ഹരീഷ് പേരടിയെ നായകനാക്കി നവാഗതനായ അഖില്‍ കാവുങ്ങല്‍ തിരക്കഥ എഴുതി സംവിധാനം ചെയ്യുന്ന ഐസ് ഒരതി മാര്‍ച്ച്‌ 5 ന് പ്രൈം റീല്‍സ് ഒടിടി പ്ലാറ്റ് ഫോമിലൂടെ റിലീസ് ചെയ്യുന്നു. ബോധിക്കൂള്‍ എന്റര്‍ടൈന്‍മെന്റിന്റെയും പുനത്തില്‍ പ്രൊഡക്ഷന്സിന്റെയും ബാനറില്‍ K. R. ഗിരീഷ്, നൗഫല്‍ പുനത്തില്‍ എന്നിവര്‍ ചേര്‍ന്ന് നിര്‍മിക്കുന്ന ചിത്രം ലോകത്തിന്റെ മാറ്റം അറിയാതെ ആഗ്രഹങ്ങള്‍ ഉള്ളിലൊതുക്കി ജീവിക്കേണ്ടി വരുന്ന കുഞ്ഞുണ്ണി എന്ന കഥാപാത്രവും അയാളുടെ കാഴ്ചപ്പാടുകളും മാറ്റങ്ങളുമാണ്‌ പറയുന്നത്.
ചിത്രത്തില്‍ നിര്‍മല്‍ പാലാഴി, ബിനു പപ്പു, സാവിത്രി ശ്രീധരന്‍(സുഡാനി ഫ്രം നൈജിരീയ ഫെയിം ), ബാലചന്ദ്രന്‍ ചുള്ളിക്കാട്, പ്രദീപ്‌ ബാലന്‍, ആശ അരവിന്ദ്, നീരജ, ജോര്‍ജ് വര്‍ഗീസ്, വിജയലക്ഷ്മി എന്നിവര്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
ഛായാഗ്രഹണം രാഹുല്‍. C. വിമല,എഡിറ്റര്‍ രാകേഷ് അശോക, സംഗീതം ഗിരീഷന്‍. എ. സി, വരികള്‍ സന്തോഷ്‌ വര്‍മ്മ, ആര്‍ട്ട് മുരളി ബേപ്പൂര്‍ , അസ്സോസിയേറ്റ് ഡയറക്ടര്‍സ് ജയേന്ദ്ര ശര്‍മ, സജിത്. S. ലാല്‍ ,പ്രൊഡക്ഷന്‍ കണ്‍ട്രോളര്‍ നിജില്‍ ദിവാകരന്‍, മേക്കപ്പ് ദിനേശ് കോഴിക്കോട്, സ്റ്റീല്‍സ് രാംദാസ് മാത്തൂര്‍, കോ പ്രൊഡ്യൂസര്‍ ലതീഷ് കൂടത്തിങ്കല്‍, എക്സിക്യൂട്ടീവ് പ്രൊഡ്യൂസര്‍ നൗഷീര്‍ പുനത്തില്‍.
