ഇടതുപക്ഷത്തിനു വേണ്ടി താന് പാടിയ ‘ഉറപ്പാണ് കേരളം’ ഏറ്റെടുത്തതില് നന്ദി പറഞ്ഞ് ഗായിക സിത്താര കൃഷ്ണകുമാര്. ഇടതുപക്ഷ സര്ക്കാരിന്റെ ഇതുവരെയുള്ള ഭരണനേട്ടങ്ങള് ഉയര്ത്തിക്കാണിച്ചുകൊണ്ട് ഭരണത്തുടര്ച്ച ലക്ഷ്യമിട്ടുകൊണ്ടുള്ള വരികളാണ് പാട്ടിനായി തയാറാക്കിയിരിക്കുന്നത്. തെരഞ്ഞെടുപ്പ് പ്രചാരണത്തിനു വേണ്ടിയുള്ള പാട്ട് സിത്താര തന്നെയാണ് സംഗീതം പകര്ന്ന് ആലപിച്ചത്. ബി.കെ. ഹരിനാരായണനാണ് വരികള് കുറിച്ചത്.
ഫേസ്ബുക്ക് പോസ്റ്റിന്റെ പൂര്ണ രൂപം
മൈത്രിയും,വണ്ടര്വാള് മീഡിയയും ഇലക്ഷന് ക്യാമ്ബയിന് ഗാനം ഉണ്ടാക്കുന്നതിനായി സമീപിച്ചപ്പോള് സന്തോഷത്തോടെ ആ ‘ജോലി’ ഏറ്റെടുക്കുകയായിരുന്നു!! ഗാനം ഇഷ്ടപെടുന്നു എന്നറിയുന്നത് സന്തോഷം! മനോഹരമായ വരികള് എഴുതിയ ശ്രീ ഹരിനാരായണന്, പാടിനോട് ഏറ്റവും ചേര്ന്ന് നില്ക്കുന്ന രീതിയില് അകമ്ബടിയായ സാമൂവല് എബി, കൃത്യ സമയത്ത് മിക്സ് ആന്ഡ് മാസ്റ്റര് ചെയ്ത് തന്ന മിഥുന് ആനന്ദ്, സൗണ്ട് എഞ്ചിനീയഴ്സ് കിരണ്ലാല്,നിഷാന്ത്, കല തൊഴിലുകൂടിയാക്കിയ ഞങ്ങളുടെ ജോലികളെ മനസിലാക്കി, എനിക്കും എന്റെ കൂടെ പ്രവര്ത്തിച്ചവര്ക്കും കൃത്യമായി വേതനം തന്ന ‘മൈത്രി’! എല്ലാവര്ക്കും നന്ദി! പ്രകൃതി ദുരന്തങ്ങളിലും , മഹാമാരിയിലും പെട്ട് കലാകാരന്മാര് ഏറ്റവും ബുദ്ധിമുട്ടനുഭവിച്ച വര്ഷങ്ങളാണ് കടന്നുപോയത്!!! വരും വര്ഷങ്ങള് കലാകാരന്മാര്ക്ക് അര്ഹിക്കുന്ന കരുതലും കാവലും ഉണ്ടാകുമെന്ന ശുഭപ്രതീക്ഷയില്….
സ്നേഹം