ചലച്ചിത്ര നടൻ കൃഷ്‍ണകുമാറിന്റെയും മകളും സോഷ്യൽ മീഡിയ ഇൻഫ്ലൂൻസറും സംരഭകയുമായ ദിയ കൃഷ്‍ണ വിവാഹിതയായി. അശ്വിൻ ഗണേഷാണ് വരൻ. ഏറെക്കാലമായി പ്രണയത്തിലായിരുന്ന ദിയയും സോഫ്റ്റ്‍വെയര്‍ എഞ്ചിനീയറായ അശ്വിനും തിരുവനന്തപുരത്തെ സ്വകാര്യ ഹോട്ടലിൽ വച്ചു നടന്നചടങ്ങിലൂടെ ഔദ്യോഗികമായി ഒന്നിക്കുകയായിരുന്നു.
കൃഷ്‍ണകുമാറിന്റെ കുടുംബവുമായി നേരിട്ട് അടുപ്പമുള്ള കുറച്ച് പേര്‍ക്ക് മാത്രമായിരുന്നു ക്ഷണമുണ്ടായിരുന്നത്. അഹാന, ഇഷാനി, ഹൻസിക എന്നീ സഹോദരിമാരും അമ്മ സിന്ധുവും അച്ഛൻ കൃഷ്‍ണകുമാറും ഇളം പിങ്കിലുള്ള വസ്‍ത്രങ്ങളാണ് ധരിച്ചത്. രാധിക സുരേഷ് ഗോപി, മലയാള ചലച്ചിത്ര നിര്‍മാതാവ് സുരേഷ് കുമാര്‍ എന്നിവരും വിവാഹ ചടങ്ങില്‍ പങ്കെടുത്തു.
കൊവിഡ് നമ്മളെ പഠിപ്പിച്ചത് പോലെ വിവാഹം ചെറുതായിട്ടാണ് നടത്തേണ്ടത്. വിവാഹങ്ങള്‍ ഇനി ലളിതമായിരിക്കണം എന്നും താരം വ്യക്തമാക്കി. ദിയ കൃഷ്‍ണയുടെയും അശ്വിന്റെയും വിവാഹ ഫോട്ടോകള്‍ വ്യാപകമായി പ്രചരിക്കുന്നുണ്ട്.
