മലയാളികളുടെ പ്രിയപ്പെട്ട താരജോഡികളാണ് നടിയും അവതാരികയുമായ പേളി മാണിയും ഭർത്താവും നടനുമായ ശ്രീനിഷും.ഇപ്പോൾ ആദ്യത്തെ കൺമണിക്കായുള്ള കാത്തിരിപ്പിലാണ് ഇവർ.അടുത്തിടെ സോഷ്യൽ മീഡിയകളിലൂടെയാണ് ഈ സന്തോഷ വാർത്ത പേളി ആരാധകർക്കായി പങ്കുവെച്ചത്.ശ്രീനിഷിനും പേളിക്കും ആശംസകളുമായി താരങ്ങൾ അടക്കം നിരവധി പേർ രംഗത്ത് എത്തിയിരുന്നു.തന്റെ ഉള്ളിലെ ജീവന്റെ വളർച്ചയെണ്ണി കാത്തിരിക്കുകയാണ് ഇപ്പോൾ പേളി.ഗർഭകാലത്തെ വിശേഷങ്ങൾ ആരാധകരുമായും പേളി പങ്കുവയ്ക്കാറുണ്ട്.
ഇപ്പോൾ എങ്ങനെയാണ് പേളി മാണിയെ ശ്രീനിഷ് നോക്കുന്നത് എന്ന വിശേഷമാണ് ആരാധകരുടെ ചർച്ച.പേളി മാണി തന്നെയാണ് ഇക്കാര്യം അറിയിച്ചത്.ശ്രീനിഷ് തന്നെ ഒരു കുഞ്ഞിനെപോലെയാ് നോക്കുന്നത് എന്നും എപ്പോഴും സന്തോഷവതിയായിരിക്കാൻ ശ്രമിക്കുന്നുണ്ടെന്നും പേളി മാണി പറയുന്നു.
അവന്റെ കൈകളിൽ ഞാൻ എപ്പോഴും സുരക്ഷിതയാണെന്നാണ് പേളി ഫേസ്ബുക്കിൽ രേഖപ്പെടുത്തിയ കുറിപ്പിൽ വ്യക്തമാക്കുന്നത്.എന്നെ ഒരു കുഞ്ഞിനെപോലെയാണ് നോക്കുന്നത്.ഞാൻ സന്തോഷവതിയായിരിക്കാൻ എപോഴും ശ്രമിക്കുന്നു.നെഗറ്റീവ് സിനിമകളോ വാർത്തകളോ കാണാൻ എന്നെ അനുവദിക്കുന്നില്ലെന്നും പേളി പറയുന്നു.ആദ്യത്തെ സ്‍കാൻ കഴിഞ്ഞപ്പോൾ അവന് ആനന്ദക്കണ്ണീർ വന്നുവെന്നും.ഞാൻ ഉറങ്ങിയെന്ന് ഉറപ്പുവരുത്തി അവൻ അവന്റെ കുഞ്ഞിനോട് സംസാരിക്കുന്നുവെന്നും പേളി ശ്രീനിയെക്കുറിച്ച് പറയുന്നു.ഞാൻ അവനെ ഹൃദയം നിറഞ്ഞ് സ്‍നേഹിക്കുന്നു.സ്‍നേഹം നിറഞ്ഞ മനുഷ്യന്റെ ചെറിയ പതിപ്പിനെ എന്നിൽ വഹിക്കുന്നതിൽ ഞാൻ ഭാഗ്യവതിയാണ്.സ്‍നേഹം ശ്രീനി എന്നാണ് പേളി കുറിപ്പിൽ രേഖപ്പെടുത്തിയിരിക്കുന്നത്.
ബിഗ് ബോസ് മലയാളം എന്ന റിയാലിറ്റി ഷോയിലൂടെയാണ് ഇരുവരും പരിചയപ്പെടുന്നതും പ്രണയത്തിലാവുന്നതും.പ്രണയം വിവാഹത്തിൽ എത്തുകയുമായിരുന്നു.2019 മെയ് 5 ആയിരുന്നു പേളി ശ്രീനീഷ് വിവാഹം നടക്കുന്നത്.ഹിന്ദു ക്രൈസ്തവ ആചാര പ്രകാരമായിരുന്നു ഇവരുടെ വിവാഹം.മെയ് 5 ന് ക്രിസ്തീയ വിധി പ്രകാരം വിവാഹം നടക്കുകയും പിന്നീട് മെയ് 8 ന് ഹിന്ദു ആചാരവിധി പ്രകാരം വീണ്ടും വിവാഹിതരാവുകയായിരുന്നു.കഴിഞ്ഞ ദിവസമാണ് താരം 31-ാം ജന്മദിനം ആഘോഷിച്ചത്.
