16 കോടി രൂപയുടെ ആഡംബര അപ്പാർട്ട്‌മെന്റ് സ്വന്തമാക്കി ബോളിവുഡ് സുന്ദരി സണ്ണി ലിയോണി. അന്ധേരിയിലാണ് 16 കോടി രൂപ മുടക്കി താരം പുതിയ വീട് സ്വന്തമാക്കിയത്. അന്ധേരി വെസ്റ്റിലെ ന്യൂലിങ്ക് റോഡിലുള്ള അറ്റ്‌ലാന്റിസിലെ 16 നില കെട്ടടത്തിലാണ് താരത്തിന്റെ പുതിയ അപ്പാർട്ട്‌മെന്റ്.
നിലവിൽ നിർമാണം നടന്നുകൊണ്ടിരിക്കുന്ന കെട്ടടത്തിന്റെ 12ാം നിലയിലാണ് താരത്തിന്റെ ഫഌറ്റ്. താരത്തിനായി മൂന്ന് മെക്കാനൈസ്ഡ് കാർ പാർക്കിങ്ങുകളും നിർമാതാക്കളായ ക്രിസ്റ്റൽ പ്രൗഡ് ഡെവലപ്പേഴ്‌സ് നൽകുന്നുണ്ട്. 4365 സ്‌ക്വയർ ഫീറ്റിലുള്ള പ്രോപ്പർട്ടിയുടെ രജിസട്രേഷൻ മാർച്ച്‌ 26നായിരുന്നു. 28ന് രജിസ്‌ട്രേഷൻ പൂർത്തിയാക്കി. 48 ലക്ഷം രൂപയാണ് താരം സ്റ്റാമ്പ് ഡ്യൂട്ടിയായി നൽകിയത്. ഏപ്രിൽ ഒന്നിന് സ്റ്റാപ് ഡ്യൂട്ടി കൂടാനിരിക്കെയാണ് താരം തിടുക്കപ്പെട്ട് രജിസ്‌ട്രേഷൻ പൂർത്തിയാക്കിയത്.
മലയാളം സിനിമയിൽ നായികയായി അഭിനയിക്കാനുള്ള തയാറെടുപ്പിലാണ് സണ്ണി ലിയോണി. ശ്രീജിത്ത് വിജയൻ സംവിധാനം ചെയ്യുന്ന ഷീറോയിലാണ് താരം എത്തുക. മുൻപ് മലയാളം സിനിമയിൽ അഭിനയിച്ചിട്ടുണ്ടെങ്കിലും നായികയാവുന്നത് ആദ്യമായാണ്. ഒരു ടെലിവിഷൻ പരിപാടിയുടെ ഭാഗമായി ഏറെ നാളായി കേരളത്തിലായിരുന്നു താരം.
