ചെന്നൈ: തലൈവര് രജനിക്ക് ഇന്ന് 70 വയസ്. രാഷ്ട്രീയ പാര്ട്ടി പ്രഖ്യാപനം 31ന് നടക്കാനിരിക്കെ, പിറന്നാള് ആഘോഷങ്ങള്ക്ക് പരമാവധി മാറ്റു കൂട്ടാനുള്ള ഒരുക്കങ്ങള് രജനികാന്തിന്റെ ഉറ്റ തോഴനും രാഷ്ട്രീയ പാര്ട്ടിയുടെ ചുമതല വഹിക്കുന്ന ‘ഗാന്ധിമക്കള് ഇയക്കം’ നേതാവുമായ തമിഴരുവി മണിയന്റെ നേതൃത്വത്തില് പൂര്ത്തിയായിക്കഴിഞ്ഞു. ബ്രൂസ്ലിക്കും ജാക്കിചാനും ശേഷം ലോകത്ത് ഏറ്റവും ആരാധകരുള്ള നടന് രജനീകാന്ത് ആണെന്നാണ് പൊതുവെയുള്ള വിലയിരുത്തല്. 70 വയസ്സ് തികയുന്ന ആ ബ്രഹ്മാണ്ഡ താരത്തെ ചുറ്റിപ്പറ്റിയാണ് ഇപ്പോള് തമിഴക രാഷ്ട്രീയവും മുന്നന്നോട്ട് നീങ്ങുന്നത്. അതേസമയം അദ്ദേഹത്തിന്റെ പിറന്നാള് ദിനമായ ഇന്ന് തമിഴ്നാട്ടിലാകെ ജീവകാരുണ്യ പ്രവര്ത്തനങ്ങള് നടത്തും.
ആഘോഷത്തില് രാവിലെ പങ്കെടുത്ത ശേഷം രജനി നാളെ സിരുത്തൈ ശിവ സംവിധാനം ചെയ്യുന്ന ‘അണ്ണാത്തെ’ പൂര്ത്തിയാക്കാന് ഹൈദരാബാദിലേക്കു തിരിക്കും. മൂത്ത സഹോദരന് എന്നാണ് ‘അണ്ണാത്തെ’യുടെ അര്ത്ഥം. 60 ശതമാനം പൂര്ത്തിയായ ചിത്രം രജനികാന്തിന്റെ രാഷ്ട്രീയ പ്രവേശത്തിനുകൂടി പ്രയോജനം ചെയ്യുന്ന വിധത്തിലാണ് ഒരുക്കുന്നത്.