മലയാള മിനിസ്‌ക്രീനില്‍ നിന്ന് കൊണ്ട് തന്നെ അവതാരക സങ്കല്‍പ്പങ്കല്‍പ്പങ്ങളെ മൊത്തത്തില്‍ മാറ്റി എഴുതിയ താരമാണ് രഞ്ജിനി ഹരിദാസ്. ഒരു നടി കൂടിയായ രഞ്ജിനി ബിഗ് ബോസ്സ് മലയാളം സീസണ്‍ 1 ലെ മത്സരാര്‍ത്ഥി കൂടിയായിരുന്നു. തന്റെതായ നിലപാടുകള്‍ തുറന്ന് പറയുന്നതില്‍ യാതൊരു മടിയും കാട്ടാത്ത താരം കൂടിയാണ് രഞ്ജിനി. നിരവധി വിമര്‍ശനങ്ങളാണ് താരത്തിന് കേള്‍ക്കേണ്ടി വന്നിട്ടുള്ളത്. എന്നാല്‍ ഇപ്പോള്‍ സോഷ്യല്‍ മീഡിയ താരത്തിന്റെ വിവാഹ വിശേഷങ്ങളാണ് ഏറ്റെടുത്തിരിക്കുന്നത്.
താരം തന്റെ യൂട്യൂബ് ചാനലില്‍ പങ്കുവച്ചിരിക്കുന്ന പുതിയ വീഡിയോയില്‍ രഞ്ജിനി ഹരിദാസ് വിവാഹം കഴിക്കാന്‍ പോകുന്നു എന്ന ക്യാപ്ഷ്യനോടെയാണ് നല്‍കിയിരുന്നത്. താരത്തിന്റെ ക്യാപ്ഷനും വിഡിയോയും നിമിഷ നേരം കൊണ്ടാണ് ഇത് വൈറലായി മാറിയിരുന്നത്. വീഡിയോയില്‍ താന്‍ സ്വയംവരം ചെയ്യാന്‍ ആഗ്രഹിക്കുന്നു എന്ന തരത്തില്‍ രഞ്ജിനി തന്നെയാണ് വെളിപ്പെടുത്തുന്നത്.
രഞ്ജിനിയുടെ വാക്കുകള്‍
ഈ ഉണ്ടോണ്ട് ഇരുന്നപ്പോള്‍ വിളി വരിക എന്ന് പറയും പോലെയാണ്,ലോക് ഡൌണ്‍ സമയത്തു വീട്ടില്‍ അടങ്ങി ഒതുങ്ങി ഇരുന്നപ്പോള്‍ എനിക്ക് ഒരു തോന്നല്‍ വന്നു.ഇങ്ങനെ ഒന്നും അയാല്‍ പോരാ,ഈ സ്റ്റേജ് ഷോസും,ഫ്രണ്ട്സും മാത്രം പോരാ ജീവിതത്തില്‍ മറ്റെന്തോ കൂടി വേണം എന്ന്.എന്താണെന്നല്ലേ നിങ്ങള്‍ ചിന്തിക്കുന്നത്.രഞ്ജിനി ഹരിദാസ് ജീവിതത്തില്‍ ഒരിക്കലും ചിന്തിക്കില്ല എന്ന് നിങ്ങള്‍ കരുതിയ ആ കാര്യം,ഇവള്‍ക്ക് വട്ടായി എന്ന് നിങ്ങള്‍ക്ക് തോന്നിയേക്കാം.ശരിക്കും ചെറിയ വട്ടാണ്.എന്നാലും ഞാന്‍ അതങ്ങു തീരുമാനിച്ചു.രഞ്ജിനി ഹരിദാസ് കല്യാണം കഴിക്കാന്‍ പോകുന്നു.എന്ന് കരുതി പെണ്ണുകാണാന്‍ നിന്നുകൊടുക്കാനും,കാല്‍ വിരല്‍ കൊണ്ട് കളം വരക്കാനൊന്നും എന്നെ കിട്ടില്ല.
എന്റെ കല്യാണം ഒരു സംഭവം ആയിരിക്കണം.ഒരു സ്വയം വരം.ശ്രീരാമന്‍ സീതയെ കെട്ടിയപോലെ,നളന്‍ ദമയന്തിയെ കൊണ്ടുപോയ പോലെ,ഒരുപാട് പേരില്‍ നിന്നും ഞാന്‍ എനിക്ക് പറ്റിയ ഒരാളെ ഞാന്‍ സെലക്‌ട് ചെയ്യും.ജാതിയും മതവും പ്രശ്ശ്‌നം അല്ല.കുറച്ചു ദമ്ബതികള്‍ കൂടി എന്റെ ഒപ്പം ഉണ്ടാകും.അപ്പോള്‍ എന്റെ സ്വയം വരം കാണാന്‍ റെഡി ആയിക്കോളൂ.നിമിഷങ്ങള്‍ക്കകം തന്നെ വീഡിയോ വൈറലായിമാറി,ആരാധകര്‍ നിരവധിപ്പേരാണ് വീഡിയോക്ക് കമന്റുമായെത്തിയിരിക്കുന്നത്.
