ചെന്നൈ: പ്രശസ്ത തമിഴ് നടൻ ചിമ്പു വിവാദത്തിൽ. നടൻ പാമ്പിനെ പിടിക്കുന്ന വീഡിയോ കഴിഞ്ഞദിവസം വൈറലായിരുന്നു. ഇതിനു പിന്നാലെയാണ് വിവാദം ഉണ്ടായത്. ചിമ്പുവിന്റെ വരാനിരിക്കുന്ന ചിത്രം ‘ഈശ്വരൻ’ ആണ് വിവാദത്തിൽ ആയിരിക്കുന്നത്. ഷൂട്ടിംഗ് ലൊക്കേഷനിൽ നിന്നുള്ള വീഡിയോ ആണ് ഇപ്പോൾ വൈറലായിരിക്കുന്നത്.
ഈശ്വരൻ സിനിമയ്ക്കു വേണ്ടിയുള്ള ലുക്കിൽ ലുങ്കി ഉടുത്താണ് താരം വീഡിയോയിൽ പ്രത്യക്ഷപ്പെടുന്നത്. വീഡിയോയിൽ താരത്തിനൊപ്പം മറ്റു രണ്ടുപേരെ കൂടി കാണാം. ഏതായാലും പാമ്പിനെ പിടിക്കുന്ന വീഡിയോ വൻ വിവാദമായിരിക്കുകയാണ്. സിനിമകളിൽ പാമ്പുകളെ ഉപയോഗിക്കാൻ പാടില്ല. അതേസമയം, ഇത്തരത്തിൽ പാമ്പിനെ സിനിമയ്ക്കായി ഉപയോഗിച്ചിട്ടുണ്ടെന്ന് തെളിഞ്ഞാൽ വന്യജീവി സംരക്ഷണ നിയമത്തിന്റെ ലംഘനമായിരിക്കും അത്.
മെലിഞ്ഞ തന്റെ പുതിയ രൂപത്തിലാണ് ചിമ്പു വീഡിയോയിൽ പ്രത്യക്ഷപ്പെടുന്നത്. ചിമ്പുവിനൊപ്പം രണ്ടുപേരെ കൂടി വീഡിയോയിൽ കാണാം. മരത്തിൽ കിടക്കുന്ന പാമ്പിനെ പതിയെ ചെന്ന് പിടികൂടുന്ന ചിമ്പു മറ്റ് രണ്ടു പേരുടെ സഹായത്തോടെ പാമ്പിനെ ഒരു ബാഗിനുള്ളിലാക്കുകയാണ്.
