചു എന്നത് പ്രദര്‍ശിപ്പിക്കുന്നത് പ്രധാനപ്പെട്ട കാര്യമാണ്. ഒരു നിര്‍മാതാവ് എന്ന നിലയില്‍ രജനി സാറിന് അത് എളുപ്പത്തില്‍ മനസിലാകും. നിങ്ങളെല്ലാം സിനിമയ്ക്ക് വേണ്ടി ഒരുപാട് ചെലവഴിച്ചെന്നും അത് തനിക്ക് കാണാനാകുമെന്നും അദ്ദേഹം എന്നോട് പറഞ്ഞു. ട്രെയിലര്‍ കാണുക മാത്രമല്ല, അദ്ദേഹം അത് ട്വീറ്റ് ചെയ്യുകയുംചെയ്തു. ട്രെയിലര്‍ കണ്ടതിന് ശേഷമുള്ള അദ്ദേഹത്തിന്റെ അഭിനന്ദനം അദ്ദേഹത്തിന്റെ ഹൃദയത്തില്‍നിന്നുള്ളതായിരുന്നു’, മോഹന്‍ലാല്‍ പറഞ്ഞു.

പൃഥ്വിരാജിന്റെ സംവിധാനത്തില്‍ അഭിനയിച്ചതിന്റെ അനുഭവങ്ങളും അദ്ദേഹം അഭിമുഖത്തില്‍ പങ്കുവെച്ചു. ”അറിഞ്ഞോ അറിയാതെയോ നടനും സംവിധായകനും ഇടയില്‍ ഒരു കെമിസ്ട്രി രൂപപ്പെടുന്നുണ്ട്. തനിക്ക് എന്താണ് വേണ്ടതെന്നുള്ളതില്‍ പൃഥ്വിക്ക് കൃത്യമായ ധാരണയുണ്ട്. ഒരുഷോട്ട് കൂടി എടുക്കണമെന്ന് പൃഥ്വിരാജ് പറയുമ്പോള്‍ അത് എനിക്കും ആവേശം പകരുന്നു. അതിനുകാരണം, ഞാന്‍ അദ്ദേഹം വിചാരിച്ചതുപോലെ ചെയ്തില്ലെന്നും എനിക്ക് കൂടുതല്‍ നന്നായി ചെയ്യാന്‍ കഴിയും എന്നതുമാണ്. അദ്ദേഹത്തില്‍നിന്നോ, മറ്റേത് സംവിധായകരില്‍നിന്നോ ഇങ്ങനെ കേള്‍ക്കുന്നത് മനോഹരമായ കാര്യമാണ്. സെറ്റില്‍ മറ്റുള്ളവര്‍ക്ക് വേണ്ടിയുള്ള നിര്‍ദേശങ്ങള്‍ അദ്ദേഹം മൈക്കിലൂടെയാണ് പറയാറുള്ളത്. എന്നാല്‍, അദ്ദേഹത്തിന് എന്താണ് വേണ്ടതെന്നുള്ളത് എന്നോട് നേരിട്ടെത്തി പറയും. അതിനാല്‍ പൃഥ്വിരാജ് എനിക്ക് നല്‍കുന്ന ഇന്‍പുട്ടുകള്‍ സെറ്റിലെ മറ്റുള്ളവര്‍ക്ക് കേള്‍ക്കാനാകില്ല. നോ നോ ചേട്ടാ, ചേട്ടന്‍ ചെയ്തു, പക്ഷേ, എനിക്ക് മറ്റെന്തെങ്കിലും വേണം എന്നാണ് പറയാറുള്ളത്. ഞങ്ങള്‍ക്കിടയില്‍ മനോഹരമായ ഒരു ധാരണയുണ്ട്. പൃഥ്വിരാജിന് എന്നോട് എന്തും പറയാനുള്ള സ്വാതന്ത്ര്യമുണ്ട്. അദ്ദേഹം ഒരു കുസൃതിക്കാരനാണ്. പക്ഷേ, അദ്ദേഹത്തിന്റെ കുസൃതിത്തരങ്ങള്‍ എനിക്ക് പറയാനാകില്ല’, മോഹന്‍ലാല്‍ പറഞ്ഞു.

ഖാലിദ് റഹ്‌മാന്‍ സംവിധാനം ചെയ്യുന്ന പുതിയ ചിത്രം ആലപ്പുഴ ജിംഖാനയുടെ ട്രെയ്‍ലര്‍ പുറത്തെത്തി. വിഷു റിലീസ് ആയി ഏപ്രിലില്‍ തിയറ്ററുകളിലെത്തുന്ന ചിത്രമാണിത്. കോമഡിയും ആക്ഷനും ഇമോഷനുമെല്ലാം കലർന്ന ട്രെയ്‌ലർ സൂചിപ്പിക്കുന്നത് ആലപ്പുഴ ജിംഖാന ഒരു കംപ്ലീറ്റ് എന്റെർറ്റൈനെർ തന്നെയാകുമെന്നാണ്. ചിത്രത്തിൽ വ്യത്യസ്ത ഗെറ്റപ്പിലാണ് നസ്‌ലെൻ എത്തുന്നത്. ബോക്സിംഗ് പശ്ചാത്തലമാക്കി ഒരുങ്ങുന്ന കോമഡി എന്റർടെയ്നർ വിഭാഗത്തിൽ പെടുന്ന ചിത്രത്തെ ഏറെ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്. ബ്ലോക്ക് ബസ്റ്റർ ചിത്രം ‘തല്ലുമാല’യ്ക്ക് ശേഷം ഖാലിദ് റഹ്‌മാന്‍ സംവിധാനം ചെയ്യുന്ന ചിത്രം കൂടിയാണിത്.

