ഒന്നാം തീയതി ഡ്രൈ ആയി പ്രഖ്യാപിച്ചു കൊണ്ടുള്ള സർക്കാർ നിയമത്തെ രൂക്ഷമായി വിമർശിച്ച് നടനും നിർമ്മാതാവുമായ വിജയ് ബാബു. ഇന്നലെ ഞായറാഴ്ചയും ഒന്നാം തീയതിയും ഒരുമിച്ചു വന്നതോടെയാണ് പണി പാളിയത്.
ക്ലബ്ബുകളും ബാറുകളും എല്ലാമാസവും ഒന്നാം തീയതി അടച്ചിടണമെന്ന വിചിത്രമായ നിയമം സർക്കാർ പുനഃപരിശോധിക്കേണ്ട സമയം അതിക്രമിച്ചിരിക്കുന്നു. ഇന്ന് ഞായറാഴ്ചയാണ്. ഐപിഎൽ നടക്കുന്നുണ്ട്. ക്ലബ്ബിലിരുന്ന് മദ്യം കഴിച്ച് ഒരുമിച്ച് മത്സരം കാണണമെന്ന് ആഗ്രഹിക്കുന്നവർക്ക് അതിന് സാധിക്കില്ല? എന്തൊരു വൃത്തികെട്ട നിയമമാണിത്’,- വിജയ് ബാബു കുറിച്ചു. കുറിപ്പിന്റെ അവസാനം നടൻ വിഷയത്തിൽ മറ്റുള്ളവരുടെ അഭിപ്രായങ്ങളും കമന്റ് ചെയ്യാൻ ആവശ്യപ്പെടുന്നുണ്ട്. പിന്നാലെ പോസ്റ്റിൽ നിരവധി കമന്റുകൾ വരുന്നുണ്ട്
