കോവിഡ് ബാധിച്ച്‌ ചികിത്സയില്‍ കഴിയുന്ന സംവിധായകന്‍ സംഗീത് ശിവന്റെ ആരോഗ്യനിലയില്‍ പുരോഗതിയെന്ന് സഹോദരന്‍ സന്തോഷ് ശിവന്‍. സംഗീതിനെ വെന്റിലേറ്ററില്‍ നിന്നും മാറ്റിയെന്നും സുഖം പ്രാപിക്കുകയാണെന്നും സന്തോഷ് ശിവന്‍ വ്യക്തമാക്കി.
തിരുവനന്തപുരത്തെ സ്വകാര്യ ആശുപത്രിയിലാണ് സംഗീത് ശിവന്‍ ചികിത്സയില്‍ കഴിയുന്നത്. നാല് ദിവസം മുമ്ബാണ് സംഗീതിനെ ആശുപത്രിയില്‍ പ്രവേശിപ്പിച്ചത്. സംവിധായകന്റെ ആരോഗ്യനില ഗുരുതരമായി തുടരുന്നു എന്ന റിപ്പോര്‍ട്ടുകള്‍ക്ക് പിന്നാലെയാണ് സന്തോഷ് ശിവന്റെ പ്രതികരണം.
വെന്റിലേറ്ററില്‍ നിന്നും മാറ്റിയെന്നും സന്തോഷ് ശിവന്‍ ഫെയ്‌സ്ബുക്കില്‍ കുറിച്ചു. മലയാളത്തിലും ഹിന്ദിയിലും അടക്കം നിരവധി ചിത്രങ്ങള്‍ സംഗീത് സംവിധാനം ചെയ്തിട്ടുണ്ട്.
സംഗീത് ശിവന്‍ ആദ്യമായി സംവിധാനം ചെയ്ത ചിത്രം വ്യൂഹം ആണ്. യോദ്ധാ, ഗാന്ധര്‍വം, നിര്‍ണയം എന്നിവയാണ് പ്രധാന സിനിമകള്‍.
