നടി ശരണ്യ പൊന്‍വണ്ണന്റെ മകള്‍ പ്രിയദര്‍ശിനിയുടെ വിവാഹനിശ്ചയം കഴിഞ്ഞു. ചെന്നൈയില്‍ നടന്ന ചടങ്ങില്‍ അടുത്ത കുടുംബാംഗങ്ങളും സുഹൃത്തുക്കളും മാത്രമാണ് പങ്കെടുത്തത്. സംവിധായകനും നടനുമായ പൊന്‍വര്‍ണ്ണനാണ് ശരണ്യയുടെ ഭര്‍ത്താവ്.
പ്രിയദര്‍ശിനിയെ കൂടാതെ ചാന്ദിനി എന്നൊരു മകള്‍ കൂടിയുണ്ട് ഇരുവര്‍ക്കും. വിവാഹ തിയതി സംബന്ധിച്ച വിവരം പുറത്തു വന്നിട്ടില്ല. അധികം വൈകാതെ വിവാഹ തിയതി കുടുംബം പുറത്തുവിട്ടേക്കും. 1996-ല്‍ പുറത്തിറങ്ങിയ മണിരത്‌നത്തിന്റെ നായകന്‍ എന്ന സിനിമയിലൂടെയാണ് ശരണ്യ അഭിനയ രംഗത്തേക്ക് എത്തിയത്.
മലയാളം, തമിഴ്, തെലുങ്ക്, കന്നഡ ഭാഷകളിലായി നിരവധി സിനിമകളില്‍ നായികയായി ശരണ്യ തിളങ്ങി. ഒരിടവേളയ്ക്ക് ശേഷം സിനിമയിലേക്ക് മടങ്ങിയെത്തിയ ശരണ്യ അമ്മവേഷങ്ങളിലാണ് പിന്നീട് സജീവമായത്. സൂര്യ, ധനുഷ്, നയന്‍താര, വിജയ് സേതുപതി തുടങ്ങിയ താരങ്ങളുടെയെല്ലാം അമ്മയായി ശരണ്യ നിരവധി സിനിമകളില്‍ വേഷമിട്ടു.
