കാൺപൂർ: ആഡംബര ട്രെയിനിൽ നിന്ന് മോഷണം നടത്തിയ എംബിബിഎസ് പൂർവ വിദ്യാർത്ഥി അറസ്റ്റിലായി. വിഐപി ട്രെയിനുകളിൽ നിരവധി കവർച്ചകൾ നടത്തിയ പുനീത് കുമാറിനെയാണ് ബിജെപി എംപിയുടെ പരാതിയെ തുടർന്ന് മുസാഫർനഗറിൽ പോലീസ് അറസ്ററ് ചെയ്തത് .ലോക്‌ഡോൺ കാരണം 14 ലക്ഷം രൂപ കടബാധ്യതയുണ്ടായിയെന്നും അതാണ് മോഷണത്തിന് പ്രേരിപ്പിച്ചതെന്നും പ്രതി പറഞ്ഞു. അച്ഛൻ വിരമിച്ച സൈനിക ഉദ്യോഗസ്ഥനാണ്.
മോഷണത്തിന് ശേഷം ദില്ലിയിൽ നിന്ന് ലഖ്‌നൗവിലേക്കുള്ള വിമാനത്തിൽ നിന്നാണ് ഇയാളെ പോലീസ് അറസ്റ്റ് ചെയ്തത്.രാജധാനി എക്സ്പ്രസ്സ് പോലുള്ള ട്രെയിനുകളിലെ എ സി കൊച്ചുകളിലാണ് ഇയാൾ മോഷണം നടത്തിയിരുന്നത് .മുസഫർ നഗർ ബി ജെ പി എം.പി യുടെ ഭാര്യയുടെ 3 ലക്ഷം രൂപ ഒക്ടോബര് 27 നു രാജധാനി എസ്പ്രെസ്സിൽ വെച്ച് മോഷണം പോയെന്ന പരാതിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് പ്രതിയെ പിടികൂടിയത് .
കഴിഞ്ഞ ഏതാനും ദിവസങ്ങളായി രാജധാനി എസ്പ്രെസ്സിൽ നടന്ന മോഷണങ്ങളെ കുറിച്ച് പോലീസിൽ ഒരുപാടു പരാതികൾ ലഭിച്ചതായും അതിന്റെ അടിസ്ഥാനത്തിൽ നിരവധി ടീമുകളായിട്ടായിരുന്നു അന്വേഷണം നടത്തിയത് .സി സി ടീവി ദൃശ്യങ്ങൾ പരിശോധിച്ചപ്പോളാണ് പുനീതിൻറെ സംശയാസ്പദമായ ചില നീക്കങ്ങൾ പോലീസിന്റെ ശ്രെദ്ധയിൽ പെട്ടത്. തുടർന്നുള്ള അന്വേഷണത്തിലാണ് പ്രതിയെ പിടികൂടിയതെന്ന് പോലീസ് പറഞ്ഞു .
