ചേളന്നൂർ : മാലിന്യക്കൂമ്പരമായി എട്ടേ രണ്ട് അങ്ങാടിയുടെ ഹൃദയഭാഗം. കരുവാരക്കൽ ഇടവഴിയുടെ വശത്ത് ഇംഗ്ലീഷ് -ആയുർവേദ മരുന്നുകടകൾക്കിടയിലാണ് മാലിന്യത്താൽ ദുർഗന്ധപൂരിതമായത്. ചേളന്നൂരിലെ പ്രധാന ഭാഗം ചീഞ്ഞുനാറിയിട്ടും അധികൃതർ കണ്ടില്ലെന്ന് നടിക്കുകയാണെനും വേണ്ട നടപടികൾ സ്വീകരിക്കാതിരിക്കുകയും ചെയ്യുകയാണെന്നുമാണ് നാട്ടുകാരും വ്യാപാരികളും പറയുന്നത്.
കനാലിൽ വെള്ളം വന്നതുമൂലം ബസാറിലെ ഓവുചാൽ ചണ്ടി നിറഞ്ഞു കൊതുക് വളർത്തൽ കേന്ദ്രം ആയിട്ടുണ്ട്. അങ്ങാടി പകർച്ചവ്യാധി കേന്ദ്രമായി മാറുമെന്ന ആശങ്ക പങ്കുവെക്കുകയാണ് നാട്ടുകാർ. പൊട്ടിപ്പൊളിഞ്ഞ ഓവുചാലിനു മീതെ കാടുകയറി കിടക്കുന്നത് കാൽനടയാത്രകർക്കും ഭിഷണിയായിരിക്കുകയാണ്. ഇടക്കാലത്തു വ്യാപാരികളുടെ നേതൃത്വത്തിൽ ശുചീകരണം നടത്തുയിരുന്നു.
പൂർണ്ണ ശുചീകരണം നടത്തിയില്ലങ്കിൽ പകർച്ചവ്യാധികൾക്കു കാരണമാകും. അതിനാൽ അധികൃതർ അടിയന്തര നടപടി സ്വികരിക്കണം എന്നാണ് നാട്ടുകാരുടെ ആവശ്യം.
