റിയാദ്: വൈവിധ്യമാർന്ന പരിപാടികളോടെ സഊദി അറേബ്യ ഇന്ന് ദേശീയ ദിനം ആഘോഷിക്കുന്നു. 1932 ൽ ആധുനിക സഊദി അറേബ്യയുടെ സ്ഥാപകനായ അബ്ദുൾ അസീസ് രാജാവിന്റെ രാജകൽപ്പന പ്രകാരം നജ്ദ്, ഹെജാസ് എന്ന രാജ്യത്തിന്റെ പേര് സൗദി അറേബ്യ എന്ന് പുനർനാമകരണം ചെയ്തതിന്റെ സ്മരണയ്ക്കായി എല്ലാ സെപ്തംബർ 23 നും ദേശീയ ദിനം ആഘോഷിക്കുന്നു.
സൽമാൻ രാജാവിന്റെയും കിരീടാവകാശി മുഹമ്മദ് ബിൻ സൽമാൻ രാജകുമാരന്റെയും ജ്ഞാനപൂർവകമായ നേതൃത്വത്തിൽ രാജ്യം വൻതോതിൽ സാമൂഹികവും സാമ്പത്തികവുമായ പരിവർത്തനത്തിനും വികസന കുതിപ്പിനും വിധേയമാകുമ്പോഴാണ് ഇത്തവണത്തെ ദേശീയ ദിനം ആഘോഷിക്കുന്നത്.
സഊദി അറേബ്യയെ ലോകത്തിന് മുന്നിൽ തുറന്നുകൊടുക്കുന്ന സവിശേഷമായ പരിവർത്തനാത്മക സാമ്പത്തിക സാമൂഹിക പരിഷ്കരണ സൗദി വിഷൻ 2030 ന്റെ ശില്പിയാണ് കിരീടാവകാശി.
സഊദി അറേബ്യയുടെ എണ്ണയെ ആശ്രയിക്കുന്നത് കുറയ്ക്കുന്നതിനും സമ്പദ് വ്യവസ്ഥയെ
വൈവിധ്യവത്കരിക്കുന്നതിനും ആരോഗ്യം, വിദ്യാഭ്യാസം, അടിസ്ഥാന സൗകര്യങ്ങൾ,
വിനോദം, ടൂറിസം തുടങ്ങിയ പൊതു സേവന മേഖലകൾ വികസിപ്പിക്കുന്നതിനുമുള്ള തന്ത്രപരമായ ചട്ടക്കൂടാണിപ്പോൾ സഊദി അറേബ്യ.
ദേശീയ അഭിമാനത്തിന്റെ മഹത്തായ ദിനം ആഘോഷിക്കാൻ ലക്ഷക്കണക്കിന് പൗരന്മാർ എത്തിയപ്പോൾ രാജ്യത്തുടനീളമുള്ള ചെറുതും വലുതുമായ നഗരങ്ങളിലും ഗവർണറേറ്റുകളിലും പച്ച പതാകകൾ പറന്നു.
എല്ലാ സർക്കാർ കെട്ടിടങ്ങൾക്കും പൊതുസ്ഥലങ്ങൾക്കു മുന്നിലും നിരവധി വീടുകളിലും കാറുകളിലും ദേശീയ പതാക ഉയർന്നു. ദേശസ്നേഹവും രാജ്യത്തോടും അതിന്റെ നേതൃത്വത്തോടുമുള്ള വിശ്വസ്തതയും പ്രകടിപ്പിക്കുന്നതിന്റെ പ്രതീകമാണിത്.
