അയ്യായിരത്തോളം പ്രസവ ശുശ്രൂഷകളിൽ അമ്മമാർക്ക് താങ്ങായ നഴ്സ് ജ്യോതി ഗാവ്ലി(38) സ്വന്തം പ്രസവത്തിന് പിന്നാലെ മരിച്ചു. പ്രസവത്തെ തുടർന്നുണ്ടായ ന്യുമോണിയയെയും അമിത രക്തസ്രാവത്തെയും തുടർന്നായിരുന്നു അന്ത്യം.
മറാഠ്വാഡയിലെ ഹിങ്ഗോളി ആശുപത്രിയിൽ നവംബർ രണ്ടിനാണ് ജ്യോതി രണ്ടാമത്തെ കുഞ്ഞിന് ജൻമം നൽകിയത്. പ്രസവത്തെ തുടർന്ന് രക്തസ്രാവം നിലയ്ക്കാതെ ആയതോടെ ആരോഗ്യനില വഷളാകുകയായിരുന്നു. തുടർന്ന് ന്യുമോണിയയും പിടിപെട്ടു. മെച്ചപ്പെട്ട ചികിൽസ നൽകിയെങ്കിലും രക്ഷിക്കാനായില്ല.