മുൻപും സ്പോർട്സ് പ്രമേയമാക്കി നിരവധി സിനിമകള്‍ മലയാളത്തില്‍ പുറത്തിറങ്ങിയിട്ടുണ്ട്. അവയില്‍ മിക്കതും തിയേറ്ററുകളില്‍ നിന്നും മികച്ച വിജയം നേടിയിട്ടുമുണ്ട്. സ്പോർട്സ് സിനിമകള്‍ സാധാരണയായി താരങ്ങളേയൊ ടീമുകളെയോ ചുറ്റിപ്പറ്റിയാണ് ചിത്രീകരിക്കാറുള്ളത്. വെല്ലുവിളികളും പ്രതിബന്ധങ്ങളും നേരിട്ട് അവര്‍ ലക്ഷ്യം നേടിയെടുക്കുന്ന കഥയാണ് മിക്ക സ്പോർസ് സിനിമകളിലും പറയാറുള്ളത്.

https://youtu.be/lh1VIp-43aQ?si=06dfGLEf9qI1hHe1

ഒരു പഞ്ചാബി പെൺകുട്ടിയുടെ ഗുസ്‌തി ചാമ്പ്യനാകാനുള്ള സ്വപ്നത്തിന്‍റെ കഥ പറയുന്ന 2017ൽ ബേസിൽ ജോസഫ് സംവിധാനം ചെയ്‌ത ഗോദ, ഫുട്ബോൾ ടീമില്‍ ഒരുമിച്ച് കളിക്കുന്ന ഏഴ് യുവാക്കളുടെ കഥ പറയുന്ന 2011ൽ പുറത്തിറങ്ങിയ ജോഷി ചിത്രം സെവൻസ്, സ്പോർട്സ് കോളേജിന്റെ പശ്ചാത്തലത്തിൽ കഥ പറഞ്ഞ ദിലീപ് ചിത്രം സ്പീഡ് ട്രാക്ക്, 83ലെ ക്രിക്കറ്റ് ലോകകപ്പിലെ ഒരു ക്രിക്കറ്റ് ആരാധകന്‍റെ അനുഭവങ്ങളിലൂടെ കഥ പറയുന്ന നിവിൻ പോളി നായകനായ 1983, മഞ്ജു വാര്യർ ചിത്രം കരിങ്കുന്നം സിക്സസ് തുടങ്ങിയ ചിത്രങ്ങളൊക്കെ മുൻകാലങ്ങളിൽ സ്പോർട്സ് ഴൊണറിൽ പെട്ടവയായി പുറത്തിറങ്ങിയിരുന്നെങ്കിലും ഇപ്പോഴിതാ ഏറെ കാലത്തിനു ശേഷമാണ് മലയാളത്തിൽ ഇത്തരമൊരു ഴോണർ സിനിമ വീണ്ടും വരുന്നത്.

സ്പോർട്സ് കോമഡി ഴൊണർ ചിത്രത്തിന് വേണ്ടി നായകന്മാരായ നസ്‍ലെന്‍, ഗണപതി, ലുക്ക്മാൻ, സന്ദീപ് പ്രദീപ തുടങ്ങിയവർ നടത്തിയ മേക്കോവർ സോഷ്യൽ മീഡിയയിൽ മുൻപേ തന്നെ ശ്രദ്ധേയമായിരുന്നു. അത്തരത്തിലുള്ള സ്പോർട്സ് ഗെറ്റപ്പിലൂടെ എത്തിയ താരങ്ങളുടെ ഫസ്റ്റ് പോസ്റ്ററും ക്യാരക്ടർ പോസ്റ്ററുകളും സോഷ്യൽ മീഡിയയിൽ ട്രെൻഡായിരുന്നു. ചിത്രത്തിലെ ആദ്യ ഗാനവും യൂട്യൂബ് ട്രെൻഡിങ്ങിൽ ഇടം നേടിയിരുന്നു. ആലപ്പുഴ ജിംഖാന നിർമ്മിക്കുന്നത് പ്ലാൻ ബി മോഷൻ പിക്ചേർസിന്റെ ബാനറിലും റീലിസ്‌റ്റിക്‌ സ്റ്റുഡിയോയുടെ ബാനറിലും ഖാലിദ് റഹ്മാൻ, ജോബിൻ ജോർജ്, സമീർ കാരാട്ട്, സുബീഷ് കണ്ണഞ്ചേരി എന്നിവർ ചേർന്നാണ്.

