ബാലതാരമായി തന്നെ മലയാള സിനിമ മേഖലയിലേക്ക് ചേക്കേറിയ താരമാണ് പ്രയാഗ മാര്‍ട്ടിന്‍. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളായിരുന്നു താരം പ്രേക്ഷകര്‍ക്കായി സമ്മാനിച്ചതും. മലയാള സിനിമയിലേക്ക് പ്രയാഗ നായികയായി ചേക്കേറിയത് പിസാസ് എന്ന തമിഴ് ചിത്രത്തിലൂടെ ശ്രദ്ധിയ്ക്കപ്പെട്ടതിന് പിന്നാലെയാണ്. തുടര്‍ന്ന് നിരവധി അവസരങ്ങളായിരുന്നു പ്രയാഗയെ തേടി മലയാള സിനിമയില്‍ നിന്നും എത്തിയിരുന്നത്. നടിയുടെ ഇപ്പോഴത്തെ പ്രോജക്‌ട് തെലുങ്കിലെ സൂപ്പര്‍സ്റ്റാറായ നന്ദമൂരി ബാലകൃഷ്ണയ്‌ക്കൊപ്പമാണ്. ചിത്രം സംവിധാനം ചെയ്യുന്നത് ബോയപതി ശ്രിനുവാണ്.
കൊറോണയ്ക്ക് ശേഷം ഇപ്പോള്‍ ബിബി3 എന്ന് താത്കാലികമായി പേര് നല്‍കിയ ചിത്രത്തിന്റെ ഷൂട്ടിങും ആരംഭിച്ചിരുകയാണ്. എന്നാല്‍ പ്രയാഗക്കെതിരെ ചിത്രത്തില്‍ നായകനൊപ്പമുള്ള കെമിസ്ട്രി തീരെ പോരെന്നാണ് പരാതി ഉയരുന്നത്. തുടര്‍ന്ന് ചിത്രത്തില്‍ നിന്നും പ്രയാഗയെ പുറത്താക്കിയതായി വാര്‍ത്തകളും പുറത്ത് വരുന്നുണ്ട്. അതേസമയം ചിത്രത്തിന് വേണ്ടി പ്രയാഗയ്ക്ക് പകരക്കാരിയെയും കണ്ടെത്തിയിരിക്കുകയാണ്. നന്ദമൂരി ബാലകൃഷ്ണയുടെ നായികയായി പ്രഗ്യ ജയ്‌സുവാള്‍ എത്തും. ബബി3 യില്‍ ഷംന കാസിമും എത്തുന്നു.
തന്റെ പുതിയ ചിത്രത്തിലേക്ക് ശ്രിനു നന്ദമൂരി ബാലകൃഷ്ണയുടെ നായികയായി നടിയെ കാസ്റ്റ് ചെയ്ത് പ്രയാഗയുടെ മലയാള സിനിമകള്‍ കണ്ട്, അഭിനയം ഇഷ്ടപ്പെട്ടിട്ടാണെന്ന് സംവിധാനയകന്‍ വ്യക്തമാക്കുകയും ചെയ്തിരുന്നു. എന്നാല്‍ പ്രായം വിനയാവുമെന്ന് പ്രതീക്ഷിച്ചില്ലെന്നും സിനിമ നടന്നിരിന്നുവെങ്കില്‍ പ്രയാഗയ്ക്ക് തെലുങ്കില്‍ ഒരു മികച്ച തുടക്കം ലഭിച്ചേനെയെന്നും സംവിധായകന്‍ അറിയിക്കുകയും ചെയ്തു.
