പൃഥ്വിരാജിനെ പ്രധാന കഥാപാത്രമാക്കി നവാഗതനായ മനു വാര്യര് സംവിധാനം ചെയ്യുന്ന ‘കുരുതി’ എന്ന ചിത്രത്തിന്റെ ടൈറ്റില് പോസ്റ്റര് പുറത്തുവിട്ടു. തന്റെ ഫേസ്ബുക്ക് അക്കൌണ്ടിലൂടെ പൃഥ്വിരാജ് തന്നെയാണ് ‘കൊല്ലും എന്ന വാക്ക്, കാക്കും എന്ന പ്രതിജ്ഞ’ എന്ന തലക്കെട്ടോടെ പോസ്റ്റര് റിലീസ് ചെയ്തത്. പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോനനാണ് ചിത്രമൊരുക്കുന്നത്. ഡിസംബര് 9 നാണ് കുരുതിയുടെ ചിത്രീകരണം ആരംഭിക്കുക. പൃഥ്വിരാജിന് പുറമെ റോഷന് മാത്യൂ, ഷൈന് ടോം ചാക്കോ, മുരളി ഗോപി, മാമുക്കോയ, ശ്രിന്ദ, മണികണ്ഠന് ആചാരി, നവാസ് വള്ളിക്കുന്ന്, നെസ്ലന്, സാഗര് സൂര്യ തുടങ്ങി ഒരു വന് താരനിര തന്നെയാണ് ചിത്രത്തില് അണിനിരക്കുന്നത്. അഭിനന്ദന് രാമാനുജനാണ് ക്യാമറ. റഫീഖ് അഹമദിന്റെ വരികള്ക്ക് ജോക്സ് ബിജോയ് ഈണമൊരുക്കുന്നു.