സുരേഷ് ഗോപിയുടെ 251ആം ചിത്രം ഷൂട്ടിങ് മാർച്ചിൽ തുടങ്ങും; മാസ് പടമല്ലെന്ന് സൂചന
ഫസ്റ്റ് ലുക്ക് പോസ്റ്റർ വൈറലായതിന് പിന്നാലെ സുരേഷ് ഗോപിയുടെ 251ആം ചിത്രത്തിന്‍റെ കൂടുതൽ വിവരങ്ങൾ
പുറത്ത്. വാച്ച്മെക്കാനിക്കായ ഒരാളായാണ് സുരേഷ് ഗോപി എത്തുന്നത്. ജോലിയിൽ നിന്നും വിരമിച്ച ശേഷം
വാച്ചുകട നടത്തുകയാണ്. രണ്ട് കാലഘട്ടത്തിലെ കഥയാണ് ചിത്രത്തിലുള്ളത്.
ചിത്രം മാസ് ആയിരിക്കില്ലെന്ന് ചിത്രത്തിന്‍റെ സംവിധായകൻ രാഹുൽ രാമചന്ദ്രൻ ഒരു ഓൺലൈൻ പോർട്ടലിന്
നൽകിയ അഭിമുഖത്തിൽ പറഞ്ഞു. ഡ്രാമയ്ക്കാണ് പ്രാധാന്യം. എന്നാൽ 20 മിനിറ്റോളം നീളുന്ന ആക്ഷൻ രംഗങ്ങളും
ചിത്രത്തിൽ ഉണ്ടാകും.
കേരളത്തിലും തമിഴ്നാട്ടിലുമായാണ് കഥ നടക്കുന്നത്. മാർച്ചോടെ ഷൂട്ടിങ് തുടങ്ങാനാണ് ആലോചന.
1980 കാലഘട്ടം തമിഴ്നാട്ടിൽ ചിത്രീകരിക്കേണ്ടതുണ്ട്. കൊവിഡ് സാഹചര്യങ്ങൾ കഴിഞ്ഞു മാത്രമേ ഈ രംഗങ്ങൾ
ചിത്രീകരിക്കാനാവൂ. തമിഴിൽ നിന്നും മലയാളത്തിൽ നിന്നും പ്രമുഖതാരങ്ങളും ചിത്രത്തിൽ ഉണ്ടാകും.
സമീൻ സലാം ആണ് തിരക്കഥ തയ്യാറാക്കിയിരിക്കുന്നത്.