പ്ലാൻ ബി മോഷൻ പിക്ചർസിന്റെ ആദ്യ നിർമ്മാണ സംരംഭമാണിത്. ഖാലിദ് റഹ്മാനും ശ്രീനി ശശീന്ദ്രനും ചേർന്ന് തിരക്കഥ രചിച്ച ചിത്രത്തിനായി സംഭാഷണങ്ങൾ തയ്യാറാക്കിയിരിക്കുന്നത് രതീഷ് രവിയാണ്. നസ്‍ലെന്‍, ഗണപതി, ലുക്ക്മാൻ, സന്ദീപ് പ്രദീപ്, അനഘ രവി എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിലെ മറ്റ് സുപ്രധാന വേഷങ്ങൾ ഫ്രാങ്കോ ഫ്രാൻസിസ്, ബേബി ജീൻ, ശിവ ഹരിഹരൻ, ഷോൺ ജോയ്, കാർത്തിക്, നന്ദ നിഷാന്ത്, നോയില ഫ്രാൻസി തുടങ്ങിയവരാണ് കൈകാര്യം ചെയ്യുന്നത്.

ഛായാഗ്രഹണം: ജിംഷി ഖാലിദ്, ചിത്രസംയോജനം: നിഷാദ് യൂസഫ്, സംഗീതം: വിഷ്ണു വിജയ്, ഓഡിയോഗ്രാഫി: വിഷ്ണു ഗോവിന്ദ്, ലിറിക്‌സ്: മുഹ്സിൻ പരാരി, വസ്ത്രാലങ്കാരം: മാഷർ ഹംസ, വി എഫ് എക്സ്: ഡിജി ബ്രിക്സ്, മേക്കപ്പ്: റോണക്സ് സേവിയർ, ആക്ഷൻ കോറിയോഗ്രാഫി: ജോഫിൽ ലാൽ, കലൈ കിംഗ്സൺ, ആർട്ട് ഡയറക്ടർ: ആഷിക് എസ്, അസോസിയേറ്റ് ഡയറക്ടർ: ലിതിൻ കെ ടി, ലൈൻ പ്രൊഡ്യൂസർ: വിഷാദ് കെ എൽ‍, പ്രൊഡക്ഷൻ കൺട്രോളർ: പ്രശാന്ത് നാരായണൻ, സ്റ്റിൽ ഫോട്ടോഗ്രഫി: രാജേഷ് നടരാജൻ, അർജുൻ കല്ലിങ്കൽ, പ്രൊമോഷണൽ ഡിസൈൻസ്: ചാർളി & ദ ബോയ്സ്, പിആർഒ & മാർക്കറ്റിംഗ് : വൈശാഖ് സി വടക്കേവീട് & ജിനു അനിൽകുമാർ, ഡിസ്ട്രിബൂഷൻ: സെൻട്രൽ പിക്ചർസ്, ട്രൂത്ത് ഗ്ലോബൽ ഫിലിംസ്.

ഈ അധ്യയന വർഷത്തെ എസ്എസ്എൽസി പരീക്ഷകൾ ഇന്ന് സമാപിക്കും. ജീവശാസ്ത്രമാണ് അവസാന പരീക്ഷ. 2,964 കേന്ദ്രങ്ങളിലായി 4,25,861 വിദ്യാർഥികളാണ് ഈ വർഷം എസ്എസ്എൽസി പരീക്ഷ എഴുതിയത്. ഗൾഫിലെ 7 കേന്ദ്രങ്ങളിലായി 682 പേരും ലക്ഷദ്വീപിൽ 9 കേന്ദ്രങ്ങളിലായി 447 പേരും പരീക്ഷ എഴുതി.

അവസാനദിനം സ്കൂളുകളിൽ ആഹ്ളാദപ്രകടനം പാടില്ലെന്ന് പൊതു വിദ്യാഭ്യാസ വകുപ്പ് നിർദേശം നൽകിയിട്ടുണ്ട്. മുന്നറിയിപ്പ് ലംഘിച്ച് പരിപാടികൾ നടത്തിയാൽ പൊലീസിൻ്റെ സഹായം തേടാനും പ്രധാനാധ്യാപകർക്ക് വിദ്യാഭ്യാസ വകുപ്പ് നിർദേശം നൽകി. പ്ലസ് ടു പൊതുപരീക്ഷകളും ഇന്ന് സമാപിക്കും. പ്ലസ് ടു ഇപ്രൂവ്‌മെൻ്റ് പരീക്ഷകളും, പ്ലസ് വൺ പരീക്ഷകളും മാർച്ച് 29നാണ് സമാപിക്കുക. ഒന്നുമുതൽ ഒൻപത് വരെയുള്ള ക്ലാസ്സുകളുടെ പരീക്ഷ മാർച്ച് 27നും, വി.എച്ച്.എസ്.ഇ വിഭാഗം പരീക്ഷ മാർച്ച് 29 നും പൂർത്തിയാവും.

