67ാമത് ദേശീയ ചലച്ചിത്ര പുരസ്‌കാരങ്ങൾ ദില്ലിയിൽ ഉപരാഷ്ട്രപതി വെങ്കയ്യ നായിഡു വിതരണം ചെയ്തു. ഇന്ത്യൻ സിനിമയിലെ പരമോന്നത പുരസ്‌കാരമായ ദാദാ സാഹെബ് ഫാൽക്കെ പുരസ്‌കാരം രജനികാന്ത് ഏറ്റുവാങ്ങി. മോഹൻലാലിനെ നായകനാക്കി പ്രിയദർശൻ സംവിധാനം ചെയ്ത മലയാള ചിത്രം ‘മരക്കാർ-അറബികടലിന്റെ സിംഹം’സ്വർണ്ണകമലം നേടി മികച്ച ചിത്രം ആയി. മികച്ച നടനുള്ള രജതകമലം തമിഴ്‌നടൻ ധനുഷ്, ഹിന്ദി നടൻ മനോജ് ബാജ്‌പെയ് എന്നിവർ പങ്കിട്ടു . കങ്കണ റണൗട്ടിനാണ് മികച്ച നടിക്കുള്ള പുരസ്‌കാരം, ചിത്രം മണികർണ്ണിക.പതിമൂന്ന് പുരസ്‌കാരങ്ങളാണു മലയാളത്തിനുള്ളത്.വിവേക് അഗ്നിഹോത്രിയുടെ ദ താഷ്‌കന്റ് ഫയൽസിന് മികച്ച സംഭാഷണവും ഭാര്യ പല്ലവി ജോഷി മികച്ച സഹനടിക്കുള്ള അവാർഡും അതേ ചിത്രത്തിന് ലഭിച്ചു. അന്തരിച്ച സുശാന്ത് സിംഗ് രാജ്പുത് അഭിനയിച്ച ചിചോറിലാണ് മികച്ച ഹിന്ദി ചിത്രം. കേസരിയിലെ യുദ്ധ നാടകമായ തെരിമിട്ടി എന്ന ഗാനത്തിന് ബി പ്രാക്കിന് മികച്ച പുരുഷ പിന്നണി ഗായകനുള്ള ദേശീയ അവാർഡ് ലഭിച്ചു.
