പാട്ടിലൂടെ സാമൂഹിക രാഷ്ട്രീയ വിമർശനം നടത്തുന്ന ആളാണ് വേടൻ എന്ന പേരിൽ അറിയപ്പെടുന്ന ഹിരൺ ദാസ്. തന്റെ കാഴ്ചപ്പാടുകൾ നേരിൽ കാച്ചി കുറുക്കി അരികു വൽക്കരിക്കപ്പെട്ട ജനതയുടെ ജീവിത യാഥാർത്ഥ്യങ്ങൾ ചേർത്ത് വരികളായി മാറ്റുന്നതാണ് രീതി. താരത്തിന്റെ അമ്മ ശ്രീലങ്കൻ അഭയാർത്ഥിയായിരുന്നുവെന്നും വാർത്തകൾ വന്നിരുന്നുവെങ്കിലും ആരാണെന്നോ എന്താണെന്നോ അറിയില്ലായിരുന്നു. ഇപ്പോൾ ഇതാ തന്റെ മരണപ്പെട്ട അമ്മയുടെ ചിത്രം ആരാധിക വേടന് സമ്മാനിച്ചതോടെ സംഗീത പരിപാടിക്കിടെ ഇമോഷണലായ താരത്തിന്റെ ചിത്രങ്ങളാണ് സോഷ്യൽ മീഡിയ കീഴടക്കുന്നത്.
കോഴിക്കോട് ടൂറിസം വകുപ്പ് സംഘടിച്ച ഒരു പരിപാടിക്കിടെയായിരുന്നു സംഭവം. യുവതി മരിച്ചുപോയ അമ്മയുടെ ഫ്രെയിം ചെയ്ത ഫോട്ടോവേടന് നീട്ടുകയായിരുന്നു. വേടന്റെ അമ്മ കുറച്ചുകാലം തന്നോടൊപ്പം വീട്ടിലുണ്ടായിരുന്നുവെന്നാണ് യുവതി മാദ്ധ്യമങ്ങളോട് പറഞ്ഞത്.
യുവതിയുടെ വാക്കുകൾ..
അമ്മയുമായി എനിക്ക് നല്ലൊരു സൗഹൃദ ബന്ധമുണ്ടായിരുന്നു. വേടന്റെ അച്ഛൻ പറഞ്ഞിട്ടാണ് ഞാൻ വേദിയിൽ എത്തിയത്. അത് അവന് സന്തോഷമാകുമെന്ന് അച്ഛൻ എന്നോട് പറഞ്ഞിരുന്നു. അവർ വീട്ടിലെത്തിയപ്പോൾ വേടന്റെ അമ്മയാണെന്ന് എനിക്കറിയില്ലായിരുന്നു. അവരും പറഞ്ഞിരുന്നില്ല. മകൻ പാട്ടുകാരനാണെന്നും യൂട്യൂബിലൊക്കെ പാട്ടുകൾ പാടുന്നുണ്ടെന്ന് മാത്രമാണ് പറഞ്ഞിരുന്നത്. അവൻ വലിയ പാട്ടുകാരനാകുമെങ്കിൽ കുടുംബം രക്ഷപ്പെടുമെന്ന് അമ്മ എന്നോട് പറഞ്ഞിരുന്നു. പക്ഷെ അവൻ രക്ഷപ്പെട്ടത് കാണാൻ അമ്മയ്ക്ക് ഭാഗ്യമുണ്ടായില്ല. ഞാൻ അമ്മയെ വാട്സാപ്പിലൂടെ ബന്ധപ്പെടാൻ ശ്രമിച്ചിരുന്നു. ഒടുവിലാണ് മരിച്ചെന്ന് വേടന്റെ അച്ഛൻ പറഞ്ഞത്. അമ്മയുടെ ഫോട്ടോ കണ്ടപ്പോൾ വേടന് നല്ല സങ്കടമായി. അമ്മയ്ക്ക് നല്ല ബുദ്ധിമുട്ടുകളും കഷ്ടപാടുകളും ഉണ്ടായിരുന്നു. അതൊന്നും അവർ മക്കളെ അറിയിച്ചിരുന്നില്ല. എന്നെ വിളിക്കാമെന്നും സംസാരിക്കാമെന്നും വേടൻ പറഞ്ഞു