വ‍‍ര്‍ണ്ണ വിവേചനം നേരിട്ടെന്ന വെളിപ്പെടുത്തലില്‍ ചീഫ് സെക്രട്ടറി ശാരദ മുരളീധരന് സമൂഹമാധ്യമങ്ങളില്‍ വ്യാപക പിന്തുണ. നിറത്തിന്റ പേരിലെ വിമർശനം നേരിട്ടെന്ന് ഇന്നലെയാണ് ശാരദ മുരളീധരന്‍ ഫേസ്ബുക്കില്‍ കുറിച്ചത്. തന്റേയും ഭര്‍ത്താവും മുന്‍ ചീഫ് സെക്രട്ടറിയുമായ വേണുവിന്റേയും നിറവ്യത്യാസത്തെ കുറിച്ച് ഒരാള്‍ നടത്തിയ മോശം പരാമര്‍ശത്തെ കുറിച്ചായിരുന്നു കുറിപ്പ്. വിഷയത്തില്‍ വ്യാപക പിന്തുണയാണ് സമൂഹമാധ്യമങ്ങളില്‍ ശാരദ മുരളീധരന് ലഭിക്കുന്നത്.

വ‍‍ര്‍ണ്ണ വിവേചനം നേരിട്ടതുമായി ബന്ധപ്പെട്ട് ശാരദ മുരളീധരന്‍ ആദ്യമൊരു കുറിപ്പ് പങ്കുവെച്ചെങ്കിലും വിവാദം ആകേണ്ട എന്ന് കരുത് മണിക്കൂറുകള്‍ക്കുള്ളില്‍ അത് നീക്കം ചെയ്തു. പിന്നാലെ രാത്രിയില്‍ ഇതുമായി ബന്ധപ്പെട്ട് ഒരു വിശദമായ കുറിപ്പ് പോസ്റ്റ് ചെയ്യുകയായിരുന്നു. തന്റെ നിറം കറുപ്പാണെന്നും ഭര്‍ത്താവിന്റെ നിറം വെളുപ്പാണെന്നുമുള്ള തരത്തില്‍ ഒരു കമന്റ് കേട്ടു എന്നായിരുന്നു ആദ്യം പങ്കുവെച്ച പോസ്റ്റില്‍ പറഞ്ഞിരുന്നത്. എന്നാല്‍ ഇതിന് താഴെ വന്ന കമന്റുകളില്‍ അസ്വസ്ഥയായി അത് ഡിലീറ്റ് ചെയ്യുകയായിരുന്നു. പിന്നീട്, ഇത് ചര്‍ച്ച ചെയ്യേണ്ട കാര്യമാണെന്ന് ചില അഭ്യുദയകാംക്ഷികള്‍ പറഞ്ഞതോടെയാണ് വീണ്ടും പോസ്റ്റ് ചെയ്യുന്നതെന്നും ശാരദ മുരളീധരന്‍ ഫേസ്ബുക്കില്‍ കുറിച്ചു. കറുപ്പ് എന്ന നിറത്തെ ഇത്രത്തോളം മോശമായി കാണുന്നത് എന്തിനാണെന്നും കറുപ്പ് അത്രയും മനോഹരമായ നിറമാണെന്നും ചീഫ് സെക്രട്ടറി കുറിപ്പില്‍ പറയുന്നു. എന്തിനാണ് കറുപ്പിനെ നിന്ദിക്കുന്നതെന്നും പ്രപഞ്ചത്തിലെ സര്‍വവ്യാപിയായ സത്യമാണ് അതെന്നും ശാരദ മുരളീധരന്‍ ഫേസ്ബുക്കില്‍ കുറിക്കുന്നു.

മലയാളികൾ ഒന്നടങ്കം കാത്തിരിക്കുന്ന എമ്പുരാൻ നാളെ തിയറ്ററുകളിൽ എത്തും. പൃഥ്വിരാജിന്റെ സംവിധാനത്തിൽ മോഹൻലാൽ നായകനായി എത്തുന്ന ചിത്രത്തിന്റെ ആദ്യ ഷോ രാവിലെ ആറ് മണിക്ക് നടക്കും. അവാസ ഒരുക്കമെന്ന നിലയിൽ പ്രമോഷൻ തകൃതിയാക്കുന്നുമുണ്ട് ടീം എമ്പുരാൻ. ഈ അവസരത്തിൽ ​ഇന്ദ്രജിത്ത് അവതരിപ്പിക്കുന്ന ​ഗോവർദ്ധൻ എന്ന കഥാപാത്രത്തിന് ലൂസിഫർ എഴുതിയ കത്ത് പുറത്തുവിട്ടിരിക്കുകയാണ് അണിയറ പ്രവർത്തകർ.

