അബുദാബി: വിശുദ്ധ റമദാന്‍ മാസത്തോട് അനുബന്ധിച്ച് 540 തടവുകാരെ മോചിപ്പിക്കാന്‍ ഉത്തരവിട്ട് യുഎഇ പ്രസിഡന്റും ഹിസ് ഹൈനസ് ഷെയ്ഖ് ഖലീഫ ബിന്‍ സായിദ് അല്‍ നഹ്യാന്‍. തിരുത്തല്‍, ശിക്ഷാ സൗകര്യങ്ങളില്‍ നിന്ന് മോചിപ്പിക്കാനാണ് ഉത്തരവിട്ടത്. യുഎഇ പ്രസിഡന്റിന്റെ മനുഷ്യത്വപരമായ നടപടികളുടെ ഭാഗമായാണ് ഈ തീരുമാനം.
ക്ഷമയുടെയും സഹിഷ്ണുതയുടെയും മൂല്യങ്ങളെ അടിസ്ഥാനമാക്കിയുള്ള യുഎഇ പ്രസിഡന്റിന്റെ മാനുഷിക സംരംഭങ്ങളുടെ ഭാഗമായാണ് ഈ നീക്കം. അന്തേവാസികള്‍ക്ക് മെച്ചപ്പെട്ട രീതിയില്‍ മാറാനും പുതുതായി ജീവിതം ആരംഭിക്കാനും അവസരം നല്‍കുകയാണ് ഇതിലൂടെ ലക്ഷ്യമിടുന്നത്.
വിശുദ്ധ മാസത്തിന് മുന്നോടിയായി തടവുകാര്‍ക്ക് മാപ്പ് നല്‍കുന്ന രീതി കുടുംബാംഗങ്ങള്‍ ശക്തിപ്പെടുത്തുന്നതിന് ലക്ഷ്യമിട്ടുള്ളതാണിത്. ശിക്ഷാ കാലയളവില്‍ നല്ല പെരുമാറ്റം കാഴ്ചവെച്ച തടവുകാരെയാണ് മോചിപ്പിക്കുന്നത്.
