പ്രേഷകരുടെ പ്രിയപ്പെട്ട ഗായികയാണ് ശ്രേയ ഘോഷാല്‍. ആദ്യ കണ്മണിയെ വരവേല്‍ക്കാനുള്ള കാത്തിരിപ്പിലാണ് ശ്രേയാ ഘോഷാലും ഭര്‍ത്താവ് ശൈലാദിത്യ മുഖപാധ്യായയും. ഇപ്പോള്‍ ഗര്‍ഭകാല വിശേഷങ്ങള്‍ പങ്കുവച്ച്‌ രംഗത്ത് എത്തിയിരിക്കുകയാണ് ശ്രേയ. നിറവയറുമായി നില്‍ക്കുന്ന ചിത്രങ്ങളാണ് ശ്രേയാ ഘോഷാല്‍ ഇന്‍സ്റ്റയില്‍ പങ്കുവെച്ചിരിക്കുന്നത്.
ജീവിതത്തിലെ ഏറ്റവും മനോഹരമായ ഘട്ടമാണ് അനുഭവിക്കുന്നതെന്ന് ശ്രേയ കുറിച്ചു. ദൈവത്തിന്റെ ദിവ്യ അത്ഭുതമെന്നും ശ്രേയാ വിശേഷിപ്പിക്കുന്നു. ഭര്‍ത്താവ് തന്നെയാണ് ചിത്രങ്ങള്‍ പകര്‍ത്തിയത്. ബംഗാളില്‍ നിന്നെത്തി ശബ്ദമാധുര്യത്തിലൂടെ മലയാളികളുടെ അടക്കം പ്രിയ ഗായികയായി മാറിയ പാട്ടുകാരിയാണ് ശ്രേയ ഘോഷാല്‍. ഏതാനും ദിവസങ്ങള്‍ക്ക് മുന്‍പാണ് സന്തോഷ വാര്‍ത്ത ശ്രേയ ആരാധകര്‍ക്കായി പങ്കുവെച്ചത്.