“പ്രിയപ്പെട്ട ഗോവര്‍ദ്ധന്‍, താങ്കൾ എന്നെ കുറിച്ച് മനസിലാക്കിയതെക്കെ നേരാണ്.. കേരളം ഭയക്കാനിരുന്ന..എന്നാല്‍ ഭയക്കേണ്ട ഏറ്റവും വലിയ വിഷ സർപ്പം, ‘രാജവെമ്പാല’ ഞാന്‍ തന്നെയാണ്. നിങ്ങള്‍ കണ്ടെത്തിയ മറ്റെല്ലാ സത്യങ്ങളും സത്യം തന്നെയാണ്. നിങ്ങള്‍ തെഞ്ഞെടുത്ത വഴികളിലൂടെ തുടര്‍ന്ന് കൊണ്ടേയിരിക്കുക. സത്യാന്വേഷികളെ ഈ നാടിന് ആവശ്യമാണ്. ഈ കത്ത് നിങ്ങള്‍ വായിക്കമ്പോള്‍ നിങ്ങളറിയാതെ നിങ്ങളെ കാത്തിരിക്കുന്ന മറ്റൊര സമ്മാനമുണ്ട്.. ആശ്രയത്തിലേക്ക് ചെല്ലുക. സ്നേഹം നിങ്ങള്‍ എന്നും വെറക്കേണ്ട നിങ്ങള്‍ മാത്രം കണ്ടെത്തിയ, നിങ്ങളുടെ സ്വന്തം.. L”, എന്നാണ് കത്തിൽ കുറിച്ചിരിക്കുന്നത്.

“അന്തിമമായി ഒരു നാമം ഉണ്ടായിരുന്നു. ആ നാമം ലൂസിഫറിന്റെ പക്കലായിരുന്നു. ആ നാമവും ലൂസിഫർ തന്നെയായിരുന്നു.”, എന്നാണ് കത്തിനൊപ്പം കുറിച്ചിരിക്കുന്ന ക്യാപ്ഷൻ. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ റിലീസ് ചെയ്യുന്ന ചിത്രത്തിന് തിരക്കഥ ഒരുക്കിയിരിക്കുന്നത് മുരളി ​ഗോപിയാണ്. ദീപക് ദേവ് സംഗീത സംവിധാനം നിർവഹിച്ച ചിത്രത്തിന് കാമറ ചലിപ്പിച്ചത് സുജിത് വാസുദേവും, എഡിറ്റിംഗ് നിർവഹിച്ചത് അഖിലേഷ് മോഹനുമാണ്. മോഹൻദാസ് കലാസംവിധാനം നിർവഹിച്ച ചിത്രത്തിന് ആക്ഷൻ ഒരുക്കിയത് സ്റ്റണ്ട് സിൽവയാണ്. നിർമ്മൽ സഹദേവ് ആണ് ചിത്രത്തിന്റെ ക്രീയേറ്റീവ് ഡയറക്ടർ

നടത്തം ഹൃദയാരോഗ്യത്തിന് നല്ലതാണെന്ന് നമുക്കെല്ലാവർക്കും അറിയാം. നല്ല ആരോഗ്യത്തിനും രോഗങ്ങളെ അകറ്റാനും മിക്ക ആളുകളും നടത്തം ഒരു വ്യായാമമായി ചെയ്യാറുമുണ്ട്. ദിവസവും 11 മിനിറ്റ് വേഗത്തിൽ നടക്കുന്നതോ, അല്ലെങ്കിൽ മിതമായുള്ള ശാരീരിക പ്രവർത്തനങ്ങളോ സ്ട്രോക്ക്, കാൻസർ, ഹൃദ്രോഗ സാധ്യതകൾ കുറയ്ക്കും എന്നാണ് ‘ബ്രിട്ടീഷ് ജേണൽ ഓഫ് സ്‌പോർട്‌സ് മെഡിസിൻ’ നടത്തിയ ഒരു പഠനത്തിൽ കണ്ടെത്തിയിരിക്കുന്നത്. നടക്കുന്നത് ആയുസ് വർധിപ്പിക്കുമെന്നും രോഗങ്ങളെ അകറ്റാൻ സഹായിക്കുകയും ചെയ്യുന്നു എന്നാണ് പഠന റിപ്പോർട്ട് പറയുന്നത്.

ദിവസവും കുറഞ്ഞത് 11 മിനിറ്റെങ്കിലും നടന്നാല്‍ അകാല മരണസാധ്യത 25 ശതമാനം വരെ കുറയുന്നതായും പഠനത്തിൽ പറയുന്നു.30 മില്യണിലധികം ആളുകളുടെ ഹെല്‍ത്ത് ഡാറ്റയെ അടിസ്ഥാനമാക്കിയാണ് പഠന റിപ്പോർട്ട് പ്രസിദ്ധീകരിച്ചിരിക്കുന്നത്. 10ല്‍ ഒന്ന് എന്ന നിരക്കിലുള്ള അകാല മരണം, ദിവസേനയുള്ള മിതമായ ശാരീരിക പ്രവർത്തനങ്ങളിലൂടെ തന്നെ ഒഴിവാക്കുന്നതാണ് എന്ന് പഠനത്തിന്റെ സ്റ്റാറ്റിസ്റ്റിക്കല്‍ അനലൈസിസ് പറയുന്നു.

