രാജമൗലിയുടെ RRR ഒക്ടോബർ 13ന് തിയറ്ററുകളിൽ ; രാം ചരൺ, ജൂനിയർ എൻടിആർ പോസ്റ്റർ ഹിറ്റ്
എസ് എസ് രാജമൗലി സംവിധാനം ചെയ്യുന്ന മെഗാബജറ്റ് ചിത്രം RRR(RISE, ROAR, REVOLT) ഷൂട്ടിങ് പൂർത്തിയായി. ചിത്രത്തിന്റെ പുതിയ പോസ്റ്ററും
ഹിറ്റായിരിക്കുകയാണ് .നായകൻമാരായ രാം ചരൺ തേജയും ജൂനിയർ എൻടിആറും ബൈക്കിൽ യാത്ര ചെയ്യുന്ന പോസ്റ്റർ
ആരാധകർ ഏറ്റെടുത്തുകഴിഞ്ഞു. രണ്ടു പാട്ടുകൾ മാത്രമാണ് ഇനി ചിത്രീകരിക്കാനുള്ളത്. ഒക്ടോബർ 13ന് ചിത്രം
റിലീസ് ചെയ്യും.
സ്വാതന്ത്രത്തിന് മുമ്പുള്ള കഥയാണ് ചിത്രം പറയുന്നത്. സ്വാതന്ത്ര്യ സമര സേനാനികളായാണ് സൂപ്പർ താരങ്ങൾ അഭിനയിക്കുന്നത്.
കൊമാരം ഭീം ആയി ജൂനിയർ എൻടിആറും അല്ലൂരി സീതാരാമരാജു ആയി രാംചരണും അഭിനിയിക്കുന്നു. 450 കോടി രൂപ
ചിലവിട്ടാണ് ചിത്രം നിർമിക്കുന്നത്. ഡിവിവി എന്റർടെയ്ൻമെന്റിന്റെ ബാനറിൽ ഡിവിവി ധനയ്യ ആണ് നിർമാണം. ഹൈദരാബാദിൽ
സ്വാതന്ത്ര്യസമര കാലഘട്ടത്തിലെ ഇന്ത്യ വലിയ സെറ്റിട്ടായിരുന്നു ഷൂട്ട് ചെയ്തത്.
തെലുങ്ക്, ഹിന്ദി, മലയാളം, കന്നഡ, തമിഴ് ഉൾപ്പടെ നിരവധി ഭാഷകളിൽ ചിത്രം പുറത്തിറങ്ങും. രണ്ട് ഭാഷകളിലെ ഡബ്ബിങ് പൂർത്തിയായി.
മറ്റ് ഭാഷകളിലെ ഡബ്ബിങ്ങും രണ്ട് പാട്ടുകളുടെ ചിത്രീകരണവും ഉടൻ പൂർത്തിയാക്കാനാകുമെന്നാണ് പ്രതീക്ഷിക്കുന്നതെന്നും
സംവിധായകൻ എസ്.എസ് രാജമൗലി അറിയിച്ചു. റിലീസിന് മുൻപ് തന്നെ ഡിജിറ്റൽ, സാറ്റലൈറ്റ് അവകാശങ്ങളിലൂടെ 300 കോടിയിലധികം
ചിത്രത്തിന് ലഭിച്ചത് വലിയ ചർച്ചായിരുന്നു.