ആമസോണ്‍ പ്രൈമിലൂടെ റിലീസ് ചെയ്ത ‘സൂഫിയും സുജാതയും’ എന്ന ഒറ്റ സിനിമയിലൂടെ ശ്രദ്ധേയനായ താരമാണ് ദേവ് മോഹന്‍. ചിത്രത്തില്‍ സൂഫി എന്ന കഥാപാത്രമായി മലയാള സിനിമയിലേക്ക് അരങ്ങേറ്റം കുറിച്ച ദേവിന്റെ അഭിനയത്തെ പ്രശംസിച്ച്‌ നിരവധി പേര്‍ രംഗത്ത് വന്നിരുന്നു. സാമന്ത നായികയാകുന്ന ചിത്രം ശാകുന്തളത്തിലൂടെ തെലുങ്കിലേക്കും ചുവടുവെക്കാനൊരുങ്ങുകയാണ് ദേവ്.
ഇപ്പോഴിതാ ദേവ് മോഹന്‍ നായകനാകുന്ന പുതിയ മലയാള ചിത്രം പ്രഖ്യാപിച്ചിരിക്കുകയാണ്. ‘പുള്ളി’ എന്ന സിനിമയിലാണ് ദേവ് അഭിനയിക്കുന്നത്. ചിത്രത്തിന്റെ പ്രമേയം എന്താണെന്ന് വ്യക്തമായിട്ടില്ല. ജിജു അശോകന്‍ ആണ് ചിത്രം സംവിധാനം ചെയ്യുന്നത്. ഉറുമ്ബുകള്‍ ഉറങ്ങാറില്ല, പ്രേമസൂത്രം എന്ന സിനിമകളിലൂടെ ശ്രദ്ധേയനായ സംവിധായകനാണ് ജിജു അശോകന്‍. അടുത്ത മാസം 15ന് ആണ് ചിത്രീകരണം തുടങ്ങുന്നത്. സിനിമയിലെ മറ്റ് അഭിനേതാക്കളെ ഉടന്‍ പ്രഖ്യാപിക്കും.
