സിനിമയിലും അതേപോലെ വ്യക്തി ജീവിതത്തിലും ചുറ്റുമുള്ളവരോട് മാന്യതയോടെയും അനുകമ്പയോടെയും പെരുമാറുന്ന ചുരുക്കം ബോളിവുഡ് താരങ്ങളിൽ ഒരാളാണ് ഷാരൂഖ് ഖാൻ. എന്നാൽ ഒരു അവാർഡ് ഷോയിൽ ഫോട്ടോയ്ക്ക് പോസ് ചെയ്യുന്നതിനിടെ ഫ്രെയിമിൽ കയറി വന്ന വയോധികനെ ബലമായി തള്ളി മാറ്റി എന്ന തരത്തിൽ പ്രചരിക്കുന്ന വിഡിയോയാണ് നടനിപ്പോൾ പാരയായിരിക്കുന്നത്.
77-ാമത് ലൊകാർണോ ഫിലിം ഫെസ്റ്റിവലിൽ കരിയർ അച്ചീവ്‌മെൻ്റ് അവാർഡ് സ്വീകരിക്കാൻ നടൻ ഷാരൂഖ് ഖാൻ സ്വിറ്റ്‌സർലാൻഡിൽ എത്തിയിരുന്നു. ഫോട്ടോയ്ക്ക് പോസ് ചെയ്യുന്നതിനിടെ ഫ്രെയിമിൽ കയറി നിൽക്കുന്ന ഒരു വയോധികനെ ഷാരൂഖ് ഖാൻ തള്ളി മാറ്റുന്നത് വിഡിയോയിൽ കാണാം. ഷാരുഖ് ഖാനിൽ
എന്തായാലും വീഡിയോ വൈറൽ ആയതോടെ മുൻപ് ആരാധിച്ചിരുന്നവർ പോലും നടനെ വിമർശിച്ച് രംഗത്തെത്തിയിരിക്കുകയാണ്. നടനിൽ നിന്നും ഇത്തരം ഒരു പ്രവർത്തി ഒട്ടും പ്രതീക്ഷിച്ചിരുന്നില്ല എന്നും ഷാരൂഖിനെ താരജാഡ ബാധിച്ചു എന്നും ചിലർ കുറ്റപ്പെടുത്തുന്നു.
അതേസമയം വയോധികനോടൊപ്പം തന്നെ ഷാരൂഖ് ഖാൻ നടന്നു വരുന്ന മറ്റൊരു വീഡിയോ പങ്കുവെച്ച് നടന്റെ ആരാധകർ എത്തിയിരിക്കുകയാണ്. വയോധികനെ മാറ്റിയത് ഒരിക്കലും മോശം ഉദ്ദേശത്തോടെയായിരിക്കില്ലെന്നും ഇവർ സുഹൃത്തുക്കൾ ആയിരിക്കാം എന്നും തെറ്റായ വീഡിയോയാണ് പ്രചരിക്കുന്നതെന്നുമാണ് ആരാധകരുടെ അവകാശവാദം.