ആഴ്ചയില്‍ 150 മിനിറ്റ് മിനിറ്റെങ്കിലും വ്യായാമം ചെയ്താലേ ഗുണമുണ്ടാകു എന്നതായിരുന്നു അമേരിക്ക, കാനഡ , യൂറോപ്പ് എന്നിവിടങ്ങളിലെ ഹെല്‍ത്ത് ഏജന്‍സികളുടെ നിർദേശം. അതേസമയം, ആഴ്ചയിൽ അഞ്ച് ദിവസം അര മണിക്കൂർ വീതം ആയാസത്തോടെയുള്ള നടത്തം എങ്കിലും ഉണ്ടെങ്കിലേ ഗുണം ലഭിക്കുകയുള്ളു എന്നാണ് ഹെൽത്ത് ഏജൻസികൾ വർഷങ്ങളായി പറഞ്ഞിരുന്നത്. ഈ നിർദേശം മിക്ക ആളുകളും പിന്തുടരാറില്ല. ഇതിനെത്തുടർന്നാണ് കുറവ് സമയം വ്യായാമം ചെയ്താൽ ഗുണം ലഭിക്കുമോ എന്നതിനെ അടിസ്ഥാനമാക്കി പഠനം ആരംഭിച്ചത്

ദിവസവും 11 മിനിറ്റ് നടന്നാൽ ആഴ്ചയില്‍ ആകെ 75 മിനിറ്റോളം നടത്തമാണ് ഇവർക്ക് വ്യായാമമായി ലഭിക്കുക. ഇത്തരത്തിൽ നടക്കുന്നവർക്ക് വ്യായാമം ചെയ്യാത്തവരേക്കാള്‍ 23 ശതമാനം കൂടുതല്‍ ആയുസുണ്ടാകും എന്നാണ് പഠനം പറയുന്നത്. ആഴ്ചയില്‍ 150 മിനിറ്റ് വ്യായാമം ചെയ്യുകയാണെങ്കിൽ 31 ശതമാനം അധികം ആയുസ് ലഭിക്കുമെന്നും പഠനം പറയുന്നു. ദിവസവുമുള്ള 11 മിനിറ്റ് നടത്തം അകാല മരണ സാധ്യത മാത്രമല്ല, മറ്റ് രോഗ സാധ്യതകളും കുറയ്ക്കും. ഇവരിൽ ഹൃദയ രോഗങ്ങള്‍ക്കുള്ള സാധ്യത 17 ശതമാനം കുറയ്ക്കുന്നതായും ക്യാന്‍സര്‍ സാധ്യത 7 ശതമാനം വരെ കുറയ്ക്കുന്നതായും പഠനം പറയുന്നു. ദിവസവുമുള്ള 11 മിനിറ്റ് വ്യായാമം മെലോയ്ഡ് ലുക്കീമിയ, മൈലോമ, വയറ്റിലെ കാൻസറുകൾ തുടങ്ങിയ ചില പ്രത്യേക കാൻസറുകള്‍ വരാനുള്ള സാധ്യത 26 ശതമാനം വരെ കുറയ്ക്കും എന്ന് പഠനത്തില്‍ പറയുന്നു.

വേഗത്തിലുള്ള നടത്തം, ഡാൻസ് കളിക്കുന്നത് , സൈക്കിൾ ഓടിക്കുന്നത്, ടെന്നീസ് അല്ലെങ്കിൽ കാൽനടയാത്ര എന്നിവയെല്ലാം അകാല മരണം, ഹൃദയ സംബന്ധമായ അസുഖങ്ങളിൽ നിന്നും മൈലോയ്ഡ് ലുക്കീമിയ ഉൾപ്പെടെയുള്ള ചില കാൻസറുകളുടെ അപകടസാധ്യതകളെ ഗണ്യമായി കുറയ്ക്കുമെന്ന് കേംബ്രിഡ്ജ് സർവകലാശാലയിലെ വിദഗ്ധർ കണ്ടെത്തി. വേഗത്തിലുള്ള നടത്തം ശരീരത്തിലുടനീളം രക്തയോട്ടം മെച്ചപ്പെടുത്താനും ഹൃദയപേശികളെ ശക്തിപ്പെടുത്താനും വീക്കം കുറയ്ക്കാനും സഹായിക്കും.

ഹൃദയ സംബന്ധമായ അസുഖങ്ങൾ, ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ, ടൈപ്പ് 2 പ്രമേഹം എന്നിവ ഉണ്ടാകാനുള്ള സാധ്യത കുറയ്ക്കാൻ ദിവസേനയുള്ള നടത്തം വളരെയധികം സഹായിക്കും. വേഗത്തിലുള്ള നടത്തം ആരോഗ്യകരമായ ഭാരം നിലനിർത്തുന്നത്തിനും ശരീരഭാരം കുറയ്ക്കുന്നത്തിനും ഫലപ്രദമായ ഒരു മാർഗമാണ്. വ്യായാമം പോലെ തന്നെ ആരോഗ്യകരമായ ഭക്ഷണം കഴിക്കേണ്ടതും വളരെ പ്രധാനമാണ്. അമിതമായ അളവിൽ ഭക്ഷണം കഴിക്കുന്ന ആളുകൾക്ക് നടത്തം ഏറ്റവും ഗുണം ചെയുന്ന ഒരു വ്യായാമം കൂടിയാണ്.

