കോവിഡ് ദുരിതാശ്വാസത്തിന് 50 ലക്ഷം രൂപ നൽകി രജനികാന്ത്.
കോവിഡ് പ്രതിസന്ധി വളരെ രൂക്ഷമായ സാഹചര്യത്തിൽ തമിഴ്നാട്ടിൽ ഒട്ടനവധി താരങ്ങൾ കോവിഡ് ദുരിതാശ്വാസ നിധിയിലേക്ക് സംഭാവന നൽകുന്നുണ്ട്. കഴിഞ്ഞ ദിവസം സൂര്യയും കാർത്തികും ഒരു കോടി രൂപ സംഭാവന നൽകിയിരുന്നു. കൂടാതെ അജിത്ത് 25 ലക്ഷം രൂപയും രജനികാന്തിൻ്റെ മകൾ സൗന്ദര്യയും ഭർത്താവും ഒരു കോടി രൂപയും നൽകിയിരുന്നു. ജനങ്ങൾക്ക് ആശ്വാസം പകരുന്ന തീരുമാനങ്ങൾ എടുക്കുന്ന മുഖ്യമന്ത്രി സ്റ്റാലിൻ വലിയ ജനപിന്തുണയാണ് കിട്ടികൊണ്ടിരിക്കുന്നത്. അതിനുദാഹരണമാണ് താരങ്ങളുടെ സാമ്പത്തിക സഹായങ്ങൾ.
