തിരുവനന്തപുരം: ഇരുട്ടടിയായി ഇന്ധന നിരക്കില്‍ കുതിപ്പ് തുടരുന്നു. ഡീസലിന് ഇന്ന് 37 പൈസയും പെട്രോളിന് 35 പൈസയുമാണ് കൂട്ടിയത്. കഴിഞ്ഞ ഒരു മാസത്തിനിടെ ഡീസലിന് ഏഴ് രൂപ 75 പൈസയും പെട്രോളിന് ആറ് രൂപ ഏഴ് പൈസയുമാണ് വര്‍ധിപ്പിച്ചത്. ഇന്നും വില കൂട്ടിയതോടെ കേരളത്തിൽ പെട്രോൾ വില 110 രൂപ കടന്നു. കൊച്ചിയില്‍ ഡീസല്‍ വില 101 രുപ പിന്നിട്ടു. 101 രൂപ 46 പൈസയാണ് ഒരു ലിറ്ററിന്. പെട്രോളിന് 107 രൂപ 70 പൈസയുമാണ് ഇന്നത്തെ നിരക്ക്. കോഴിക്കോട് പെട്രോള്‍ വില 107 രൂപ 96 പൈസയായി ഉയര്‍ന്നു. ഡീസലിന് 101 രൂപ 73 പൈസയാണ് ഒരു ലിറ്ററിന്. പാറശാലയിൽ പെട്രോൾ വില ലീറ്ററിന് 110.10 രൂപയും ഡീസലിന് 103.77 രൂപയുമായി.
