തീയേറ്റര്‍ വിജയം നേടിയ ഹൊറര്‍-സസ്‌പെന്‍സ് ഡ്രാമ ദി പ്രീസ്റ്റ് ഏപ്രില്‍ 14മുതല്‍ ആമസോണ്‍ പ്രൈമില്‍ ലഭ്യമാകും. നവാഗതനായ ജോഫിന്‍ ടി ചാക്കോ സംവിധാനം ചെയ്ത ചിത്രത്തിന് മമ്മൂട്ടിയും മഞ്ജു വാര്യരും ഒന്നിച്ചഭിനയിക്കുന്ന ആദ്യ ചിത്രമെന്ന പ്രത്യേകത കൂടിയുണ്ട്.
അസാധാരണമായ കഴിവുകളുള്ള ഒരു പുരോഹിതന്റെ ജീവിത കഥയും തണുത്തുറഞ്ഞ കേസുകള്‍ പരിഹരിക്കാനുള്ള അദ്ദേഹത്തിന്റെ നിഗൂഢമായ യാത്രയുമാണ് ചിത്രത്തിന്റെ പ്രമേയം. ആന്റോ ജോസഫ് ഫിലിം കമ്ബനി, ആര്‍ഡി ഇല്ല്യൂമിനേഷന്‍സ് എന്നീ ബാനറുകളില്‍ ആന്റോ ജോസഫ്, ഉണ്ണികൃഷ്ണന്‍ ബി, വി.എന്‍ ബാബു എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. നിഖില വിമല്‍, ശ്രീനാഥ് ഭാസി, സാനിയ ഇയ്യപ്പന്‍, ജഗദീഷ് എന്നിവരും പ്രധാന വേഷങ്ങളില്‍ അഭിനയിക്കുന്നുണ്ട്.
