താമരശേരി അമ്പായത്തോട്ടില് വളര്ത്തുനായ്ക്കളുടെ ആക്രമണത്തില് ഫൗസിയ എന്ന യുവതിക്ക് ഗുരുതരമായി പരിക്കേറ്റ സംഭവത്തില് നായ്ക്കളുടെ ഉടമ റോഷനെ പോലീസ് ജാമ്യം അനുവദിച്ചു. അതേസമയം വളര്ത്തു നായകളുടെ ആക്രമണത്തില്നിന്ന് വീട്ടമ്മയെ രക്ഷിക്കാന് ശ്രമിച്ചവര്ക്ക് എതിരെ പോലിസ് കേസെടുത്തു. തന്നെ മര്ദിച്ചുവെന്ന റോഷന്റെ പരാതിയില് കണ്ടാലറിയാവുന്ന ഇരുപത് പേര്ക്കെതിരേയാണ് കേസെടുത്തിരിക്കുന്നത്. നായ്ക്കളുടെ കടിയേറ്റ് ഗുരുതരമായി പരിക്കേറ്റ യുവതി കോഴിക്കോട് മെഡിക്കല് കോളേജ് ആശുപത്രിയില് ചികിത്സയില് തുടരുകയാണ്.
