കൊവിഡ് ബാധിച്ച്‌ ചികിത്സയില്‍ കഴിയുന്ന സംവിധായകന്‍ സംഗീത് ശിവന്‍ സുഖം പ്രാപിക്കുന്നുവെന്ന് സഹോദരനും സംവിധായകനുമായ സന്തോഷ് ശിവന്‍. എല്ലാവരുടെയും പ്രാര്‍ഥനകള്‍ക്ക് നന്ദി അറിയിക്കുന്നുവെന്നും സന്തോഷ് ശിവന്‍ ഫേസ്ബുക്കിലൂടെ അറിയിച്ചു.
നാല് ദിവസം മുന്‍പ് തുരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ച സംഗീത് ശിവനെ വെന്‍റിലേറ്ററിലേക്ക് മാറ്റിയിരുന്നു. എന്നാല്‍ സഹോദരനെ വെന്‍റിലേറ്ററില്‍ നിന്നും മാറ്റിയെന്നും സുഖം പ്രാപിച്ചുവരികയാണെന്നും സന്തോഷ് ശിവന്‍ വ്യക്തമാക്കി.
