തൃശൂർ: തൃശൂരിൽ ഉത്സവങ്ങളിൽ കൂടുതൽ ആനകളെ എഴുന്നളിക്കാൻ അനുമതി നൽകി. ഉത്സവങ്ങളിൽ പതിനൊന്ന് ആനകളെ വരെ എഴുന്നളിക്കാം. ഇതിനു മുമ്പ് അഞ്ച് ആനകൾക്കാണ് അനുമതി നൽകിയിരുന്നത്. പതിനൊന്നു ആനകളെ വരെ അനുവദിക്കാനുള്ള തീരുമാനം ജില്ലാ മോണിറ്ററിംഗ് കമ്മിറ്റിയുടേതാണ്.
അതേസമയം ഉത്സവങ്ങൾ സജീവമായിട്ടും എഴുന്നള്ളിപ്പുകൾക്ക് ആനയുടെ എണ്ണം വർദ്ധിപ്പിക്കാൻ അനുമതി നൽകാത്തതിനെതിരെ ആന ഉടമകൾ രംഗത്തെത്തിയിരുന്നു. മറ്റെല്ലാ മേഖലയിലും ഇളവുകൾ നൽകിയിട്ടും ആനകളെ എഴുന്നള്ളിക്കുന്നതിൽ മാത്രം നിയന്ത്രണം തുടരുന്നത് അംഗീകരിക്കാനാകില്ലെന്ന് എലിഫെന്റ് ഓണേഴ്‌സ് ഫെഡറേഷൻ പറയുന്നു.
