മലയാള സിനിമാ രംഗത്തും തമിഴ് സിനിമാ രംഗത്തും തൻ്റെ അഭിനയ മികവ് കാഴ്ചവെച്ച് പ്രേഷക മനസ്സിൽ ഇടം നേടിയ ഒരു വ്യക്തിയാണ് ഉർവശി. തമിഴ് സിനിമ രംഗത്ത് തന്നെ ഹിറ്റാക്കി മാറ്റിയ കഥാപാത്രത്തെക്കുറിച്ചും സിനിമയെക്കുറിച്ചും കൂടാതെ തന്നെക്കുറിച്ച് വന്ന ഒരു വിമർശനത്തെക്കുറിച്ചും ഉർവശി പങ്കു വയ്ക്കുകയാണ്.
‘മുന്താനെ മുടിച്ച്’ എന്ന സിനിമയിൽ അഭിനയിക്കുന്ന സമയത്താണ് തന്നെ കുറിച്ച് ആദ്യമായി ഒരു വിമർശനം വരുന്നതെന്ന് ഉർവശി പറയുന്നു. അത് ഇങ്ങനെയായിരുന്നു, ‘പുതിയതായി ഒരു നായിക വന്നിട്ടുണ്ട്. സ്കൂൾ ഫിനിഷ് ചെയ്തിട്ടില്ല. ഭയങ്കര അഹങ്കാരിയാണ്, സംവിധായകൻ ഇങ്ങോട്ട് വിളിച്ചാൽ അങ്ങോട്ട് പോകും’. ഒരു ടെലിവിഷൻ ചാനലിന് നൽകിയ അഭിമുഖത്തിൽ സംസാരിക്കവേയാണ് ഉർവശി പ്രേക്ഷകരോട് ഇക്കാര്യങ്ങളെല്ലാം പങ്കുവെച്ചത്.
