തിരുവനന്തപുരം: ക്വാറന്റീനിൽ കഴിയുന്നതും കോവിഡ് പോസിറ്റീവായവരുമായ വോട്ടർമാരുടെ തദ്ദേശ തിരഞ്ഞെടുപ്പിൽ തപാൽ വോട്ട് ചെയ്യാൻ അവസരം നൽകുന്നതിനുള്ള ആദ്യ പട്ടിക ഇന്നലെ പ്രസിദ്ധീകരിക്കാനായില്ല. ഡിസംബർ 8നു വോട്ടെടുപ്പ് നടക്കേണ്ട തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലെ ലിസ്റ്റാണ് ഇന്നലെ അതതു ജില്ലാ കലക്ടർമാർ പ്രസിദ്ധീകരിക്കേണ്ടിയിരുന്നത്. എന്നാൽ ഇടുക്കിയിലും കൊല്ലത്തും പട്ടികയിൽ ഉൾപ്പെടുത്താവുന്നവരുടെ എണ്ണം മാത്രം പുറത്തുവിട്ടു. കൊല്ലത്തു 7867 പേരും
ഇടുക്കിയിൽ 4853 പേരും അടങ്ങുന്ന പട്ടികയാണ് പുറത്തുവിട്ടത്. ഇന്നലെ ഞായറാഴ്ചയായതിനാലാണ് ബാക്കി ജില്ലകളിലെ കണക്കും മറ്റു വിവരങ്ങളും ലഭിക്കാത്തതെന്നും അത് ഇന്നേ തയാറാകുകയുള്ളൂവെന്നുമാണ് ആരോഗ്യവകുപ്പിന്റെ വിശദീകരണം.
