തെലുങ്ക് അസുരൻ ‘നരപ്പ’ ട്രെയിലർ പുറത്തുവിട്ടു; ചിത്രത്തിൽ വെങ്കിടേഷും പ്രിയാമണിയും
ധനുഷിന്‍റെ സൂപ്പർഹിറ്റ് ചിത്രം അസുരന്‍റെ തെലുങ്ക് റീമേക്ക് നരപ്പ ആമസോൺ പ്രൈമിൽ
ഈ മാസം 20ന് റിലീസ് ചെയ്യും. വെങ്കിടേഷ് നായകനാകുന്ന ചിത്രത്തിന്‍റെ
ട്രെയിലർ പുറത്തിറങ്ങി. കുടുംബത്തിനും നാടിനും വേണ്ടിയുള്ള നരപ്പയെന്ന
കർഷകന്‍റെ പോരാട്ടമാണ് ചിത്രം പറയുന്നത്.
ധനുഷും മഞ്ജുവാര്യരും കയ്യടി നേടിയ അസുരൻ 100 കോടി ക്ലബിൽ ഇടം പിടിച്ചിരുന്നു.മഞ്ജുവാര്യരുടെ
ആദ്യ തമിഴ് ചിത്രമായിരുന്നു അസുരൻ. തെലുങ്കിൽ മഞ്ജു അവതരിപ്പിച്ച കഥാപാത്രം പ്രിയാമണിയാണ്
ചെയ്യുന്നത്. ശ്രീകാന്ത് അഡലയാണ് സംവിധാനം ചെയ്യുന്ന നരപ്പയിൽ റാവു രമേശ്, നാസർ, കാർത്തിക് രത്നം,
അമ്മു അഭിരാമി എന്നിവർ അഭിനിയിക്കുന്നു. സുരേഷ്ബാബു, എസ്.കലൈപ്പുള്ളി എന്നിവർ
ചേർന്നാണ് ചിത്രം നിർമിച്ചിരിക്കുന്നു.
നരപ്പയിലെ ആദ്യഗാനം പുറത്തുവിട്ടപ്പോൾ അത് യുട്യൂബിൽ ട്രെൻഡിങ് ആയിരുന്നു. ചലാക്കി
ചിന്നമ്മി എന്നുതുടങ്ങുന്ന എന്ന ഗാനം പാടിയത് ആദിത്യ അയ്യങ്കാർ, നതാന മോഹൻ എന്നിവർ ചേർന്നാണ്.
മണി ശർമയാണ് ചിത്രത്തിലെ ഗാനങ്ങൾ ഒരുക്കിയത്. തിയറ്റർ റിലീസാണ് നേരത്തെ പദ്ധതിയിട്ടിരുന്നതെങ്കിലും
കൊവിഡ് സാഹചര്യങ്ങളെത്തുടർന്ന് ചിത്രം ഓടിടിയിൽ റിലീസ് ചെയ്യാൻ നിർമാതാക്കൾ തീരുമാനിക്കുകയായിരുന്നു.