ശബരിമലയിലെ വഴിപാട് രസീത് സംബന്ധിച്ച മോഹൻലാലിന്റെ പ്രസ്താവന തെറ്റിദ്ധാരണ മൂലമെന്ന് തിരുവിതാംകൂർ ദേവസ്വം ബോർഡ്. രസീത് വിവരങ്ങൾ പരസ്യപ്പെടുത്തിയത് ദേവസ്വം ഉദ്യോഗസ്ഥരല്ല. ശബരിമല ക്ഷേത്രത്തിൽ പ്രശസ്ത നടൻ മമ്മൂട്ടിയുടെ പേരിൽ താൻ നടത്തിയ വഴിപാട് വിവരങ്ങൾ ദേവസ്വം ഉദ്യോഗസ്ഥർ പരസ്യപ്പെടുത്തിയതായി കഴിഞ്ഞദിവസം നടൻ മോഹൻലാൽ ഒരു അഭിമുഖത്തിൽ പരാമർശിച്ചിരുന്നതായി ദേവസ്വം ബോർഡ് പറയുന്നു.

ഇത് അദ്ദേഹത്തിന്റെ തെറ്റിദ്ധാരണ മൂലം ഉണ്ടായ പ്രസ്താവനയാണ്. മോഹൻലാൽ ശബരിമല ദർശനം നടത്തിയ വേളയിൽ നടൻ മമ്മൂട്ടിയ്‌ക്കായി നടത്തിയ വഴിപാട് രസീതിന്റെ ഭക്തന് നൽകുന്ന ഭാഗമാണ് മാദ്ധ്യമങ്ങൾ വഴി പ്രചരിച്ചത്. ഒരു വഴിപാട് ഒടുക്കുമ്പോൾ കൗണ്ടർ ഫോയിൽ മാത്രമാണ് ദേവസ്വം സൂക്ഷിക്കുക.രസീതിന്റെ ബാക്കി ഭാഗം വഴിപാട് നടത്തുന്ന ആൾക്ക് കൈമാറും. ഇതേ രീതിയിൽ അദ്ദേഹം വഴിപാട് നടത്തിയപ്പോഴും അദ്ദേഹം ചുമതലപ്പെടുത്തി ദേവസ്വം കൗണ്ടറിൽ എത്തി പണം ഒടുക്കിയ ആൾക്ക് രസീതിന്റെ ഭാഗം കൈമാറിയിട്ടുണ്ട്. ഇക്കാര്യത്തിൽ ദേവസ്വം ഉദ്യോഗസ്ഥരുടെ ഭാഗത്ത് യാതൊരു വീഴ്ചയും ഇല്ല. ഈ വസ്തുതകൾ ബോദ്ധ്യപ്പെട്ട് നടൻ മോഹൻലാൽ പ്രസ്താവന തിരുത്തുമെന്ന് തിരുവിതാംകൂർ ദേവസ്വം ബോർഡ് പ്രത്യാശിക്കുന്നു.

27ന് റിലീസ് ചെയ്യുന്ന സിനിമ പ്രേമികൾ ഏറെ കാത്തിരുന്ന ചിത്രം എമ്പുരാന്റെ പ്രമോഷനുമായി ബന്ധപ്പെട്ട് മോഹൻലാലും പൃഥ്വിരാജും തമിഴ് യൂട്യൂബർ ഇർഫാനുമായി നടത്തിയ അഭിമുഖത്തിന്റെ രസകരമായ ഭാഗങ്ങളാണിപ്പോൾ സോഷ്യൽ മീഡിയയിൽ ട്രെൻഡിങ് ആകുന്നത്. അവതാരകന്റെ കുസൃതി നിറഞ്ഞ ചോദ്യങ്ങൾക്ക് അതേ നാണയത്തിൽ ഉത്തരം പറയുന്ന ലാലേട്ടന്റെ വീഡിയോ ആണ് ഇപ്പോൾ വ്യാപകമായി വൈറലാകുന്നത്.

എമ്പുരാനിൽ ഷാരൂഖ് ഖാൻ അഭിനയിച്ചിട്ടുണ്ടോ എന്ന ചോദ്യത്തിന് ഏവരെയും ചിരിപ്പിക്കുന്ന കിടിലം മറുപടിയാണ് മോഹൻലാൽ നൽകിയത്. “പാവം അദ്ദേ​ഹം ഒരു സീനിൽ അഭിനയിച്ചിട്ടുണ്ട്. പക്ഷേ, അത് കട്ട് ചെയ്തുകളഞ്ഞു. ഡിലീറ്റഡ് സീനുകളിൽ അത് പുറത്തുവിടുന്നതായിരിക്കും” – എന്നായിരുന്നു മറുപടി. ഇത് കേട്ടതും അവതാരകനും പൃഥ്വിരാജും ഒരുപോലെ പൊട്ടിച്ചിരി ക്കുന്നത് വിഡിയോയിൽ കാണാം.

