പൃഥിരാജിന്റെയും സുപ്രിയയുടെയും മകൾ അലംകൃത ക്രിസ്മസ് അപ്പൂപ്പന് എഴുതിയ കത്ത് സാമൂഹ്യ മാധ്യമങ്ങളിലൂടെ പങ്കുവച്ചിരിക്കുകയാണ്.
സുപ്രിയ കത്ത് ഇൻസ്റ്റഗ്രാമിലാണ് പോസ്റ്റ് ചെയ്തിരിക്കുന്നത്. ഇത്തവണ ക്രിസ്മസ് അപ്പൂപ്പൻ അലംകൃത കുറുമ്പ് കാട്ടിയതുകൊണ്ട് അവളെ കാണാൻ വരില്ല, സമ്മാനവും കൊണ്ടുവരില്ലെന്ന് സുപ്രിയ പറയുന്നു. അതിന് പിന്നാലെയാണ് അലംകൃത ക്രിസ്മസ് അപ്പൂപ്പന് കത്തെഴുതിയത്.’ഇത്തവണ എന്തായാലും എനിക്ക് സമ്മാനങ്ങൾ സാന്റാ കൊണ്ടുവരുമെന്നാണ് ഞാൻ കരുതുന്നത്. ഞാൻ കുറുമ്പ് കാട്ടിയെങ്കിലും എനിക്ക് സാന്റയെ ഒത്തിരി ഇഷ്ടമാണ്’ – എന്നാണ് അലങ്കൃത എഴുതിയിരിക്കുന്നത്.
അതേസമയം ഇതിന് മുൻപും ഇൻസ്റ്റഗ്രാമിൽ സജ്ജീവമായ സുപ്രിയ അലംകൃതയുടെ വിശേഷങ്ങൾ ആരാധകർക്കായി പങ്കുവക്കുകയുണ്ടായിരുന്നു. സുപ്രിയയാണ് പൃഥ്വിരാജ് നായകനാവുന്ന പുതിയ ചിത്രം ‘കുരുതി’ നിർമ്മിക്കുന്നത്. കഴിഞ്ഞ ദിവസമാണ് പൃഥ്വിരാജ് പ്രൊഡക്ഷൻസിന്റെ ബാനറിൽ ഒരുങ്ങുന്ന ചിത്രത്തിന്റെ ടൈറ്റിൽ പോസ്റ്റർ പുറത്തിറങ്ങിയത്.
