ചെയ്ത പടങ്ങൾ ഒട്ടുമിക്കതും ഹിറ്റും ബ്ലോക്ക് ബസ്റ്ററും ആക്കിയ ആളെന്നാണ് പൊതുവെ നടി അനശ്വര രാജനെ മലയാളികൾ അഭിസംബോധന ചെയ്യാറുള്ളത്. 2017ൽ ഉദാഹരണം സുജാതയിലൂടെ മഞ്ജു വാരിയറുടെ മകളായി മലയാള സിനിമയിൽ കയറി വന്ന് പിന്നീട് തണ്ണീർമത്തൻ ദിനങ്ങളിലും സൂപ്പർ ശരണ്യയിലുമൊക്കെ തിളങ്ങി നടി ഓസ്‌ലറിലും നേരിലുമൊക്കെ എത്തിനിൽക്കുമ്പോൾ മലയാളികൾക്ക് അത്ഭുതമാണ്. അനശ്വരയുടെ ആദ്യകാല പടങ്ങളിൽ നിന്നും നടി എത്രമാത്രം വളർന്നുപോയി!
ഇത്തരത്തിൽ ഈ അടുത്ത് നിവിൻ പോളിയുടെ നായികയായും മലയാളി ഫ്രം ഇന്ത്യ എന്ന സിനിമയിൽ നടി എത്തിയിരുന്നു. സിനിമയിൽ നിവിൻ പോളി അവതരിപ്പിച്ച കഥാപാത്രം അനശ്വര അവതരിപ്പിച്ച കൃഷ്ണ എന്ന കഥാപാത്രത്തെ നിരന്തരം പിറകെ നടന്ന് ശല്യം ചെയ്യുന്നതായിരുന്നു കഥ. സിനിമയുമായി ബന്ധപ്പെട്ട ഒരു അഭിമുഖ പരിപാടിയിൽ ഇതുപോലെ ആരെങ്കിലും പിന്നാലെ നടന്ന ശല്യം ചെയ്തിട്ടുണ്ടോ എന്ന് ചോദ്യത്തിന് താരം പറഞ്ഞ മറുപടിയാണ് കൗതുകമായത്.
സ്കൂളിൽ പഠിക്കുമ്പോൾ ആയിരുന്നു ആ സംഭവമെന്നും ആ സോങ്ങിലെ നിവിൻ പൊളിയെ പോലെ തന്നെ ഒരാൾ ആയിരുന്നു പിന്നാലെ നടന്നിരുന്നതെന്നും അനശ്വര പറയുന്നു. അതേസമയം അയാൾ ഇപ്പോൾ എവിടെയാണെന്ന് അറിയില്ലെന്നും എവിടെയോ എന്തോ ചെയ്തു ജീവിക്കുന്നുണ്ടാകും എന്നും അനശ്വര രസകരമായി പറയുന്നു.
