ബി.ജെ.പി സ്ഥാനാർത്ഥി സുരേഷ് ഗോപി ഇന്നുമുതൽ തെരഞ്ഞെടുപ്പ് പ്രചാരണത്തിൽ സജീവമാകുന്നു. ന്യൂമോണിയ ബാധയെന്ന സംശയത്തെ തുടർന്ന് രണ്ടാഴ്ചത്തെ ചികിത്സയ്ക്കും വിശ്രമത്തിനും ശേഷമാണ് സുരേഷ് ഗോപി മടങ്ങിയെത്തുന്നത്. നാമനിർദ്ദേശപത്രിക സമർപ്പിക്കാൻ കഴിഞ്ഞയാഴ്ച തൃശ്ശൂർ കളക്ട്രേറ്റിലെത്തിയ ശേഷം വീട്ടിലേക്ക് മടങ്ങിയ സുരേഷ്‌ഗോപി വിശ്രമത്തിലായിരുന്നു.
നിലവിൽ രാജ്യസഭാ എം.പിയാണ് സുരേഷ് ഗോപി. കഴിഞ്ഞ ലോക്സഭാ തെരഞ്ഞെടുപ്പിൽ തൃശൂർ നിയോജക മണ്ഡലത്തിൽ രണ്ടാമതെത്താൻ സുരേഷ് ഗോപിക്ക് കഴിഞ്ഞിരുന്നു. തൃശൂർ ഞാനിങ്ങേടുക്കുവാ എന്ന പ്രയോഗം അന്ന് വളരെയേറെ ജനശ്രദ്ധ നേടിയിരുന്നു. സുരേഷ് ഗോപിയുടെ താര പരിവേഷവും തൃശൂർ കേന്ദ്രീകരിച്ച് നടത്തിയ സേവന പ്രവർത്തനങ്ങളും ഗുണമാകുമെന്നാണ് ബിജെപിയുടെ വിലയിരുത്തൽ.