തമിഴ് നടിമാരെയാണോ നടന്മാരെയാണോ ഇഷ്ടം എന്ന ചോദ്യത്തിന് ‘നടിമാരെയാണ് ഇഷ്ടം’ എന്നായിരുന്നു ലാലേട്ടന്റെ മറുപടി. ഇതോടെ ‘തലൈവർ വെറെ മാതിരി’യെന്ന് പെട്ടിച്ചിരിച്ചുകൊണ്ട് അവതാരകൻ പറഞ്ഞു

അതേസമയം “എല്ലാവരും നന്നായി അഭിനയിക്കുന്നവരാണ്. കലാകാരന്മാരാണ്, അതിൽ സ്ത്രീ, പുരുഷ വ്യത്യാസങ്ങളില്ല. എല്ലാവരും തന്റെ അടുത്ത സുഹൃത്തുക്കളാണ്. ഒരാളെ മാത്രം അതിൽ നിന്ന് തെരഞ്ഞെടുക്കാനാകില്ലെന്നും” മോഹൻലാൽ വ്യക്തമാക്കി.

തിരുവനന്തപുരം വിമാനത്താവളത്തിലെ ഐബി ഉദ്യോഗസ്ഥ മേഘയുടെ മരണത്തിൽ അന്വേഷണം ആവശ്യപ്പെട്ട് പിതാവ് മധുസൂധനൻ. മകളുടെ മരണത്തിൽ ദുരൂഹത സംശയിക്കുന്നുവെന്ന് പിതാവ് പറഞ്ഞു. ഐബിയിലെ ഒരു ഉദ്യോഗസ്ഥനുമായി മേഘക്ക് സൗഹൃദം ഉണ്ടായിരുന്നു. ട്രെയിനിങ് സമയത്തെ അടുപ്പമായിരുന്നു. ഇത് സംബന്ധിച്ച് വീട്ടിൽ പറഞ്ഞിട്ടുണ്ടെന്നും മധുസൂധനൻ പറഞ്ഞു

ജോലി കഴിഞ്ഞ് തിരികെ താമസസ്ഥലത്തേക്ക് പോകുന്ന വഴി റെയിൽവേ പാത ഇല്ല. റെയിൽവേ പാത ഉള്ള സ്ഥലത്തേക്ക് എന്തിനു പോയി എന്ന് സംശയിക്കുകയാണ്. ഇക്കാര്യങ്ങൾ സംബന്ധിച്ച് വിശദമായ അന്വേഷണം വേണം. മേഘ അവസാനമായി ആരോട് സംസാരിച്ചിരുന്നു എന്നത് അന്വേഷിക്കണമെന്നും പിതാവ് ആവശ്യപ്പെട്ടു. ജോലി കിട്ടിയിട്ട് 13 മാസമേ ആയൊള്ളൂവെന്നും പിതാവ് പറഞ്ഞു. തിരുവനന്തപുരം വിമാനത്താവളത്തിലെ എമിഗ്രേഷൻ വിഭാഗത്തിൽ ജോലി ചെയ്തിരുന്ന മേഘയെ ഇന്നലെ രാവിലെയാണ് ട്രെയിൻ തട്ടി മരിച്ച നിലയിൽ റെയിൽവേ പാളത്തിൽ കാണുന്നത്. മരണത്തിൽ ദുരൂഹതയുണ്ടെന്നാണ് ആരോപിക്കുകയാണ് കുടുംബം

മേഘയുടെ മരണം ആത്മഹത്യയെന്നാണ് പൊലീസിന്‍റെ പ്രാഥമിക നിഗമനം. ഐബിയിൽ തന്നെ ഉദ്യോഗസ്ഥനായ മലപ്പുറം സ്വദേശിയായ യുവാവുമായി അടുപ്പമുണ്ടായിരുന്നു. യുവാവ് ബന്ധത്തിൽ നിന്ന് പിന്മാറിയതിന്‍റെ മനോവിഷമത്തിൽ ജീവനൊടുക്കിയെന്നാണ് പ്രാഥമിക നിഗമനം. കുടുംബം പരാതി നൽകിയ സാഹചര്യത്തിൽ ഐബിയും പൊലീസും വിശദമായ അന്വേഷണം നടത്തും. മേഘയുടെ സംസ്കാരം വീട്ടുവളപ്പിൽ നടന്നു. അച്ഛൻ ഐടിഐയിൽ മുൻ അധ്യാപകനായിരുന്നു. അമ്മ റവന്യൂ വകുപ്പിലാണ് ജോലി ചെയ്യുന്നത്