തെലുങ്ക് ‘ലൂസിഫർ’ ഉടൻ; ചിരഞ്ജീവിയുടെ നായികയാവാൻ നയൻതാരയും
മോഹൻലാലിന്‍റെ സൂപ്പർഹിറ്റ് ചിത്രം ലൂസിഫറിന്‍റെ തെലുങ്ക് റീമേക്കി ന്‍റെ പ്രീ പൊഡക്ഷൻ ജോലികൾ
തുടങ്ങി. ചിരഞ്ജീവി നായകനായകുന്ന ചിത്രം ഉപേക്ഷിച്ചെന്ന തരത്തിലുള്ള വാർത്തകൾ തള്ളിക്കൊണ്ട്
സംവിധായകൻ തന്നെയാണ് വിവരം പുറത്തുവിട്ടത്. നയൻതാരയാകും ചിത്രത്തിൽ നായികയായി എത്തുക.
ചിരഞ്ജവീയുടെ 153ആം ചിത്രമായിരിക്കും ഇത്. താരം തിരക്കഥയിൽ തൃപ്തനല്ലാത്തതിനാൽ സിനിമ ഉപേക്ഷിക്കുന്നു
എന്നായിരുന്നു തെലുങ്കുമാധ്യമങ്ങളിൽ വന്ന റിപ്പോർട്ടുകൾ. മലയാളത്തിൽ മാസ് പൊളിറ്റിക്കൽ ത്രില്ലറായിരുന്നു
ലൂസിഫർ. ഖുറേഷി എബ്രഹാം എന്ന ഡോണായും സ്റ്റീഫൻ നെടുമ്പള്ളി എന്ന രാഷ്ട്രീയക്കാരനായും ആണ് മോഹൻലാൽ എത്തിയത്.
ഇതിൽ നിന്നും വ്യത്യസ്തമായിരിക്കും തെലുങ്ക് പതിപ്പെന്നാണ് സൂചന.
റൊമാന്‍റിക് ആക്ഷൻ ചിത്രമായിരിക്കും തെലുങ്കിൽ എന്നാണ് റിപ്പോർട്ടുകൾ. നയൻതാരയായിരിക്കും നായിക.
ഫ്ലാഷ് ബാക്കിൽ നായകന്‍റെ പ്രണയിനി ആയായിരിക്കും താരം എത്തുക.
നയൻസുമായി ചർച്ചകൾ നടത്തിയെന്നും ഔദ്യോഗിക പ്രഖ്യാപനം ഉടൻ ഉണ്ടാകുമെന്നുമാണ് പ്രതീക്ഷിക്കുന്നത്.
തമിഴിലെ സൂപ്പർ ഹിറ്റ് സംവിധായകൻ മോഹൻരാജയാണ് ചിത്രം സംവിധാനം ചെയ്യുന്നത്. പൃഥ്വിരാജിന്‍റെ
ആദ്യ സംവിധാന സംരംഭം എന്ന നിലയിലാണ് ലൂസിഫർ ശ്രദ്ധേയമായത്. തെലുങ്ക് ചിത്രം സംവിധാനം ചെയ്യുന്നതിനും
പൃഥ്വിരാജിനെ സമീപിച്ചെങ്കിലും താരം തയ്യാറായിരുന്നില്ല.
മ്യൂസിക് പ്രൊഡക്ഷൻ ജോലികൾ നടക്കുന്നതായി സംവിധായകൻ തന്നെയാണ് ചിത്രം പുറത്തുവിട്ടത്.
തമൻ ആണ് ചിത്രത്തിലെ സംഗീതം ഒരുക്കുന്നത്. സൂപ്പർ ഹൈ മ്യൂസിക് ആകും സിനിമയിലേതെന്ന് സംവിധാകൻ മോഹൻരാജ
ട്വീറ്റ് ചെയ്തു. എൻ.വി.പ്രസാദ് ആണ് തെലുങ്കിൽ നിർമാണം. മലയാളത്തിൽ ലൂസിഫറിന്‍റെ രണ്ടാം ഭാഗം എമ്പുരാനും നേരത്തെ
തന്നെ പ്രഖ്യാപിച്ചിരുന്നു.
