നിയുക്ത ആരോഗ്യ മന്ത്രി വീണ ജോർജിന് ആശംസകൾ നേർന്നു എത്തിയിരിക്കുകയാണ് സംവിധായകൻ ജൂഡ്. ഓം ശാന്തി ഓശാന എന്ന സിനിമയിൽ വിനയ പ്രസാദ് അഭിനയിച്ച വൈൻ ആൻ്റി ആവേണ്ടിയുരുന്നത് വീണ ജോർജ് ആയിരുന്നു എന്നാണു ജൂഡ് പറയുന്നത്. എന്നാല് വീണ ജോർജ് ആ വേഷം നിരസിച്ചു എന്നും ജൂഡ് പറയുന്നു.
പോസ്റ്റ് വായിക്കാം:..ഓം ശാന്തി ഓശാനയിലെ വൈൻ ആന്റി ആകാൻ ഞാൻ മനസ്സിൽ ആഗ്രഹിച്ചത് ഈ മുഖമാണ്. അന്ന് മാം ഇന്ത്യ വിഷനിൽ ജോലി ചെയ്യുന്നു. അന്ന് നമ്പർ തപ്പിയെടുത്തു വിളിച്ചു കാര്യം പറഞ്ഞു. നേരെ ഇന്ത്യാ വിഷനിൽ ചെന്ന് കഥ പറഞ്ഞു. അന്ന് ബോക്സ് ഓഫിസ് എന്ന പ്രോഗ്രാം ചെയ്യുന്ന മനീഷേട്ടനും ഉണ്ടായിരുന്നു കഥ കേൾക്കാൻ , എന്റെ കഥ പറച്ചിൽ ഏറ്റില്ല . സ്നേഹപൂർവ്വം അവരതു നിരസിച്ചു . അന്ന് ഞാൻ പറഞ്ഞു ഭാവിയിൽ എനിക്ക് തോന്നരുതല്ലൊ അന്ന് പറഞ്ഞിരുന്നെങ്കിൽ, മാം ആ വേഷം ചെയ്തേനെ എന്ന് . ഇന്ന് കേരളത്തിന്റെ നിയുക്ത ആരോഗ്യമന്ത്രി . പൂജയുടെ ജനിക്കാതെ പോയ വൈൻ ആന്റി . അഭിനന്ദനങ്ങൾ മാം . മികച്ച പ്രവർത്തനം കാഴ്ച വക്കാനാകട്ടെ ☺️☺️☺️
