മലയാളികളുടെ പ്രിയപ്പെട്ട നടനാണ് റോഷൻ ബഷീർ. സൂപ്പർഹിറ്റ് ചിത്രം ദൃശ്യത്തിലെ വരുൺ പ്രഭാകർ എന്ന കഥാപാത്രത്തെ മലയാളികൾ ഒരിക്കലും മറക്കില്ല. ഇപ്പോൾ തന്റെ വിവാഹ ചിത്രം പങ്കുവെച്ചിരിക്കുകയാണ് റോഷൻ. മമ്മൂട്ടിയുടെ ബന്ധുകൂടിയായ ഫർസാനയാണ് റോഷന്റെ വധു. വിവാഹ ചിത്രം പങ്കുവെച്ച് സന്തോഷ വാർത്ത അറിയിച്ചത് റോഷൻ തന്നെയാണ്. ഇൻസ്റ്റഗ്രാമിലാണ് റോഷൻ ചിത്രം പങ്കുവെച്ചത്. ദമ്പതികൾക്ക് ആശംസകൾ അറിയിച്ച് നിരവധി പേർ രംഗത്ത് എത്തി.
എൽഎൽബി പൂർത്തിയാക്കിയതാണ് ഫർസാന. പ്രണയവിവാഹമല്ല തന്റേതെന്ന് താരം പറഞ്ഞിരുന്നു. ഇരുവീട്ടുകാരും ചേർന്ന് വിവാഹം തീരുമാനക്കുകയായിരുന്നു എന്ന് താരം നേരത്തെ പറഞ്ഞിരുന്നു. മമ്മൂട്ടിയുടെ അമ്മാവന്റെ കൊച്ചുമകളാണ് ഫർസാന. റോഷന്റെ സഹോദരിയും ഫർസാനയും തമ്മിൽ നേരത്തെ തന്നെ പരിചയത്തിലായിരുന്നു. വീട്ടുകാർ വിവാഹം തീരുമാനിച്ചതോടെ തങ്ങൾ പ്രണയത്തിൽ ആവുകയായിരുന്നു എന്ന് റോഷൻ വ്യക്തമാക്കിയിരുന്നു.
കഴിഞ്ഞ ദിവസമായിരുന്നു റോഷന്റെ വിവാഹം. 16 08 2020 എന്നായിരുന്നു ചിത്രത്തിന് റോഷൻ ക്യാപ്ഷൻ നൽകിയത്. ലോക് ഡൗൺ കാലമായതിനാൽ വിവാഹം ലളിതമായാണ് നടത്തുന്നതെന്ന് നേരത്തെ റോഷൻ പറഞ്ഞിരുന്നു. സോഷ്യൽ മീഡിയയിലൂടെയാണ് സുഹൃത്തുക്കളും കുടുംബാംഗങ്ങളുമെല്ലാം നവദമ്ബതികൾക്ക് ആശംസ നേർന്നത്.
