പ്രിയങ്കയുടെ ആത്മഹത്യ; ഉണ്ണി രാജന്‍ പി. ദേവിന്‍റെ അമ്മ ഒളിവിൽ, തിരഞ്ഞ് പൊലീസ്
നടന്‍ ഉണ്ണി രാജന്‍ പി.ദേവിന്‍റെ ഭാര്യ പ്രിയങ്കയുടെ ആത്മഹത്യാ കേസില്‍ രണ്ടാം പ്രതിയായ ശാന്ത രാജന്‍ പി. ദേവ് ഒളിവില്‍. വീട്ടിലും മകളുടെ വീട്ടിലും തിരഞ്ഞെങ്കിലും കണ്ടെത്തിയില്ലെന്ന് പൊലീസ്. കോവിഡിന്‍റെ പേരില്‍ ഒരുമാസത്തോളം അറസ്റ്റ് വൈകിപ്പിച്ചിരുന്നു.
സംഭവത്തിൽ കേസ് അട്ടിമറിക്കാനുള്ള നീക്കം ആരോപിച്ച് പ്രിയങ്കയുടെ കുടുംബം മുഖ്യമന്ത്രി പിണറായി വിജയന് പരാതി നൽകിയിരുന്നു. 10 ാം തീയതി രാത്രിയില്‍ പ്രിയങ്കയെ വീട്ടില്‍ നിന്ന് ഇറക്കിവിടുകയും ഉണ്ണിയും അമ്മ ശാന്തയും ചേര്‍ന്ന് മർദിച്ചെന്നുമാണു പരാതി. 12ന് സ്വന്തം വീട്ടില്‍ മടങ്ങിയെത്തിയ ശേഷമാണ് പ്രിയങ്ക തൂങ്ങിമരിച്ചത്.
